ରିପୋର୍ଟ : ଓଡିଶା ନ୍ୟୁଜ ୨୪ ବ୍ୟୁରୋ //
ନୂଆଦିଲ୍ଲୀ, (୦୨/୦୬) : ଆଉ ବିକ୍ରି ହେବନି ସିଗାରେଟ୍ ଓ ତାମଖୁ । ଏ ସବୁ ବିକ୍ରି ଉପରେ ଲାଗିଲା ବ୍ୟାନ୍। ପ୍ରତିବର୍ଷ ଲକ୍ଷ ଲକ୍ଷ ଭକ୍ତ ବୈଷ୍ଣ ଦେବୀଙ୍କ ଦର୍ଶନ ପାଇଁ ଜମ୍ମୁ ଆସନ୍ତି ।
ସିଗାରେଟ୍ ଓ ତମାଖୁ ବିକ୍ରି ଉପରେ ଲାଗିଲା ବ୍ୟାନ୍ । ଏଭଳି ପରିସ୍ଥିତିରେ ସମଗ୍ର ମାର୍ଗରେ ମଦ୍ୟପାନ, ମାଂସ ଏବଂ ତମାଖୁ ଉତ୍ପାଦ ଉପରେ ନିଷେଧାଦେଶ ଜାରି ରହିଛି । ଏହା ସତ୍ତ୍ୱେ ବି ଲୋକମାନେ ଏହାକୁ ମାନୁ ନାହାନ୍ତି । ଖୋଲାଖୋଲି ଭାବେ ସିଗାରେଟ୍ ଏବଂ ତମାଖୁ ସେବନ କରୁଛନ୍ତି । ଏହା ଉପରେ କଠୋର କାର୍ଯ୍ୟାନୁଷ୍ଠାନ ଗ୍ରହଣ କରିଛନ୍ତି ସରକାର। ଯାତ୍ରା ମାର୍ଗରେ ଏହି ନିଶା ପଦାର୍ଥ ବ୍ୟବହାର ଉପରେ ବ୍ୟାନ୍ ଲଗାଇଛନ୍ତି । ଜିଲ୍ଲା ମାଜିଷ୍ଟ୍ରେଟ୍ ବିଶେଷ ମହାଜନ କହିଛନ୍ତି, ‘ଲୋକେ ବେଶ୍ ଶ୍ରଦ୍ଧାର ସହ ମାତା ବୈଷ୍ଣ ଦେବୀଙ୍କ ଦର୍ଶନ କରିବାକୁ ଆସନ୍ତି । ଏହାକୁ ଦୃଷ୍ଟିରେ ରଖି ପୂରା ସମଗ୍ର ମାର୍ଗରେ ମଦ ଓ ମାଂସ ନିଷେଧ କରାଯାଇଛି । କିନ୍ତୁ ନିଷେଧାଦେଶ ସତ୍ତ୍ୱେ ଲୋକମାନେ ସିଗାରେଟ ଏବଂ ତମାଖୁ ସେବନ କରୁଥିବା ଦେଖିବାକୁ ମିଳିଛି ।
ତେଣୁ, ନୋମାଇ ଚେକ୍ ପୋଷ୍ଟ, କଟ୍ରାର ପାନ୍ଥାଲ୍ ଚେକ୍ ପୋଷ୍ଟ, ତାରକୋଟ୍ ମାର୍ଗର ଆରମ୍ଭରୁ ମାତା ବୈଷ୍ଣୋ ଦେବୀ ଭବନ ପର୍ଯ୍ୟନ୍ତ ଯେକୌଣସି ପ୍ରକାରର ତମାଖୁ ବିକ୍ରି, ସଂରକ୍ଷଣ ଏବଂ ବ୍ୟବହାର ଉପରେ ପ୍ରତିବନ୍ଧକ ଲଗାଇବାକୁ ନିର୍ଦ୍ଦେଶ ଜାରି କରାଯାଇଛି । ସେପଟେ ନିକଟରେ ଖବର ଆସିଥିଲା ଯେ, ମାତାଙ୍କ ଦରବାରରେ ଉପସ୍ଥିତ ଭକ୍ତମାନଙ୍କୁ ପ୍ରସାଦ ଭାବରେ ଗଛ-ଲତା ଦିଆଯିବ । ଏଥିପାଇଁ ଶ୍ରୀ ମାତା ବୈଷ୍ଣୋ ଦେବୀ ଜୀ ଶ୍ରୀମନ୍ଦିର ବୋର୍ଡ ପ୍ରଶାସନ ଉତ୍ତର ଭାରତର ହାଇଟେକ୍ ନର୍ସରୀ ତିଆରି କିରିଛି । ବୋର୍ଡ ପ୍ରଶାସନ ମୁଖ୍ୟତଃ ଜମ୍ମୁ କଶ୍ମୀରରେ ମିଳୁଥିବା ଗଛ ଓ ଉଦ୍ଭିଦକୁ ଭକ୍ତମାନଙ୍କୁ ପ୍ରସାଦ ଭାବରେ ଦେବ ବୋଲି ସୂଚନା ମିଳିଛି ।
