ରିପୋର୍ଟ : କ୍ଷମା ସାଗର ଦାଶ୍
ମୁନିଗୁଡା, (୨୨/୮) : ରେଳ ବିଭାଗ ତରଫରୁ ରାୟଗଡା ଜିଲ୍ଲା ବିଷମକଟକ ବ୍ଳକ୍ ଅନ୍ତର୍ଗତ ଚାଟିକଣା ଗ୍ରାମ ନିକଟରେ ଥିବା ବିଷମକଟକ ରେଳ ଷ୍ଟେସନର ଆଧୁନୀକରଣ ଓ ତୃତିୟ ଲାଇନ୍ ନିର୍ମାଣ କାର୍ଯ୍ୟ ଦିର୍ଘଦିନ ହେବ ଚାଲୁଅଛି, ଯାହାଫଳରେ ନୁତନ ପ୍ଲାଟଫର୍ମ ନିର୍ମାଣ ପରେ ଏହାର ପାଚେରୀ ନିର୍ମାଣ କାମ ଚାଲୁଅଛି ।
୩୦ଫୁଟ ପ୍ରଶସ୍ଥ ରାସ୍ତା ଦେବାପାଇଁ ରେଳ ବିଭାଗକୁ ଚାଟିକଣା ଅଞ୍ଚଳବାସୀଙ୍କ ଦାବୀ । ହେଲେ ଚାଟିକଣା ଗ୍ରାମଠାର ଆଦିବାସୀ ସାହି ନିକଟରେ ଯେଉ ରାସ୍ତାଟି ଅଛି ତାହା ଅଣଓସାରିଆ ହେବାରେ ଲାଗିଛି । ଏହି ରାସ୍ତା ଦେଇ ଚାଟିକଣା ଓ କୁର୍ଲୀ ପଞ୍ଚାୟତ ର ଅନେକ ଗ୍ରାମ ଥିବାବେଳେ ଏହି ରାସ୍ତାେଦଇ ପ୍ରତିଦୀନ ଶହଶହ ଲୋକ, ଟ୍ରାକଟର୍ ଓ ଜନ ସାଧାରଣ ଯାତାୟତ କରିଥାନ୍ତି । ତେଣୁ ଆଜି ଏହି ଅଞ୍ଚଳବାସୀ ମୁନିଗୁଡା ସ୍ଥିତ ରେଳବିଭାଗର ଅତିରିକ୍ତ ଡିଭିଜିନାଲ ଇଞ୍ଜିନିଅରଙ୍କ କାର୍ଯ୍ୟାଳୟ କୁ ଆସି ଏକ ଲିଖିତ ଭାବେ ଅନୁରୋଧ କରିଛନ୍ତି ଯେ ଏହି ରାସ୍ତାକୁ ୩୦ଫୁଟ ପ୍ରଶସ୍ଥ ରାସ୍ତା ଜନସାଧାରଣଙ୍କ ପାଇଁ ଦିଆଯାଉ । ଏହି ରାସ୍ତା ଦେବା ଫଳରେ ଆଦିବାସୀ ସାହି, ମାଳି ସାହି ଓ ଶବର ସାହି ବାସିନ୍ଦା ଉପକୃତ ହେବେ ।
