ରିପୋର୍ଟ : ଓଡିଶା ନ୍ୟୁଜ ୨୪ ବ୍ୟୁରୋ //
ଗଞ୍ଜାମ, (୨୦/୧୨) : ୯୦ କେଜି ଗଞ୍ଜେଇ ଜବତ କଲା ଗଞ୍ଜାମ ପୋଲିସ। ଏହାସହିତ ଦୁଇଟି ବାଇକ ଏବଂ ଚାରିଜଣ ଯୁବକଙ୍କୁ ମଧ୍ୟ ଗିରଫ କରିଛି ପୋଲିସ ।
ତେବେ ଗଞ୍ଜାମ ଜିଲ୍ଲା ପାଟପୁର ଥାନା ପୋଲିସ ପୋଡାମାରି ରାସ୍ତାରେ ପେଟ୍ରୋଲିଙ୍ଗ ବେଳେ ଏହି ବିପୁଳ ପରିମାଣର ଗଞ୍ଜେଇ ଜବତ ହୋଇଛି। ତେଣୁ ପୋଲିସ ଏ ନେଇ ଅଧିକ ତଦନ୍ତ ଜାରି ରଖିଛି । ସୂଚନା ଅନୁସାରେ, ଗୁରୁବାର ବିଳମ୍ବିତ ରାତିରେ ପାଟପୁର ଥାନା ପୋଲିସ ପୋଡାମାରି ରାସ୍ତାରେ ପେଟ୍ରୋଲିଙ୍ଗ କରୁଥିଲା । ଏହି ସମୟରେ କିଛି ଦୁର୍ବୁତ୍ତ ଦୁଇଟି ବାଇକରେ ଦୁଇଟି ଗଞ୍ଜେଇ ବସ୍ତା ଧରି ଗଜପତି ଜିଲ୍ଲାରୁ ଆସୁଥିବା ବେଳେ ପୋଲିସର ପେଟ୍ରୋଲିଂ ହାବୁଡ଼ରେ ପଡିଯାଇଥିଲେ । ଦୃତଗତିରେ ଆସୁଥିବା ୨ ଟି ବାଇକକୁ ପୋଲିସ ଟିମ୍ ଅଟକାଇ ତଲାସୀ କରିବାରୁ ସେହି ବସ୍ତା ଭିତରୁ ୯୦ କେଜି ଗଞ୍ଜେଇ ଥିବା ଜଣାପଡିଥିଲା । ତେଣୁ ପୋଲିସ ଗଞ୍ଜେଇକୁ ଜବତ କରିବା ସହିତ ଏହି ଗଞ୍ଜେଇ ଚୋରା ଚାଲାଣ କରୁଥିବା ଅଭିଯୁକ୍ତଙ୍କୁ ଗିରଫ କରିଛି ପୋଲିସ ।
