ରିପୋର୍ଟ : ଧୃବରାଜ ମିଶ୍ର
ସୁବର୍ଣ୍ଣପୁର , (୨୮/୧୨) : ସୁବର୍ଣ୍ଣପୁର ଜିଲ୍ଲା ଡୁଙ୍ଗୁରିପାଲି ବ୍ଲକ ମାୟାବର୍ହା ପଞ୍ଚାୟତ ସାରସମାଲ ଗ୍ରାମରେ ମଣ୍ଡି ସମସ୍ୟା କୁ ନେଇ ଚାଲିଥିବା ରାସ୍ତା ଅବରୋଧ ର ଆନ୍ଦୋଳନ ଦ୍ଵିତୀୟ ଦିନରେ ପହଞ୍ଚିଛି ।
ଗତକାଲି ଉପ ଜିଲ୍ଲାପାଳ ଡ, ସୌମ୍ୟରୂପା ରଥ ପହଞ୍ଚି ଆଲୋଚନା କରିଥିଲେ । କିନ୍ତୁ ଚାଷୀ ମାନେ ତାଙ୍କର ହକ ଦାବୀ ବିନା କଟନି ଛଟନି ରେ ମିଲରର୍ସ ଧାନ ମଣ୍ଡି ନେବାକୁ ଦାବୀ କରିଥିଲେ । ପରେ ସନ୍ଧ୍ୟାରେ ଅତିରିକ୍ତ ଜିଲ୍ଳାପାଲ ପହଞ୍ଚି ଆଲୋଚନା କରିଥିଲେ ମଧ୍ୟ ସମାଧାନ ହୋଇପାରି ନ ଥିଲା । ଫଳରେ ଚାଷୀ ରାତ୍ରୀରେ ରାସ୍ତା ଅବରୋଧ କରି ରହିଥିଲା । ଆଜି ଦ୍ୱିତିୟ ଦିନରେ ଦିନ ୧୨ ଟା ରେ ଅତିରିକ୍ତ ଜିଲ୍ଲାପାଳ ଅଞ୍ଜିଲିନା ପ୍ରଧାନ ବିଭିନ୍ନ ଅଧିକାରୀ ଙ୍କ ସହ ଆସି ଆନ୍ଦୋଳନକାରୀ ଚାଷୀ ମାନଙ୍କ ସହ ଆଲୋଚନା କରି ବିଫଳ ହୋଇ ଫେରିଯାଇଥିଲେ । ତେବେ ଏହାର ସମାଧାନ ର ପନ୍ଥା କିପରି ଭାବରେ ବାହାରିବ ଏବଂ ଚାଷୀ ଧାନ ବିକ୍ରି କରି ପାରିବ ଓ ଡାଳୁଆ ଚାଷ କିପରି କରିବ ସେ ନେଇ ଚିନ୍ତାରେ ଚାଷୀ ।
