ରିପୋର୍ଟ : ଭଗବାନ ମହାନ୍ତି
ମୁରିବାହାଲ, (୦୬/୦୩) : ସରିଲା ଦଶମ ପରୀକ୍ଷା । ଶେଷ ଦିନରେ ହିନ୍ଦୀ, ସଂସ୍କୃତ ଓ ଭୋକେଶନାଲ ବିଷୟରେ ପରୀକ୍ଷା ଦେଲେ ଛାତ୍ରଛାତ୍ରୀ ।
ପରୀକ୍ଷା ଫେବ୍ରୁଆରି ୨୧ ତାରିଖରୁ ଆରମ୍ଭ ହୋଇଥିଲା । ଶାନ୍ତି ଶୃଙ୍ଖଳାର ସହିତ ପରୀକ୍ଷା ଶେଷ କରିବା ପାଇଁ ବୋର୍ଡ ପକ୍ଷରୁ କଡ଼ାକଡ଼ି ବ୍ୟବସ୍ଥା କରାଯାଇଥିଲା । ପରୀକ୍ଷାରେ କପିରେ ରୋକ ଲଗାଇବା ପାଇଁ ବୋର୍ଡ ପକ୍ଷରୁ ପ୍ରଶ୍ନ ପତ୍ରରେ କ୍ୟୁଆର କୋଡର ବ୍ୟବସ୍ଥା କରାଯାଇଥିଲା ।ବିଭିନ୍ନ ପରୀକ୍ଷା କେନ୍ଦ୍ରରେ ପରୀକ୍ଷାର୍ଥୀଙ୍କୁ କଡାକଡି ଯାଞ୍ଚ କରାଯାଇ ପରୀକ୍ଷା କେନ୍ଦ୍ରକୁ ଛଡାଯାଉଥିଲା । ମୁରିବାହାଲ ବ୍ଲକ ରେ ୯ ଗୋଟି ସେଣ୍ଟରେ ରହିଥିବାବେଳେ ପଞ୍ଚାୟତି ହାଇସ୍କୁଲ ମୁରିବାହାଲ କୁ ନୋଡାଲ ସେଣ୍ଟର ଚୟନ କରାଯାଇଥିଲା ।
ନୋଡାଲ ସେଣ୍ଟର ଇନଚାର୍ଜ ସୁନୀଲ କୁମାର ପାତ୍ର ଡେପୁଟି ଇନଚାର୍ଜ ହେମନ୍ତ ନାଗ ଦାୟିତ୍ୱରେଥିଲେ । ଇନ୍ଦ୍ରାଗାନ୍ଧୀ ହାଇସ୍କୁଲ ଦେବଙ୍ଗ, ମୁକୁନ୍ଦିଲାଲ ଅଗ୍ରୱାଲ ହାଇସ୍କୁଲ ଗୁଡିଘାଟ,ଗ୍ରାମ ପଞ୍ଚାୟତ ହାଇସ୍କୁଲ ଚଲକି,ହଳଦୀ ହାଇସ୍କୁଲ, ପାଟଣେଶ୍ୱରୀ ଗୋଭରମେଣ୍ଟ ହାୟର ସେକେଣ୍ଡ୍ରି ସ୍କୁଲ ଲେବେଡା, ଗୋଭରମେଣ୍ଟ ଇଉଜି ହାଇସ୍କୁଲ ସିରୋଲ, ଗୋଭରମେଣ୍ଟ ନୋଡାଲ ହାଇସ୍କୁଲ ତେନ୍ତୁଳୀଖୁଣ୍ଟି ଓ ବାଙ୍କେଲ ହାଇସ୍କୁଲ ସମୁଦାୟ ୯ ଗୋଟି ସେଣ୍ଟର ରେ ୧୪୪୬ ଆଲୋଟେଡ଼ ଥିବାବେଳେ ୧୩୮୧ ଛାତ୍ରଛାତ୍ରୀ ପରୀକ୍ଷା ଦେଇଥିଲେ । ୬୫ ଛାତ୍ରଛାତ୍ରୀ ଅନୁପସ୍ଥିତ ଥିଲେ ।
୯ ପରୀକ୍ଷା କେନ୍ଦ୍ରରେ ଇନଭିଜିଲେଟର ୫୯, ରିଲିଭର ୧୯, ରୋଭର ୨୫, ସୁପରିଣ୍ଟେଣ୍ଡେଣ୍ଟ ୯ ଡେପୁଟି ସୁପରିଣ୍ଟେଣ୍ଡେଣ୍ଟ ୧୦ ଦାଇତ୍ୱ ତୁଲାଇଥିବାବେଳେ ସମସ୍ତ ସେଣ୍ଟର ମାନଙ୍କରେ ଅବଜର୍ଭର ନିୟୋଜିତ କରାଯାଇଥିଲା । ସୂଚନା ମୁତାବକ ମାର୍ଚ୍ଚ ୧୯ରୁ ମାଟ୍ରିକ ପରୀକ୍ଷାର ଖାତା ଦେଖା ଆରମ୍ଭ ହେବ ମେ ‘ ଫଳ ପ୍ରକାଶ ପାଇବ ବୋଲି ଜଣାପଡିଛି ।”
