ରିପୋର୍ଟ : ସୁଶାନ୍ତ ବେହେରା //
ହରଭଙ୍ଗା,(୨୧/୧୧) : ବୌଦ୍ଧ ଜିଲ୍ଲା ହରଭଙ୍ଗା ବ୍ଲକ, ପୁରୁଣାକଟ ଭୈରବୀ ଜୁନିଅର କଲେଜ ତରଫରୁ ଆଜି ରେଡ କ୍ରସ ପ୍ରୋଗ୍ରାମ ଆୟୋଜିତ ହୋଇଥିଲା l ଭୈରବୀ କଲେଜ ର ଅଧ୍ୟାପକ ଶ୍ରୀ ମନୋଜ କୁମାର ପାଠୀଙ୍କ ନେତୃତ୍ୱ ରେ ରେଡ କ୍ରସ କ୍ୟାମ୍ପ ଆରମ୍ଭ ହୋଇଥିଲା l
୫୦ ଜଣ ଛାତ୍ରଛାତ୍ରୀଙ୍କୁ ନେଇ ଭୈରବୀ ଜୁନିଅର କଲେଜ ଠାରୁ ଆରମ୍ଭ କରି ଗୋଷ୍ଠୀ ସ୍ୱାସ୍ଥ୍ୟ କେନ୍ଦ୍ର, ପର୍ଯ୍ୟନ୍ତ ରେଡ କ୍ରସ ର ସଫେଇ ଅଭିଯାନ ଆରମ୍ଭ ହୋଇଥିଲା l ଗୋଷ୍ଠୀ ସ୍ୱାସ୍ଥ୍ୟ କେନ୍ଦ୍ର ର ପଛପଟେ ଥିବା ହରିଜନ ସାହି ରେ ସମସ୍ତ ରାସ୍ତା ଘାଟ ସଫା କରାଯାଇଥିଲା ଏବଂ ଆଖ ପାଖ ସମସ୍ତ ଅଞ୍ଚଳ ରେ ମଧ୍ୟ ରାସ୍ତା ସଫା କରାଯାଇଥିଲା l
ଶେଷରେ ଗୋଷ୍ଠୀ ସ୍ୱାସ୍ଥ୍ୟ କେନ୍ଦ୍ର ର ପରିସରରେ ମଧ୍ୟ ସଫେଇ କରାଯାଇଥିଲା l ମନୋଜ କୁମାର ପାଠୀ ଙ୍କ ସହିତ ଅଧ୍ୟାପକ ସଦାଶିବ ଜେନା ଏବଂ ମୁଖ୍ୟ ଅତିଥି ଭାବେ ଜିଲ୍ଲା ପରିଷଦ ଉପାଧକ୍ଷ ଅକ୍ରୁର ସେଠି ଏହି ରେଡ କ୍ରସ ର ସଫେଇ ଅଭିଯାନ ରେ ଯୋଗ ଦେଇଥିଲେ l
ଏହି କାର୍ଯ୍ୟକ୍ରମଟି ସକାଳ ୯:୩୦ ରୁ ଆରମ୍ଭ ହୋଇ ମଧ୍ୟାହ୍ନ ୧୨ ଟା ପର୍ଯ୍ୟନ୍ତ ଚାଲିଥିଲା l ମନୋଜ ପାଠୀଙ୍କ ସୂଚନା ଅନୁଯାଇ ଶେଷରେ ସମସ୍ତ ଛାତ୍ର ଛାତ୍ରୀ ଙ୍କୁ ସ୍ବେଛାସେବୀ ର ପ୍ରମାଣ ପତ୍ର ଦିଆଯାଇଥିଲା ଏବଂ ଆଗାମୀଦିନରେ କଲେଜ ର ବାହାର ପରିସର କୁ ଏହି କାର୍ଯ୍ୟକ୍ରମ ରେ ଅନ୍ତର୍ଭୁକ୍ତ କରାଯିବ ବୋଲି ମଧ୍ୟ ସୂଚନା ମିଳିଛି |