ରିପୋର୍ଟ : ଧୃବରାଜ ମିଶ୍ର
ସୁବର୍ଣ୍ଣପୁର, (୧୩/୦୮) : ସୋନପୁର ପୌର ପ୍ରଶାସନ ପକ୍ଷରୁ ହର୍ ଘର୍ ତ୍ରିରଙ୍ଗା କାର୍ଯ୍ୟକ୍ରମ ଉପଲକ୍ଷେ ସକାଳ ୧୧ ଘଣ୍ଟା ସମୟରେ ପୌର ପରିଷଦ ଅଫିସ ଠାରୁ ସୁରେଶ୍ଵରୀ ମନ୍ଦିର ଛକ ଓ ଦୁର୍ଗାମଣ୍ଡପ ଦେଇ ଏକ ବିଶାଳ ଶୋଭାଯାତ୍ରା ସହର ପରିକ୍ରମା କରିଥିଲା l
ରାମେଶ୍ବର ଷ୍ଟାଡିୟମ ଯାଏ ପହଞ୍ଚିଥିଲା l ଏହି କାର୍ଯ୍ୟକ୍ରମ ରେ ପୌର ପରିଷଦ କାର୍ଯ୍ଯ ନିର୍ବାହୀ ଅଧିକାରୀ ଇଂ. ମନୋରଞ୍ଜନ ପଣ୍ଡା, ସମସ୍ତ ଜେ.ଇ, ପୌର କର୍ମଚାରୀ, ସମସ୍ତ କାଉନସିଲର, ସ୍ବଚ୍ଛ ସାଥୀ, ଏସଏଚ୍ ଜି ମହିଳା, ଓ ସହର ର ବୁଦ୍ଧିଜୀବୀ ଯୋଗ ଦେଇଥିଲେ l ହର ଘର ଘର୍ ଘର୍ ତ୍ରିରଙ୍ଗା କାର୍ଯକ୍ରମ କୁ ଲୋକାଭିମୁଖୀ କରିବା ଓ ଆଗାମୀ ଜାତୀୟ ମହାନ୍ ପର୍ବ ରେ ସବୁ ବର୍ଗ ର ଲୋକ ମାନଙ୍କୁ ଯୋଡିବା ଲକ୍ଷ୍ୟ ନେଇ ୧୩ ତାରିଖ ରୁ ୧୫ ତାରିଖ ଯାଏ ଅନୁଷ୍ଟିତ ହେବାକୁ ଥିବା ଏଇ ଘର ଘର ତ୍ରିରଙ୍ଗା କାର୍ଯ୍ୟକ୍ରମ କୁ ସୁବର୍ଣ୍ଣପୁର ଜିଲ୍ଲା ପ୍ରଶାସନ ପୌର ପ୍ରଶାସନ ଏହା ଆରମ୍ଭ କରିଛି l
ଶୋଭାଯାତ୍ରା ଅଫିସ୍ ରେ ପହଞ୍ଚିଲା ପରେ ଜୟ ହିନ୍ଦ୍ ଲେଖି ସମସ୍ତେ ଫ୍ଲାକ୍ସ ରେ ଅଟୋ ଗ୍ରାଫ୍ ଦେଇଥିଲେ l ତ୍ରିରଙ୍ଗା କାର୍ଯ୍ୟକ୍ରମ ପରିପ୍ରେକ୍ଷୀରେ ଆଜି ସକାଳେ ଷ୍ଟାଡିୟମ ଠାରେ ସହରର ସ୍କୁଲ ଓ କଲେଜ ଛାତ୍ର ଛାତ୍ରୀ ଙ୍କ ଦ୍ୱାରା ବିଭିନ୍ନ ଚିତ୍ତାକର୍ଷକ କାର୍ଯ୍ୟକ୍ରମ ଅନୁଷ୍ଠିତ ହୋଇଥିବା ବେଳେ ଜିଲ୍ଲାର ସମସ୍ତ ବ୍ଲକସ୍ତରରେ ବ୍ଲକ ପ୍ରଶାସନ ଓ ସ୍କୁଲ ଓ ମହାବିଦ୍ୟାଳୟ ମାନଙ୍କ ଦ୍ୱାରା ତ୍ରିରଙ୍ଗା ଶୋଭାଯାତ୍ରା ସହ ତତ ସମ୍ୱନ୍ଧୀୟ କାର୍ଯ୍ୟକ୍ରମ ଅନୁଷ୍ଠିତ କରାଯାଇଛି l
ସେହିପରି ବିନିକା ଏନ୍ଏସି ପ୍ରଶାସନ ପକ୍ଷରୁ ସହରରେ ହର ଘର ତିରଙ୍ଗା କାର୍ଯ୍ୟକ୍ରମ ଅନୁଷ୍ଠିତ ହୋଇଯାଇଛି । ଏଥିରେ ସିଦ୍ଧାର୍ଥ ଡ଼ିଗ୍ରୀ କଲେଜ , ଜୁନିଅର କଲେଜ ର ଛାତ୍ରଛାତ୍ରୀ ମାନେ ଜାତୀୟ ପତାକା ଧରି ଶୋଭଯାତ୍ରା ରେ ସହର ପରିକ୍ରମା କରିଥିଲେ। ଏଥିସହ ସମସ୍ତେ ଘର ସମ୍ଭୁଖରେ ଜାତୀୟ ପତାକା ଉଡ଼ାଇବାକୁ ସଚେତନ କରିଥିଲେ । ଏଥିରେ ଏନ୍ଏସି ଚେୟାରମେନ ଓ ପରିଷଦ ର କର୍ମଚାରୀ , ପୁଲିସ ପ୍ରଶାସନ, ସଂପୃକ୍ତ କଲେଜ ର ଅଧ୍ୟାପକ ଅଧ୍ୟାପିକା, ଭାଜପା ର କର୍ମକର୍ତ୍ତା ଓ ବିଭିନ୍ନ ଅନୁଷ୍ଠାନର କର୍ମକର୍ତ୍ତା ସାମିଲ ଥିଲେ ।
ଏହି ଅବସରରେ ବିନିକା ବ୍ଲକ୍ ପ୍ରଶାସନ ପକ୍ଷରୁ ଚରଦା ପଞ୍ଚାୟତ ରେ ହର ଘର ତ୍ରିରଙ୍ଗା କାର୍ଯ୍ୟକ୍ରମ ଅନୁଷ୍ଠିତ ହୋଇଯାଇଛି l ଏଥିରେ ବି ଡି ଓ ପ୍ରମୋଦ କୁମାର ମେହେର, ବରିଷ୍ଟ କିରାଣୀ ନାଗାର୍ଜୁନ ପାଣ୍ଡେ,ସରପଞ୍ଚ ବୃନ୍ଦାବତି ନାଏକ,ନାଇବସରପଞ୍ଚ ବାସନ୍ତୀ ଥନlପତି, ଯୋଗାଣ ଅଧିକାରୀ ପିଙ୍କୁ ଭୋଇ, ଯୁଗେଶ ମେହେର, ଜିତେନ୍ଦ୍ର ପଧାନ ଙ୍କ ସମେତ ଚରଦl ଉଚ୍ଚ ବିଦ୍ୟାଳୟ,ଉଚ୍ଚପ୍ରଥାମିକ ବିଦ୍ୟାଳୟ,ପଞ୍ଚାୟତ ୱlର୍ଡ ସଭ୍ୟ ସଭ୍ୟା, ଏମ୍ ବି କେ, ସି ଆର ପି, ଭି ଆର ପି, ଅଙ୍ଗନୱାଡି କର୍ମୀ, ଆଶାକର୍ମୀ, ବ୍ଲକ ର ସମସ୍ତ ଏ ଡି ଇ ଓ, ପି ଇ ଓ, ଜିଆରଏସ ପ୍ରମୁଖ ଚରଦା ଗ୍ରାମ ପରିକ୍ରମା କରିଥିବା ବେଳେ ତ୍ରିରଙ୍ଗା ର ମହତ୍ତ୍ଵ ଉପରେ ଲୋକଙ୍କୁ ସଚେତନ କରିଥିଲେ l
