ବଲାଙ୍ଗୀର/ଟିଟିଲାଗଡ, (୧୪/୦୪) : ଆପ୍ର. : ସାହିତ୍ୟ ସଂସ୍କୃତି ପରିଷଦ ପକ୍ଷରୁ ବିଷୁବ ମିଳନ କାର୍ଯ୍ୟକ୍ରମ ଅନୁଷ୍ଠିତ ହୋଇଯାଇଛି ।
ଆୟୋଜିତ କାର୍ଯ୍ୟକ୍ରମ ରେ ପ୍ରତି ବର୍ଷ ଭଳି ଚଳିତ ବର୍ଷ ବାର୍ଷିକ ସ୍ମରଣିକା ଉନ୍ମୋଚିତ ହୋଇ ଯାଇଛି । କାର୍ଯ୍ୟକ୍ରମରେ ମୁଖ୍ୟ ଅତିଥି ଭାବେ ବିଶିଷ୍ଟ ଗାଳ୍ପିକା ଶ୍ରୀମତୀ ଯଜ୍ଞାସେନି ସାହା, ମୁଖ୍ୟ ବକ୍ତା ଭାବେ ଗୌରାଙ୍ଗ କୁମାର ସାହୁ ଯୋଗଦାନ କରିଥିବା ବେଳେ ସାହିତ୍ୟ ସଂସ୍କୃତି ର ସଭାପତି ଶ୍ରୀଯୁକ୍ତ ଜ୍ୟୋତି ପ୍ରକାଶ ଗଡତ୍ୟା,ସମ୍ପାଦକ ଶ୍ରୀଯୁକ୍ତ ପ୍ରମୋଦ କୁମାର ପାଲ ଆୟୋଜନ କରିଥିଲେ । ବରିଷ୍ଠ କବି ତଥା ଲେଖକ ଭିକାରୀ ଚରଣ ମିଶ୍ର କାର୍ଯ୍ୟକ୍ରମ ପରିଚାଳନା କରିଥିଲେ । ଏହି ଅବସର ରେ ସାହିତ୍ୟ ସଂସ୍କୃତି ପରିଷଦ ପକ୍ଷରୁ ବାର୍ଷିକ ସ୍ମରଣିକା ଉନ୍ମୋଚିତ ହେବା ସହ ଶିଳ୍ପୀ ସମ୍ମାନ, ଶିକ୍ଷା ସମ୍ମାନ, ବିଷୁବ ସମ୍ମାନ ରେ ମାନପତ୍ର ସହ ସମ୍ମାନୀତ କରାଯାଇଥିଲା ।
ଏହି ଉତ୍ସବ ପାଳନ ଅବସର ରେ ଅନେକ ବରିଷ୍ଠ କବି, ଲେଖକ ସଦସ୍ୟ, ସଦସ୍ୟା ନିଜ ନିଜ ମତ ପ୍ରକାଶ କରିବା ସହ ନିଜ ଧର୍ମ, ସଂସ୍କୃତି, ପରମ୍ପରା ଉପରେ ମତ ପ୍ରକାଶ କରିଥିଲେ । ଯୁଗଳ କିଶୋର ଷଡ଼ଙ୍ଗୀ,ରାଜୀବ ଲୋଚନ ପାଢ଼ୀ, ବିଶ୍ୱରାମ ଠାକୁର,ଭିକାରୀ ମିଶ୍ର, ସଞ୍ଜୟ ଅଗସ୍ତି, ଜଗନ୍ନାଥ ପଣ୍ଡା ତଥା ବହୁ ମାନ୍ୟ,ଗନ୍ୟ ବ୍ୟକ୍ତି ବିଶେଷ ଯୋଗ ଦେଇ ଥିଲେ ।
