ରିପୋର୍ଟ : ଓଡିଶା ନ୍ୟୁଜ ୨୪ ବ୍ୟୁରୋ //
ଆଠଗଡ଼, (୧୫/୦୧) : ସାପୁଆ ନଦୀରେ ଗାଧେଇବାକୁ ଯାଇ ବୁଡି ଯାଇ ଜଣେ ବୃଦ୍ଧଙ୍କ ମୃତ୍ୟୁ ହୋଇଥିବା ଜଣାପଡ଼ିଛି । ଆଠଗଡ଼ ଥାନା ଅନ୍ତର୍ଗତ କଟକିଆସାହି ପଞ୍ଚାୟତ ଅଧିନ ବାଲିସାହି ଗ୍ରାମର ଉଦ୍ଧବ ସ୍ୱାଇଁ (୭୫) ବୋଲି ଜଣାପଡିଛି ।
ଆଜି ଉଦ୍ଧବ ସ୍ୱାଇଁ ସାପୁଆ ନଦୀକୁ ଗାଧେଇବାକୁ ଯାଇଥିଲେ। କୌଣସି କାରଣ ବଶତଃ ତାଙ୍କର ଗୋଡ ଖସିଯିବାରୁ ନଦୀରେ ବୁଡି ଯାଇଥିଲେ । ସାପୁଆ ନଦୀରୁ ତୁରନ୍ତ ତାଙ୍କୁ ଉଦ୍ଧାର କରାଯାଇ ଆମ୍ବୁଲାନ୍ସ ଯୋଗେ ଆଠଗଡ଼ ଉପଖଣ୍ଡ ଚିକିତ୍ସାଳୟକୁ ଅଣାଯାଇଥିଲା । ସେଠାରେ ଡାକ୍ତର ଉଦ୍ଧବ ସ୍ୱାଇଁଙ୍କୁ ମୃତ ଘୋଷଣା କରିଥିଲେ । ପୁଲିସ ଡାକ୍ତରଖାନାରେ ପହଞ୍ଚି ଉଦ୍ଧବ ସ୍ୱାଇଁଙ୍କ ମୃତଦେହ ଜବତ ପରେ ବ୍ୟବଛେଦ କରିଥିଲେ । ଆଠଗଡ ଥାନାରେ ଏ ସଂକ୍ରାନ୍ତରେ ପୁଲିସ ଏକ ଅପମୃତ୍ୟୁ ମାମଲା ରୁଜୁ କରି ଘଟଣାର ତଦନ୍ତ ଜାରି ରଖିଛି ।
