ରିପୋର୍ଟ : ଧୃବରାଜ ମିଶ୍ର
ସୁବର୍ଣ୍ଣପୁର, (୦୨/୦୯) : ସୋନପୁର ସଦର ପୁଲିସ ର ଟିମ୍ ଗତ କାଲି ରାତିରେ ପେଟ୍ରୋଲିଂ କରୁଥିବା ବେଳେ ମହାନଦୀ ପୋଲ ଉପରୁ ଏକ ଅଜଣା ବାଇକ୍ ଉଦ୍ଧାର କରିଛି ।
ପୋଲ ଉପରେ ଏକ ଟିଭିଏସ ଆପାଚି ବାଇକ ରଖାଯାଇଥିବା ବେଳେ ପାଖରେ କେହି ନ ଥିବା ଦେଖିଥିଲେ ପୁଲିସ ଟିମ । ବାଇକ ନମ୍ୱରଟି ହେଲା ବଲାଙ୍ଗୀର ରେଜିଷ୍ଟ୍ରେସନ ଥିବା ଓଡି ୦୩ ଏଚ – ୨୮୨୪ ଓ ନମ୍ବର ପ୍ଲେଟ ତଳକୁ ଓ ଟିଭି ଲଗୋ ରହିଥିବା ଦେଖିବାକୁ ମିଳିଛି । ଏ ନେଇ ପୋଲ ଉପରେ ବାଇକ୍ ରଖି କେହି ନଦୀକୁ ଡେଇଁଥିବା ସନ୍ଦେହ କରାଯାଇଛି । ପୁଲିସ ପୋଲ ଉପରେ ଥିବା ବାଇକଟିକୁ ଉଦ୍ଧାର କରି ଥାନାରେ ରଖିଛି । ଯୁବକ ଜଣକ କିଏ ଓ ପୋଲ ଉପରୁ ଡେଇଁଛନ୍ତି ନା କେଉଁ ଆଡ଼େ ଚାଲିଯାଇଛନ୍ତି ତାହା ସ୍ପଷ୍ଟ ଜଣା ପଡ଼ି ନ ଥିବାବେଳେ ସୋନପୁର ପୁଲିସ ତଦନ୍ତ ଆରମ୍ଭ କରିଛି । ସେପଟେ ଆଜି ଅପରାହ୍ନ ରେ ଅଗ୍ନିଶମ ବାହିନୀର କର୍ମଚାରୀ ପହଞ୍ଚି ଖୋଜାଖୋଜି ଆରମ୍ଭ କରିଥିବା ବେଳେ ବଲାଙ୍ଗୀର ଓ ବୌଦ ରୁ ଓଡ୍ରାଫ ଟିମ୍ ଆସି ଖୋାଖୋଜି କରୁଛନ୍ତି ।
