ଗୁଣପୁର, (୫/୫) : ଆପ୍ର. : ଗ୍ରୀଷ୍ମ ଋତୁରେ ପ୍ରଚଣ୍ଡ ଗ୍ରୀଷ୍ମ ପ୍ରବାହକୁ ଲକ୍ଷ କରି ପ୍ରଶାସନ ତରଫରୁ ଗ୍ରାମାଞ୍ଚଳ ଓ ସହରାଞ୍ଚଳରେ ଜଳ ଛତ୍ରର ବ୍ୟବସ୍ଥା କରାଯାଇଥାଏ ।
ପ୍ରଶାସନ ରାସ୍ତା କଡ଼ରେ , ଛକ ଜାଗାରେ ମାଟି ହାଣ୍ଡିରେ ପାଣି ଥୋଇ ତାର କାର୍ଯ୍ୟ ସମ୍ପାଦନ କରିଥାଏ । କିନ୍ତୁ ଆଜିକାଲି ତାହା ମଧ୍ୟ ଦେଖିବାକୁ ମିଳୁନାହିଁ । କାରଣ ସହରାଞ୍ଚଳରେ ବିଦ୍ୟୁତ ଚାଳିତ ରେଫ୍ରିଜେରେଟର ମାଟି ହାଣ୍ଡିର ସ୍ଥାନ ଛଡେଇ ନେଇଛି । କିନ୍ତୁ ଗୁଣପୁର ପୈାରାଞ୍ଚଳରେ ଏହି ଥଣ୍ଡା ପାଣି ଯନ୍ତ୍ର ଗୁଡ଼ିକ ଅଧାରୁ ଅଧିକ ଖରାପ୍ ହୋଇ ପଡ଼ିଥିବା ଦେଖିବାକୁ ମିଳିଛି । ଫଳରେ ପ୍ରଚଣ୍ଡ ଖରାରେ ଵାଟୋଇ ଟିଏ ପାଣି ମୁନ୍ଦିଏ ପାଇଁ ଡହଳବିକଳ ହେଉଥିବା ଦେଖିବାକୁ ମିଳୁଛି । କିନ୍ତୁ ପ୍ରତିବର୍ଷ ପରି ଏ ବର୍ଷ ମଧ୍ୟ ସରସ୍ବତୀ ଶିଶୁ ବିଦ୍ୟା ମନ୍ଦିର ତରଫରୁ ଏପ୍ରିଲ ୨୬ ତାରିଖରୁ ମେ ୫ ତାରିଖ ପର୍ଯ୍ୟନ୍ତ ଦୀର୍ଘ ୧୦ ଦିନ ବ୍ୟାପୀ ବିଭିନ୍ନ ଦିନ ଦହିପଣା, ମିଶ୍ରି ପାଣି, ଚିନି ପାଣି, ପଣା ଓ ସରବତପାଣି ସହ ବିଭିନ୍ନ ଫଳ ରସ ସ୍ଥାନୀୟ ବାଇପାସ୍ ଛକଠାରେ ବଣ୍ଟନ କରାଯାଇଥିଲା ।
ପ୍ରତିଦିନ ଶହଶହ ଯାତ୍ରୀ ଏହି ଥଣ୍ଡା ପାନୀୟ ପିଇ ତୃଷ୍ଣା ମେଣ୍ଟାଉଥିଵା ଦେଖିବାକୁ ମିଳିଛି । ପ୍ରବଳ ଗ୍ରୀଷ୍ମ ପ୍ରବାହକୁ ଲକ୍ଷ୍ୟ କରି ଚାଲିଥିଵା ଏହି ପଣା ବଣ୍ଟନ ବା ଜଳ ଛତ୍ର କାର୍ଯ୍ୟକ୍ରମଟି ଆଜି ସମାପନ ହୋଇଛି । ଏହି କାର୍ଯ୍ୟକ୍ରମକୁ ଅନୁଷ୍ଠାନର ପ୍ରଧାନାଚାର୍ଯ୍ୟ ପ୍ରଫୁଲ୍ଲ କୁମାର ଶତପଥୀଙ୍କ ତତ୍ୱାବଧାନରେ ପରିଚାଳନା କରାଯାଇଥିବା ବେଳେ, ଏହି କାର୍ଯ୍ୟକ୍ରମରେ ପରିଚାଳନା ସମିତି, ଗୁରୁଜୀ ,ଗୁରୁମା, ମଉସା, ମାଉସୀ,ମାତୃ ଭାରତୀ ଓ ପୂର୍ବତନ ଛାତ୍ର ପୂର୍ଣ୍ଣ ସହଯୋଗ କରିଥିବା ଦେଖିବାକୁ ମିଳିଛି ।
