ସୁବର୍ଣ୍ଣପୁର, (୨୦/୦୩) : ଆ.ପ୍ର. : ସୁବର୍ଣ୍ଣପୁର ଜିଲ୍ଲା ବିନିକା ବ୍ଳକ ସିନ୍ଦୁରପୁର ପଞ୍ଚାୟତ କାର୍ଯ୍ୟାଳୟ ପରିସରରେ ଜିଲ୍ଲାପାଳଙ୍କ ଜନ ସମ୍ପର୍କ ଶିବିର ଆଜି ଅନୁଷ୍ଠିତ ହୋଇଯାଇଛି l
ଶିବିରକୁ ଜିଲ୍ଲାପାଲ ଅନ୍ୟା ଦାସ ଯୋଗଦେଇ ଜନସାଧାରଣଙ୍କ ବିଭିନ୍ନ ଅଭିଯୋଗ ସିନିବ ସହ ପାନୀୟ ଜଳ ସମସ୍ୟା, ଜୀବନ ଜୀବିକା ତଥା ବିଭିନ୍ନ ସୁବିଧା ସୁଯୋଗ ବିଷୟରେ ପଚାରି ବୁଝିଥିଲେ l ଏଥିସହିତ ସରକାରଙ୍କ ବିଭିନ୍ନ ଯୋଜନା ବିଷୟରେ ଅବଗତ କରାଇଥିଲେ l ଏହି ଅବସରରେ ଏହି ଅବସରରେ ଗୋପାଳନ ୧୦ଜଣ ହିତାଧିକାରୀଙ୍କୁ ୫୦ହଜାର ଲେଖାଏଁ ଚେକ ସହ ଋଣ ମଞ୍ଜୁରୀ ପତ୍ର ପ୍ରଦାନ କରିଥିଲେ l ଶିବିରରେ ଅନ୍ୟମାନଙ୍କ ଏପିଡି ପଲ୍ଲବୀ ରାଜ, ବିଡ଼ିଓ ମଣ୍ଟୁ ଖମାରିଙ୍କ ସମେତ ଜିଲ୍ଲା ତଥା ବ୍ଲକର ବିଭିନ୍ନ ବିଭାଗର ଅଧିକାରୀ ମାନେ ଯୋଗଦେଇ ଥିଲେ l ଓଏଲଏମ ରଞ୍ଜନ ସ୍ୱାଇଁ ଶିବିରକୁ ପରିଚାଳନା କରିଥିଲେ l ଶେଷରେ ବିଡ଼ିଓ ମଣ୍ଟୁ ଖମାରି ଧନ୍ୟବାଦ ଦେଇଥିଲେ l
ଏହି ଅବସରରେ ଓଡିଶା ଜୀବିକା ମିଶନ ଗୋପାଳନ କ୍ଲଷ୍ଟର କୁ ବୁଲି ଦେଖି ବା ସହ ହିତାଧିକାରୀ ଙ୍କୁ ସୁବିଧା ଅସୁବିଧା ପଚାରି ବୁଝି ଥିଲେ l ସେହିପରି ବିଶାଳପାଲି ସ୍ଥିତ ଜଳ ଯୋଗାଣ ପରିଦର୍ଶନ କରିବା ସହ ଖରାର ପ୍ରକୋପ ବୃଦ୍ଧି ପାଉଥିବାରୁ ପ୍ରକଳ୍ପକୁ ନିର୍ଧାରିତ ସମୟ ମଧ୍ୟରେ କାର୍ଯକ୍ଷମ କରିବା ସହ ଜଳ ଯୋଗାଣ କରିବା ପାଇଁ ବିଭାଗୀୟ ଯନ୍ତ୍ରୀଙ୍କୁ ଜିଲ୍ଲାପାଳ ପରାମର୍ଶ ଦେଇଥିଲେ l ସିନ୍ଦୂରପୁର ଗୋପାଳଜୀ ହାଇସ୍କୁଲକୁ ଜିଲ୍ଲାପାଲ ପରିଦର୍ଶନ କରି ବିଦ୍ୟାଳୟରେ ରହିଥିବା ବିଭିନ୍ନ ସମସ୍ୟା ବିଷୟରେ ପଚାରି ବୁଝିଥିଲେ l ପରେ ଛାତ୍ର ଛାତ୍ରୀଙ୍କୁ ବିଭିନ୍ନ ପ୍ରଶ୍ନ ପଚାରି ଉତ୍ସାହିତ କରିଥିଲେ l ଏହି କାର୍ଯ୍ୟକ୍ରମରେ ଜିଲ୍ଲାର ସମସ୍ତ ଉଚ୍ଚ ପଦସ୍ତ ଅଧକାରୀ ଉପସ୍ତିତ ଥିଲେ ।
