ବଲାଙ୍ଗୀର/ଟିଟିଲାଗଡ, (୨୩/୦୩) : ଆ.ପ୍ର. : ସାଧାରଣ ଗରିବ ହିତାଧିକାରୀଙ୍କୁ ସରକାର ଙ୍କ ତରଫରୁ ମାସିକ ଚାଉଳ କାର୍ଡ ପ୍ରଦାନ ସହ ବିଭିନ୍ନ ସହାୟତା ଯୋଗାଇ ଦିଆଯାଇ ଆସୁଛି ।
ସାଧାରଣ ଗରିବ ହିତାଧିକାରୀଙ୍କ ଚାଉଳ ହଡପ କରି ଆସୁଥିଲେ ବ୍ଲକ ଅଧ୍ୟକ୍ଷା । ହେଲେ ବର୍ଷ,ବର୍ଷ ଧରି ବଲାଙ୍ଗୀର ଜିଲ୍ଲା ଅନ୍ତର୍ଗତ ଟିଟିଲାଗଡ ବ୍ଲକ ଅଧ୍ୟକ୍ଷା ଶ୍ରୀମତୀ ସଞ୍ଜୁକ୍ତା ନାଏକ ତାଙ୍କ ନିଜ ନାଁରେ ରାସନ୍ କାର୍ଡ ହିତାଧିକାରୀ ଦର୍ଶାଇ ତାର ଦୁରୁପଯୋଗ କରି ଆସୁଥିବା ଘଟଣା ନେଇ ହଟ,ଚମଟ ସୃଷ୍ଟି ହୋଇଛି । ନିୟମିତ ଭାବେ ପ୍ରତି ମାସରେ ଚାଉଳ ପାଉଥିବା ସହ କୋଭିଡ ବେଳେ ସହାୟତା ଟଙ୍କା ଆଦି ହିତାଧିକାରୀ ଭାବେ ପାଇ ଆସୁଥିବା ଜଣା ପଡ଼ିଛି ।ଟିଟିଲାଗଡ ବ୍ଲକ ଅଧ୍ୟକ୍ଷା ଦାୟିତ୍ଵ ରେ ଅବସ୍ଥାପିତ ଥାଇ ସେ ସରକାରୀ ନିୟମ ର ଖୋଲା ଖୋଲି ଭାବେ ଉଲ୍ଲଂଘନ କରାଯାଇ ଥିବା ନେଇ ଚର୍ଚ୍ଚା ଜୋର୍ ଧରି ଥିବା ବେଳେ ଏ ଦିଗରେ ତୁରନ୍ତ ଦୃଷ୍ଟାନ୍ତ ମୂଳକ କାର୍ଯ୍ୟାନୁଷ୍ଠାନ ଗ୍ରହଣ କରିବା ନିମନ୍ତେ ବିଭିନ୍ନ ମହଲ ରେ ଦୃଢ଼ ଦାବି ହୋଇଛି ।
