ରାୟଗଡା, (୦୬/୦୬) : ଆପ୍ର. : ସ୍ୱଚ୍ଛ ରାୟଗଡା, ସୁସ୍ଥ ରାୟଗଡା ଏବଂ ପଲିଥିନ ମୁକ୍ତ ହେବ ରାୟଗଡା ସହର ଏହି ପଣ କରି ଆଜି ସକାଳୁ ସଚେତନା କାର୍ଯ୍ୟକ୍ରମ ପୌର ପରିଷଦ ପକ୍ଷରୁ କରଯାଇଛି ।
ପୌର ପରିଷଦ ନିର୍ବାହୀ ଯନ୍ତ୍ରୀ ଶ୍ରୀ କୁଲଦୀପ କୁମାର୍, ପୌରାଧ୍ୟକ୍ଷ ଶ୍ରୀ ମହେଶ ପଟନାୟକ, ବିନୟ କୁମାର ପରିଚ୍ଛା, ଭେଙ୍କଟ ରାଓ, ସମସ୍ତ ୱାର୍ଡ ର କାଉନସିଲର ସ୍ଵଚ୍ଛ ସାଥୀ ଏବଂ ପୌର ପରିଷଦର କର୍ମଚାରୀ ମାନେ ଲୋକଙ୍କୁ ଲିଫଲେଟ ଦେବା ସହ ସଚେତନ କରାଇଥିଲେ । ବିଶ୍ୱ ପରିବେଶ ଦିବସ ୨୦୨୫ ଉପଲକ୍ଷେ ପ୍ଲାଷ୍ଟିକ୍ ବ୍ୟବହାର ନିଷେଧ କରିବା ଓ ପରିବେଶ ସୁରକ୍ଷା ପ୍ରତି ଆଗ୍ରହ ପ୍ରକାଶ କରିବା ଏହାର ମୁଖ୍ୟ ଉଦ୍ଦେଶ୍ୟ। ବ୍ୟବସାୟୀ ମାନଙ୍କୁ ଅଳିଆ ଦୋକାନ ଆଗରେ ନ ପକାଇ ଡ଼ଷ୍ଟବିନ ବ୍ୟବହାର କରିବାକୁ ଅନୁରୋଧ କରିଥିଲେ।
ରାୟଗଡା ସହରକୁ ପଲିଥିନ ମୁକ୍ତ ରଖିବା, ପ୍ଲାଷ୍ଟିକ୍ ବ୍ୟବହାର ନିଷେଧ କରିବା , ପରିବେଶ ସୁରକ୍ଷା ପ୍ରତି ଆଗ୍ରହ ପ୍ରକାଶ କରିବା, ଘର ତଥା ଦୋକାନର ଆବର୍ଜନା ସ୍ବଚ୍ଛତା ରଥରେ ଦେବା, ବାହାରେ ମଳତ୍ଯାଗ ନ କରି ଶୌଚାଳୟ ବ୍ୟବହାର କରିବା ଏବଂ ଆବର୍ଜନା ତଥା ପ୍ଲାଷ୍ଟିକ ସାମଗ୍ରୀ ନାଳ ନର୍ଦମାରେ ନ ପକାଇବା ପାଇଁ ସାଧାରଣ ଜନତାଙ୍କୁ ଅନୁରୋଧ କରିଥିଲେ।