ରିପୋର୍ଟ : ବିଭୁତି ଲହରିଆ //
ବାଲିଗୁଡା,(୨୨/୧୧) : କନ୍ଧମାଳ ଜିଲ୍ଲା ଆଜି ବିଜୁ ସ୍ୱାସ୍ଥ୍ୟ କଲ୍ୟାଣ ଯୋଜନାରେ ଯୋଡି ହେଲା l ମାନ୍ୟବର ମୁଖ୍ୟମନ୍ତ୍ରୀ ନଵୀନ ପଟନାୟକ ଫୁଲବାଣୀ ମିନି ଷ୍ଟାଡିଅମରେ ଏହି ଯୋଜନାର ଶୁଭାରମ୍ଭ କରିଛନ୍ତି l ଏହି ଅବସରରେ ବାଲିଗୁଡା ସହର ରେ ବିଜୁ ସ୍ୱାସ୍ଥ୍ୟ କଲ୍ୟାଣ ଯୋଜନାରେ ହିତାଧିକାରୀ ଙ୍କୁ ସ୍ମାର୍ଟ କାର୍ଡ ବଣ୍ଟନ କରାଯାଇଛି l
ବାଲିଗୁଡା ବିଜୁ ପଟନାୟକ ମିନି ଷ୍ଟାଡିଅମ ରେ ରାଜ୍ୟ ଯୁବ କଲ୍ୟାଣ ବୋର୍ଡ ର କାର୍ଯ୍ୟକାରୀ ଅଧକ୍ଷ୍ୟ ବିଜୟ କୁମାର ନାୟକ ଯୋଗଦେଇ ସ୍ମାର୍ଟ କାର୍ଡ ବଣ୍ଟନ କରିଛନ୍ତି l ବାଲିଗୁଡା ନଗର ସାଂସଦ ପ୍ରତିନିଧି ଲୋକନାଥ ପାଢ଼ୀ, ତହସିଲଦାର ଶଶାଙ୍କ ପାତ୍ର ଏହି ସ୍ମାର୍ଟ କାର୍ଡ ବଣ୍ଟନ କାର୍ଯ୍ୟକ୍ରମ ରେ ଉପସ୍ଥିତ ରହିଥିଲେ l ବାଲିଗୁଡା ସହର ରେ ମୋଟ ୩୩୩୪ ଜଣ ହିତାଧିକାରୀଙ୍କୁ ବିଜୁ ସ୍ୱାସ୍ଥ୍ୟ କଲ୍ୟାଣ ଯୋଜନାରେ ଏହି ସ୍ମାର୍ଟ କାର୍ଡ ବଣ୍ଟନ କରାଯିବ l ଆଜି ପ୍ରଥମ ଦିନ ରେ ପ୍ରଥମ ପର୍ଯ୍ୟାୟ ରେ ବିଜୁ ପଟନାୟକ ମିନି ଷ୍ଟାଡିଅମ, କଲ୍ୟାଣ ମଣ୍ଡପ ଓ ବାଲିଗୁଡା ସଭାଗୃହ ଠାରେ ତିନୋଟି ସ୍ଥାନ ରେ ମୋଟ ୮୬୦ ଜଣ ମହିଳା ଓ ପୁରୁଷ ଙ୍କୁ ସ୍ମାର୍ଟ କାର୍ଡ ପ୍ରଦାନ କରାଯିବା ଧାର୍ଯ୍ୟ କରାଯାଇଛି l
ତେବେ ମୁଖ୍ୟମନ୍ତ୍ରୀ ନଵୀନ ପଟନାୟକ ଙ୍କ ସ୍ୱାସ୍ଥ୍ୟ କଲ୍ୟାଣ ଯୋଜନା ଭଳି ପଦକ୍ଷେପ ପାଇଁ ହିତାଧିକାରୀ ଲଷ୍ମୀ ସାହୁ, ମିରୁତା ନାୟକ, ମନୋରମା ସାହୁ,ସତ୍ୟ ଭାମା ନାୟକ ସମେତ ବାଲିଗୁଡା ନଗରବାସୀ କୃତଜ୍ଞତା ଜଣାଇଛନ୍ତି | ସେହିପରି ଅପରାହ୍ନ ରେ ମାନ୍ୟବର ପର୍ଯ୍ୟଟନ ଓ ସଂସ୍କୃତି ମନ୍ତ୍ରୀ ଜ୍ୟୋତି ପ୍ରକାଶ ପାଣିଗ୍ରାହୀ ବାଲିଗୁଡା ବ୍ଲକ ର ବାରଖମା, ସୁଡ୍ରା, ରେବୀଙ୍ଗିଆ, ବୁଦ୍ରୁକିଆ ଓ ବାଟାଗୁଡା ପଂଚାୟତ ରେ ବିଜୁ ସ୍ୱାସ୍ଥ୍ୟ ସ୍ମାର୍ଟ କାର୍ଡ ବଣ୍ଟନ କରିଛନ୍ତି |