ରିପୋର୍ଟ : ଗୋପୀନାଥ ଗୌଡ଼
ରାୟଗଡା, (୧୧/୦୮) : ରାୟଗଡା ଜି .ସି. ଡି ଖେଳ ପଡିଆ ଠାରେ ଅନୁଷ୍ଟିତ ହେବ ୭୮ ତମ ସ୍ୱାଧୀନତା ଦିବସ ।
ସ୍ୱତନ୍ତ୍ରତା ଦିବସ ଉପଲକ୍ଷେ ଆଜି ହେବାକୁ ଥିବା ଅଭ୍ୟାସ ପ୍ୟାରେଡ଼ରେ ବାଧକ ସାଜିଥିଲା ପଡିଆ ମଝିରେ ଟେଣ୍ଟ । ପ୍ରତିବର୍ଷ ଭଳି ଚଳିତ ବର୍ଷ ମଧ୍ୟ ସ୍ବାଧୀନତା ଦିବସରେ ଅଂଶ ଗ୍ରହଣ କରିବାକୁ ଥିବା ସ୍କୁଲ ଓ କଲେଜ୍ ଛାତ୍ର ଛାତ୍ରୀ ଓଡ଼ିଶା ପୋଲିସ, ଓଡ଼ିଶା ପୋଲିସ୍ ବ୍ୟାଣ୍ଡ ସହିତ ୩୪ଟି ପ୍ଲାଟୁନ ସ୍କୁଲ କଲେଜ ଛାତ୍ର ଛାତ୍ରୀ ଜିସିଡି ଖେଳ ପଡିଆ ଠାରେ ଅଭ୍ୟାସ ପ୍ୟାରେଡ୍ ନିମନ୍ତେ ପଡିଆ ଠାରେ ଉପସ୍ଥିତ ଥିଲେ । କିନ୍ତୁ, ଖେଳ ପଡିଆ ମଝିରେ ଥିବା ଟେଣ୍ଟ ଯୋଗୁଁ ଅହେତୁକ ବିଳମ୍ବରେ ଆରମ୍ଭ ହୋଇଥିଲା ପ୍ୟାରେଡ୍ । ଏହି ପ୍ୟାରେଡରେ ରିଜର୍ଭ ଇନ୍ସପେକ୍ଟର କବିବର ଦେହୁରୀ ଙ୍କ ନିର୍ଦ୍ଧେଶ ଓ ଆଦେଶ ପାଳନ କରିବାରେ ଏହି ଟେଣ୍ଟ ଯୋଗୁଁ ଠିକ୍ ଭାବରେ ଦେଖା ଯାଉ ନ ଥିଲା ।
ଯାହା ଦ୍ୱାରା ଅଳପ କିଛି ଘଣ୍ଟା ଅଭ୍ୟାସ ପ୍ୟାରେଡ୍ ଶେଷ ହୋଇଥିଲା । ଏଠାରେ ପ୍ରଶ୍ନ ଉଠୁଛି ଯେ, ପ୍ରତିବର୍ଷ ୨୬ଜାନୁୟାରୀ ପୂର୍ବରୁ ତିନି ଦିନ ଏବଂ ଅଗଷ୍ଟ ୧୫ ପୁର୍ବରୁ ୧୧,୧୨, ୧୩ ଏହି ତିନିଦିନ ଅଭ୍ୟାସ ପ୍ୟାରେଡ୍ ହୋଇଥାଏ । କିନ୍ତୁ, କାହିଁକି ଟେଣ୍ଟ ଖୋଲିବାରେ ଏତେ ବିଳମ୍ବ ହୋଇଥିଲା ଯାହାଦ୍ବାରା ଅଭ୍ୟାସ ପ୍ୟାରେଡର ଗୋଟିଏ ଦିନ ସମ୍ପୂର୍ଣ୍ଣ ଅଭ୍ୟାସ ଅଧା ଅଧାରେ ରହିଗଲା ବୋଲି ସ୍କୁଲ କଲେଜରୁ ଆସିଥିବା ଛାତ୍ରଛାତ୍ରୀ ଓ ଶିକ୍ଷକ ଶିକ୍ଷୟତ୍ରୀ ଅସନ୍ତୁଷ୍ଟ ହୋଇଥିବା ଦେଖିବାକୁ ମିଳିଛି । ଜାଣି ଜାଣି ଟେଣ୍ଟ ମାଲିକ ଓ କର୍ମଚାରୀଙ୍କ ଏହିଭଳି ମନ୍ଥର କାର୍ଯ୍ୟକୁ ଟେଣ୍ଟ ଖୋଲା ନ ଜିବାକୁ ନେଇ ନିନ୍ଦା କରିଛନ୍ତି ।
