ରିପୋର୍ଟ : ନରୋତ୍ତମ ପାଢ଼ୀ
ରାୟଗଡା, (୧୮/୦୧) : ରାୟଗଡା ଜିଲ୍ଲା କଲ୍ୟାଣସିଂହପୁର ବ୍ଲକ ପାର୍ଶାଲି ପଞ୍ଚାୟତର ଭାଲେରି ଗ୍ରାମର ନରସିଂ ବାଗ ଙ୍କ ପୁଅ ବଳରାମ ବାଗ ତାଙ୍କ ସ୍ତ୍ରୀ ରଶ୍ମିତା ବାଗକୁ ତାଙ୍କ ଶଶୁର ଘର ଲୋକେ ୪ଲକ୍ଷ ଟଙ୍କା ରେ ବିକ୍ରି କରିଥିବା ନେଇ ଥାନାରେ ଅଭିଯୋଗ କରିଥିବା ଜଣାପଡିଛି ।
ଉକ୍ତ ଅଭିଯୋଗ ପତ୍ର ରେ ବଳରାମ ବାଗ ମୁନିଗୁଡା ବ୍ଲକର ଅମ୍ବାଦଳା ଥାନା ରଘୁବାରି ପଞ୍ଚାୟତ ସଦର ଗୁରୁବାରୁ ଛାତ୍ରୀଆ ଙ୍କ ଝିଅ ରଶ୍ମିତା ଙ୍କୁ ପ୍ରାୟ ୧୪ବର୍ଷ ହେବ ପ୍ରେମ ବିବାହ କରିଥିଲେ । ତାଙ୍କ ଔରସରୁ ଦୁଇଟି ଝିଅ ଓ ଗୋଟିଏ ପୁଅ ରହିଛି । ଘରର ଆର୍ଥିକ ଅଭାବ ଯୋଗୁଁ ବଳରାମ ଦାଦନ ଶ୍ରମିକ ଭାବେ ଆନ୍ଧ୍ରପ୍ରଦେଶ କୁ ଯାଇଥିଲେ । ବଳରାମ ବହୁ ଦିନ ଧରି ଘରକୁ ନ ଫେରିବାର ସୁଯୋଗ ନେଇ ୨୦୨୪ମସିହା ମେ ମାସ ୩୦ ତାରିଖ ଅପରାହ୍ନରେ ରଶ୍ମିତା କୁ ତାଙ୍କ ଭାଇ ବକଚନ ଛାତ୍ରୀଆ ,ଅଭିମନ୍ୟୁ ଛାତ୍ରୀଆ ଓ ଭାଉଜ ପେଟ ଛାତ୍ରୀଆ ତିନିଜଣ ସୋଲା ସୁତରା କରି ରାଜସ୍ଥାନର ଏକ ଲୋକ ଠାରୁ ୪ଲକ୍ଷ ଟଙ୍କା ଆଣି ତାହା ସହିତ ବିବାହ କରାଇ ଦେଇ ଥିବା କହିବା ସହ ଅଭିଯୋଗ କରିଛନ୍ତି ।
ବଳରାମ ଆନ୍ଧ୍ରପ୍ରଦେଶରେ ଥାଇ ସବୁ ଜାଣିବା ପରେ ଶାଶୁ ଘରକୁ ଯାଇ ରଶ୍ମିତା ବିଷୟରେ ପଚାରିଥିଲେ । ଦୁଇଶଳା ଓ ଭାଉଜ ଅଶ୍ଳୀଳ ଭାଷାରେ ଗାଳି ଗୁଲଜ କରି ତୋତେ ମାରି ଅଖା ବସ୍ତାରେ ଭରିକରି ନଦୀରେ ଫିଙ୍ଗି ଦେବୁ ଆମ ଭଉଣୀକୁ ବିକିଲୁ ବୋଲି କହି ଠେଲା ପେଲା କରିବାରୁ ତିନି ପିଲାଙ୍କ ଭବିଷ୍ୟତ କଥା ଭାବି ଭୟରେ ସେହିଠାରୁ ଚାଲି ଆସିଲି । ଏହା ପୂର୍ବରୁ ୨୦୨୪ ମସିହା ଜୁନ ମାସ ୨୮ତାରିଖରେ ଥାନାରେ ଲିଖିତ ଅଭିଯୋଗ କରିଥିଲି କିନ୍ତୁ ସ୍ତ୍ରୀ ର କୌଣସି ଖବର ନ ପାଇବାରୁ ଆଜି ପୁନର୍ବାର ଥାନାରେ ଅଭିଯୋଗ କରିଛି । ଏହାର ସଠିକ ତଦନ୍ତ କରି ବଳରାମ କୁ ଉଚିତ ନ୍ୟାୟ ଦେବାପାଇଁ ଅଭିଯୋଗ କରିଛନ୍ତି ।
