ରିପୋର୍ଟ : ଭଗବାନ ମହାନ୍ତି
ମୁରିବାହାଲ, (୨୩/୮) : ମାଆ ପାଇଁ ଗଛ ଟିଏ l ପରିବେଶ ବଞ୍ଚିଲେ, ଆମେ ବଞ୍ଚିବା l ଏହି ଉଦ୍ଦେଶ୍ୟରେ ସ୍ଥାନୀୟ ଜନମୁକ୍ତି ଅନୁଷ୍ଠାନ ଭୋଇପଡା ତରଫରୁ ଏକ ସାମୂହିକ ଫଳବୃକ୍ଷ ରୋପଣ କାର୍ଯ୍ୟକ୍ରମ ମୁରିବାହାଲ ବ୍ଲକ୍ ହଳଦୀ ଗ୍ରାମ ପଞ୍ଚାୟତ ଅନ୍ତର୍ଗତ ଖଳିଆକାନି ଗ୍ରାମରେ ଜନମୁକ୍ତି ଅନୁଷ୍ଠାନର ସମ୍ପାଦକ ଭଜରାମ ସାହୁଙ୍କ ତତ୍ତ୍ୱାବଧାନରେ ତଥା ଧର୍ମ ସାହୁଙ୍କ ସଂଯୋଜନାରେ ବୃକ୍ଷରୋପଣ କାର୍ଯ୍ୟକ୍ରମ ଅନୁଷ୍ଠିତ ହୋଇଥିଲା 
ମୂଖ୍ୟ ଅତିଥି ହଳଦୀ ସରପଞ୍ଚ ସୌମିନା ସେଠ, ସମ୍ମାନିତ ଅତିଥି ଫରେଷ୍ଟର ପୁଷ୍ପାଞ୍ଜଳୀ ଯୋଶୀ, ଏ ପି ଓ ବସନ୍ତ କୁମାର ବଳିଆରସିଂ ଯୋଗ ଦେଇ ଉତ୍ସାହିତ କରିଥିଲେ l ଏହି କାର୍ଯ୍ୟକ୍ରମ ରେ ମିଳିତ ଭାବେ ଗ୍ରାମର ସ୍ଵୟଂ ସହାୟକ ଗୋଷ୍ଠୀ, ଉତ୍ପାଦକ ଗୋଷ୍ଠୀ,ଗ୍ରାମ୍ୟ ଉନ୍ନୟନ କମିଟି ଓ ଶ୍ରମିକ ସଂଗଠନରୁ ପ୍ରାୟ ୨୫୦ ଜଣ “ମହିଳା ଓ ପୁରୁଷ ଅଂଶ ଗ୍ରହଣ କରି ଗୋଟିଏ ଦିନରେ 3000 ଫଳଚାରା ରୋପଣକରି ଉଦାହରଣ ସୃଷ୍ଟିକରିଛନ୍ତି l
ଫଳବୃକ୍ଷ ମାଧ୍ୟମରେ ବଢ଼ୁଥିବା ଅସହ୍ୟ ତାପମାତ୍ରାକୁ ନୀୟନ୍ତ୍ରଣକୁ ଆଣିବା ସାଙ୍ଗକୁ ଆଗକୁ ବ୍ୟବସାୟୀକ ଭିତ୍ତିରେ ଫଳ ବିକ୍ରୟକରି ଜୀବିକା ବିକାଶ କରାଇ ପାରିବା ଲକ୍ଷ୍ୟରଖି ଅତି ଆଗ୍ରହର ସହିତ ଗ୍ରାମବାସୀ ସମ୍ମିଳିତଭାବେ ବୃକ୍ଷ ରୋପଣ କରୁଥିବା ଦେଖିବାକୁ ମିଳିଥିଲା l ଅତିଥି ଏପିଓ ଶ୍ରୀ ବଳିୟାରସିଂ ମୁରିବାହାଲ ଜବକାର୍ଡଧାରୀ ଶ୍ରମିକଙ୍କୁ ମନରେଗା ମାଧ୍ଯମରେ ବୃକ୍ଷ ରୋପଣ କାର୍ଯ୍ଯପାଇଁ ମଜୁରୀ ପ୍ରଦାନ କରିବା ଲାଗି ଜଣାଇ ଅଂଶ ଗ୍ରହଣକାରୀଙ୍କୁ ଆହୁରି ଏହି କାର୍ଯ୍ଯ ପାଇଁ ଉତ୍ସାହିତ କରିଥିଲେ l
ଏହି କାର୍ଯ୍ୟକ୍ରମର ପରିଚାଳନାରେ ଜନମୁକ୍ତି ଅନୁଷ୍ଠାନର କର୍ମଚାରୀ ସୁବର୍ଣୀ ବାଗ , ସୁଶିଲ କୁମାର ସାହୁ,ମହେଶ୍ୱର ରଣା ସହଯୋଗ କରିଥିଲାବେଳେ ଗ୍ରାମର ୱାର୍ଡ ମେମ୍ବର ପୁଷ୍ପାଞ୍ଜଳୀ ବଚ୍ଛା, ଗ୍ରାମ ସାଥୀ ରତ୍ନାକର ବାଗ ଓ ସିଆରପି ନମିତା ତାଣ୍ଡି ପ୍ରମୁଖ ସହଯୋଗିତା କରିଥଲେ l ଏସଜିଆଇ ଓ ବାସୁଦେବ ପଣ୍ଡା ଫାଉଣ୍ଡେସନ ମାଗଣାରେ ଫଳବୃକ୍ଷ ଚାରା ସହାୟତା କରିଥିଲେ l
