ରିପୋର୍ଟ : ବିରଞ୍ଚି ପ୍ରସାଦ ଶତପଥୀ
ଗୁଣପୁର, (୨୧/୨) : ସରସ୍ୱତୀ ଶିଶୁ ବିଦ୍ୟା ମନ୍ଦିର ଗୁଣପୁରରେ ଆନ୍ତର୍ଜାତିକ ମାତୃଭାଷା ଦିବସ ଯଥାରୀତି ପାଳନ ହୋଇଯାଇଛି ।
ଅନୁଷ୍ଠାନର ପ୍ରଧାନ ଆଚାର୍ଯ୍ୟ ପ୍ରଫୁଲ୍ଲ କୁମାର ଶତପଥୀ ଉଦ୍ଦେଶ୍ୟ ପ୍ରତିପାଦନରେ ମାତୃଭୂମି ଓ ମାତୃଭାଷାର ଭାବାର୍ଥ ତଥା ଏହାର ମହତ୍ତ୍ୱ ବିଷୟରେ ଆଲୋକପାତ କରିଥିଲେ । ଅନୁଷ୍ଠାନର ସଂପାଦକ ସୋମନାଥ ଗୌଡ ସମ୍ମାନିତ ଅତିଥି ଭାବେ ଯୋଗଦେଇ ମାତୃଭାଷାର ମହାନତା ଏହାର ଉନ୍ନତି ଓ ଏହାର ପ୍ରସାର ଓ ବହୁଳ ପ୍ରଚଳନ ବିଷୟରେ ଶିଶୁ ମାନଙ୍କୁ ମାର୍ଗ ଦର୍ଶନ କରିଥିଲେ । ଆଚାର୍ଯ୍ୟା ମମତା ସାହୁ ସଂଯୋଜନା କରିଥିଲାବେଳେ ଆଚାର୍ଯ୍ୟା ହସ୍ମିତା ନାଗବଂଶ ଧନ୍ୟବାଦ ଅର୍ପଣ କରିଥିଲେ । ଶିଶୁ ମାନେ ସ୍ଥାନୀୟ ବାଇପାସ୍ ଛକ ଠାରୁ ମାତୃଭାଷା ସମ୍ବନ୍ଧୀୟ ପ୍ଲାକାର୍ତ ଓ ସ୍ଲୋଗାନ ଏବଂ ଘୋଷ୍ ବାଦ୍ୟ ସହିତ ସହର ପରିକ୍ରମାରେ ବାହାରିଥିଲେ । ଶିଶୁ ମାନଙ୍କ ମଧ୍ୟରେ ମାତୃଭାଷା ଆଧାରିତ ବିଭିନ୍ନ ପ୍ରତିଯୋଗିତା ଅନୁଷ୍ଠିତ ହୋଇଥିଲା ଓ କୃତୀ ଶିଶୁମାନଙ୍କୁ ପୁରସ୍କୃତ କରାଯାଇଥିଲା ।
