ରିପୋର୍ଟ : ଭଗବାନ ମହାନ୍ତି
ମୁରିବାହାଲ, (୦୩/୦୫) : ମୁରିବାହାଲ ବ୍ଲକ ଲଖନା ପଞ୍ଚାୟତ ସିଲେଟପଡ଼ା ଗ୍ରାମରେ ବୁଧବାର ଦିନ ଠାରୁ ଚାଲିଥିବା ଷୋହଳ ପ୍ରହରୀ ନାମଯଜ୍ଞ ଆଜି ଶୁକ୍ରବାର ଉଦଯାପିତ ହୋଇଯାଇଛି ।
ପୂର୍ବଦିନ ସ୍ଥାନୀୟ ପୋଖରୀରୁ ମହିଳାଙ୍କ ଦ୍ବାରା ଭବ୍ୟ କଳସ ଶୋଭାଯାତ୍ରା ଅନୁଷ୍ଠିତ ହୋଇଥିଲା ବେଳେ ପୂର୍ଣ୍ଣାହୁତି ପରେ ଗ୍ରାମବାସୀଙ୍କ ଦ୍ଵାରା ନଗର ସଙ୍କୀର୍ତ୍ତନ୍ୟ ଓ ପ୍ରସାଦ ସେବନ ଅନୁଷ୍ଠିତ ହୋଇଥିଲା । ଏହି ନାମଯଜ୍ଞରେ କର୍ତ୍ତା ରୂପେ ଗମ୍ଭୀର ରଣା ଓ ତାଙ୍କ ଧର୍ମପତ୍ନୀ ଲତା ରଣା ,ପୂଜକ ରୂପେ ପ୍ରକାଶ ଚନ୍ଦ୍ର ଦାସ ଦାୟିତ୍ଵ ନିର୍ବାହ କରିଥିଲେ । ଏହି ନାମଯଜ୍ଞରେ ନିଜ ଗ୍ରାମ ସମେତ ବଲାଙ୍ଗିର, ନୂଆପଡା, କଳାହାଣ୍ଡି ଓ ଛତିଶଗଡ ରାଜ୍ୟର ବିଭିନ୍ନ ଅଞ୍ଚଳର ପ୍ରତିଷ୍ଠିତ ସଙ୍କୀର୍ତ୍ତନ୍ୟ ଦଳ ଗୁଡ଼ିକ ଦ୍ଵାରା ହରେକୃଷ୍ଣ ହରେରାମ ମହାମନ୍ତ୍ର ପରିବେଷଣ କରାଯାଇଥିଲା । ଏଥିରେ ସିଲେଟପଡ଼ା ଷୋହଳ ପ୍ରହରୀ ଆୟୋଜକ କମିଟିର ସଭାପତି ଚୂଡାମଣି ରଣା, ସମ୍ପାଦକ ହୃଦାନନ୍ଦ ରଣା, ଉପସଭାପତି ଗଜମନ ରଣା, ମୁରଲୀ ରଣା ଓ ଲଳିତ ରଣାଙ୍କ ସହ ସମସ୍ତ କର୍ମକର୍ତ୍ତା,ଗ୍ରାମବାସୀ, ମହିଳା ଓ ଶ୍ରଦ୍ଧାଳୁ ଭକ୍ତବୃନ୍ଦ ସମ୍ପୁର୍ଣ୍ଣ ସହଯୋଗ କରିଥିଲେ ।
