ରିପୋର୍ଟ : ସନ୍ତୋଷ ନାୟକ //
ବଲାଙ୍ଗୀର,(୩୧/୧୦) : ଅଦ୍ୟ ତାରିଖ- ୩୧-୧୦-୨୦୨୧ ରବିବାର ଦିନ ବଲାଙ୍ଗିର ସ୍ଥିତ ସରକାରୀ ମହିଲା ମହାବିଦ୍ୟାଳୟ ଅଡିଟୋରିୟମ ଠାରେ ନେହେରୁ ୟୁବକ କେନ୍ଦ୍ର ଭାରତ ସରକାର, ବଲାଙ୍ଗିର ଏଵଂ ଜାତୀୟ ସେବା ଯୋଜନା ମହିଲା ବିଦ୍ୟାଳୟଙ୍କ ମିଳିତ ଉଦ୍ୟମରେ ଲୌହମାନବ ସର୍ଦ୍ଧାର ବଲ୍ଲଭ ଭାଇ ପଟେଲ ଜନ୍ମ ଜୟନ୍ତି ଏବଂ ସ୍ୱଛ୍ଛ ଭାରତ କାର୍ଯ୍ୟକ୍ରମର ଉଦଯାପନୀ ଉତ୍ସବ ପାଳିତ ହୋଇଯାଇଅଛି ।
ଉକ୍ତ କାର୍ଯ୍ୟକ୍ରମରେ ବଲାଙ୍ଗିର ସାଂସଦ ଶ୍ରୀମତି ସଙ୍ଗୀତା କୁମାରୀ ସିଙ୍ଗଦେଓ ମୁଖ୍ୟ ଅତିଥି ରୂପେ ଯୋଗଦେଇଥିଲେ । ଅନ୍ୟ ମାନଙ୍କ ମଧ୍ୟରେ ଏ. ଭି ନରସିମ୍ହା କୁମାର (ଜିଲ୍ଲା ଯୁବ ଅଧିକାରି ନେହେରୁ ୟୁବକ କେନ୍ଦ୍ର ବଲାଙ୍ଗିର), ମନୋରଂଜନ ମିଶ୍ର (ଅଧ୍ୟକ୍ଷ ସରକାରୀ ମହିଲା ମହାବିଦ୍ୟାଳୟ ବଲାଙ୍ଗିର), ହେମନ୍ତ କୁମାର ମଲ୍ଲିକ (ଜିଲ୍ଲା କାର୍ଯ୍ୟକ୍ରମ ଅଧିକାରୀ ଜାତୀୟ ସେବା ଯୋଜନା) ଏବଂ ବିପିନ ବିହାରୀ ଜେନା (କାର୍ଯ୍ୟକ୍ରାମ ସହାୟକ ନେହେରୁ ୟୁବକ କେନ୍ଦ୍ର ବଲାଙ୍ଗିର) ଅନ୍ୟତମ ଅତିଥି ରୂପେ ଯୋଗଦେଇଥିଲେ । ସଭା ପ୍ରାରମ୍ଭରେ ମୁଖ୍ୟ ଅତିଥି ମାନ୍ୟବର ଲୋକ ସଭା ସାଂସଦ ଶ୍ରୀମତି ସିଙ୍ଗଦେଓ ସର୍ଦ୍ଧାର ବଲ୍ଲଭ ଭାଇ ପଟେଲ ଙ୍କ ଫଟୋ ଚିତ୍ରରେ ପ୍ରଦୀପ ପ୍ରଜ୍ୱଳନ ସହିତ ପୁଷ୍ପମାଲ୍ୟ ଅର୍ପଣ କରିଥିଲେ ।
ମନ୍ୟବର ସାଂସଦ ତାଙ୍କ ବକ୍ତବ୍ୟ ମାଧ୍ୟମରେ ସ୍ୱଛ୍ଚତା କିପରି ପ୍ରତ୍ୟେକ ଭାରତୀୟଙ୍କ ଜୀବନରେ ଏକ ଅଂଶ ରୂପେ କାର୍ଯ୍ୟକାରି କରିବା ପାଇଁ ସମସ୍ତଙ୍କୁ ଅହ୍ୱାନ ଦେଲେ । ଏବଂ ସର୍ଦ୍ଦାର ପଟେଲଙ୍କ ଜୀବନ ଓ ଦର୍ଶନ ଉପରେ ସଂକ୍ଷେପରେ ଆଲୋକ ପାତ କରିଥିଲେ । ମୁଖ୍ୟବକ୍ତା ତଥା ମହାବିଦ୍ୟାଳୟର ଅଧ୍ୟକ୍ଷ ମନୋରଂଜନ ମିଶ୍ର ଲୌହ ମାନବ ପଟେଲଙ୍କ ଜୀବନ ଦର୍ଶନ ସହିତ ତାଙ୍କ ଜନ୍ମଦିନକୁ କାହିଁକି ଏକତା ଦିବସ ରୂପେ ପାଳନ କରାଯାଉଛି । ତା ବିସ୍ତୃତ ଭାଵରେ ତାଙ୍କ ବକ୍ତବ୍ୟ ମାଧ୍ୟମରେ ସମବେତ ସ୍ୱେଛ୍ଛାସେବୀଙ୍କ ଆଗରେ ଉପସ୍ଥାପନା କରିଥିଲେ । ପ୍ରକାଶ ଥାଉ କି ସଭାକାର୍ଯ୍ୟ ଆରମ୍ଭ ପୂର୍ବରୁ ଉପସ୍ଥିତ ଯୁବକ ଯୁବତୀ ବନ୍ଦେମାତରଂ ସାମୁହିକ ଗାନ କରିବା ସହିତ ଏକତା ଦିବସର ଶପଥ ପାଠ କରିଥିଲେ ।
ସଭାପର ଦ୍ୱିତୀୟ ପର୍ଯ୍ୟାୟରେ ମୁଖ୍ୟ ଅତିଥି NYV ଜାତୀୟ ସେବା ଯୋଜନାର ସ୍ୱଛ୍ଚାସେବୀ ବୃନ୍ଦଙ୍କୁ ସବୁଜ ପତାକା ଦେଖାଇ ସ୍ୱଛ୍ଚ ଭାରତର ଅନ୍ତିମ ଦିନରେ ଏକ କାଲୀନ ବ୍ୟବହାର ଯୋଗ୍ୟ ପଲିଥିନ ଏବଂ ପ୍ଲାଷ୍ଟିକ ସଂଗ୍ରହ କରିବା ପାଇଁ ବାହାରିଥିଲେ । ଏବଂ ଏଥିରେ ପୌରପରିଷଦରୁ ଆସିଥିବା ବର୍ଜ୍ୟବସ୍ତୁ ସଂଗ୍ରହ ଯାନରେ ସଂଗୃହିତ ଆବର୍ଜନାକୁ ସ୍ୱେଛ୍ଚା ସେବୀ ମାନେ ପକାଇଥିଲେ ।
ଏହି କାର୍ଯ୍ୟକ୍ରମରେ ନେହେରୁ ୟୁବକ କେନ୍ଦ୍ର ସମସ୍ତ ବ୍ଲକର ଜାତିୟ ସ୍ୱେଛ୍ଛା ସେବୀ ଯୋଗଦେଇ ସ୍ୱଛ୍ଛତା କାର୍ଯ୍ୟକ୍ରମରେ ସକ୍ରିୟ ଅଂଶ ଗ୍ରହଣ କରିଥିଲେ । ଶେଷରେ ସମସ୍ତେ ଦଣ୍ତାୟମାନ ହୋଇ ଜାତୀୟ ସଂଗୀତ ଗାନ କରି ସମସ୍ତଙ୍କୁ ସାଧୁବାଦ ଦେଇ ସଭାସାଂଗ କରାଯାଇଥିଲା ।
