ରିପୋର୍ଟ : ଜିଲ୍ଲାପ୍ରତିନିଧି ଗୋପୀନାଥ ଗୌଡ଼ //
ରାୟଗଡ,(୨୬/୧୧) : ଆଜି ଉତ୍କଳ ସାମ୍ବାଦିକ ସଂଘ ରାୟଗଡ଼ ଶାଖା ପକ୍ଷରୁ ଜିଲ୍ଲା ସ୍ତରୀୟ ବାର୍ଷିକ ଉତ୍ସବ ହୋଟେଲ ତେଜସ୍ଵୀ ଠାରେ ଅନୁଷ୍ଠିତ ହୋଇଯାଇଅଛି । ସଂଘ ର ସଭାପତି ଶ୍ରୀ ସୁରେଶ ଚନ୍ଦ୍ର ଦାସ ଙ୍କ ଅଧ୍ୟକ୍ଷତାରେ ବୈଠକ ରେ ଅଧ୍ୟାପିକା ଶୁଭଶ୍ରୀ ମହାପାତ୍ର ମଞ୍ଚ ପରିଚାଳନା କରିଥିଲେ । ସଭାରେ ସଂଘର ସଂପାଦକ ଶ୍ରୀ ରାଜେଶ କୁମାର ମହାନ୍ତି ବାର୍ଷିକ ସଂପାଦକୀୟ ବିବରଣୀ ପାଠ କରିଥିଲେ ।
ମଞ୍ଚାସୀନ ଅତିଥି ମାନେ ପ୍ରଦ୍ଵୀପ ପ୍ରଜ୍ଜ୍ୱଳନ କରି କାର୍ଯ୍ୟକ୍ରମ ର ଶୁଭାରମ୍ଭ କରିଥିଲେ । ମୁଖ୍ୟ ଅତିଥି ଭାବେ ସଭାପତି ଉତ୍କଳ ସାମ୍ବାଦିକ ସଂଘ, ଓଡ଼ିଶା ବିଭୁତି ଭୁଷଣ କର ଯୋଗଦେଇ ସଂଘ ର ସାଙ୍ଗଠନିକ ବ୍ୟବସ୍ଥା ସମ୍ଵନ୍ଧରେ ଆଲୋଚନା କରିବା ସହିତ ସଂଘ କିପରି ଆଗାମୀ ଦିନରେ ଲଢୁଆ ଭାବେ କାର୍ଯ୍ୟ କରିବ ସେ ବିଷୟରେ ଗୁରୁମନ୍ତ୍ର ଦେଇଥିଲେ ।
ଉତ୍କଳ ସାମ୍ବାଦିକ ସଂଘ ର ମୁଖ୍ୟ ଦାବି ଯଥା ସାମ୍ବାଦିକ ସୁରକ୍ଷା ଆଇନ,ଅବସର କାଳିନ ଭତ୍ତା, ସ୍ଵାସ୍ଥ୍ୟ ବିମାରାଶି ବ୍ରୃଦ୍ଧି ପ୍ରସଙ୍ଗ ଉଠାଇ ଆଗାମୀ ଦିନରେ ବିଧାନ ସଭା ଘେରିବେ ବୋଲି କହିଥିଲେ । ମୁଖ୍ୟ ବକ୍ତା ଭାବେ ଯୋଗଦେଇ ମୁଖ୍ୟ ସଂପାଦକ ବଡଖବର ଶ୍ରୀ ଅର୍ଧେନ୍ଦୁ ଦାସ ସାମ୍ବାଦିକ ଏକନିଶା ଓ ସାମ୍ବାଦିକ ଭାଇ ମାନେ ପରସ୍ପର ପରସ୍ପର ସହିତ ଉତ୍ତମ ସଂପର୍କ ରଖିଲେ ଆମେ ଆମ ହକ କୁ ସରକାର ଙ୍କ ଠାରୁ ମାଗିବା ନାହିଁ ଛଡାଇ ଆଣି ପାରିବା ବୋଲି ପ୍ରକାଶ କରିଥିଲେ ।
ରାଜ୍ୟ ସଭାପତି ଙ୍କ ବିବୃତି କୁ ଦୋହରାଇ କହିଥିଲେ ସଂଘ ବା ସଂଘୀୟ ବ୍ୟବସ୍ଥା କୁ ସୁପରିଚାଳନା କରିବା ର ଦକ୍ଷତା ରାଜ୍ୟ ସଭାପତି ଙ୍କ ର ଉତ୍ତମ । ଆମେ ସମସ୍ତେ ଏକହୋଇ ଲଢ଼ିବା ଉଚିତ୍ । ସମ୍ମାନିତ ଅତିଥି ଭାବେ ଜିଲ୍ଲା ଆରକ୍ଷୀ ଅଧିକ୍ଷକ ଶ୍ରୀ ବିବେକାନନ୍ଦ ଶର୍ମା ଯୋଗଦେଇ ସାମ୍ବାଦିକ ମାନଙ୍କ ର ଭୁମିକା ସମସ୍ତ କ୍ଷେତ୍ରରେ ଗୁରୁତ୍ଵପୂର୍ଣ୍ଣ ବୋଲି କହିଥିଲେ । ଜିଲ୍ଲା ସ୍ତରରେ ସାମ୍ବାଦିକ ମାନଙ୍କ ର ସଂପର୍କ ପ୍ରଶାସନ ସହିତ ଅତି ଉତ୍ତମ ରହିଛି ଓ ଆଗକୁ ରହିବ ବୋଲି କହିଥିଲେ । ସମ୍ମାନିତ ଅତିଥି ଭାବେ ଯୋଗଦେଇ ଜିଲ୍ଲା ସୁଚନା ଲୋକ ସଂପର୍କ ଅଧିକାରୀ ଶ୍ରୀ ବସନ୍ତ କୁମାର ପ୍ରଧାନ କହିଥିଲେ ସାମ୍ବାଦିକ ମାନଙ୍କ ର ଭୁମିକା ସମାଜରେ ସବୁ ସ୍ଥରରେ ନିଆରା । ସକାଳ ଠାରୁ ଆରମ୍ଭ କରି ରାତିର ଶେଷ ପ୍ରହର ପର୍ଯ୍ୟନ୍ତ ଜିଲ୍ଲା ରେ ଘଟୁଥିବା ଟିକ ନିକ ଖବର ଉପସ୍ଥାପନ କରିବାରେ ସେମାନେ ବେଶ ଆଗୁଆ ।
ଆଜିର ଏହି ଉତ୍ସବ ରେ ଜିଲ୍ଲା ର ଜନସାଧାରଣ ଙ୍କ ମୈଳିକ ସମସ୍ୟା କୁ ନେଇ ପ୍ରଶାସନ ସହ ଅହରହ ଲଢେଇ କରିଆସୁଥିବା ଓ ଜିଲ୍ଲା ର ମୁଖ୍ୟ ସମସ୍ୟା ଗୁଡ଼ିକ ପାଇଁ ରାଜରାସ୍ତାରେ ଅନଶନ କରି ସମସ୍ୟା ର ସମାଧାନ ଦିଗରେ ଦୀର୍ଘ ୧୧ ବର୍ଷ ଧରି କାର୍ଯ୍ୟ କରୁଥିବା ଜିଲ୍ଲା ବିକାଶ ପରିଷଦ ର ସଭାପତି ଶ୍ରୀ ଶିବାଜି ଦାସ ଙ୍କୁ ମାନପତ୍ର ଦେଇ ସନ୍ମାନିତ କରାଯାଇଥିଲା ।
ସେହିପରି ବିଶିଷ୍ଟ କବି ଶ୍ରୀ ଲକ୍ଷ୍ମଣ ବେହାରା ଙ୍କୁ ମାନପତ୍ର ସହ ସନ୍ମାନିତ କରାଯାଇଥିଲା । ମଞ୍ଚାସିନ ଅତିଥି ମାନଙ୍କୁ ମାନପତ୍ର ଦେଇ ସମ୍ମାନିତ କରିବା ସହିତ ସଂଘ ସହ ନୁତନ ଭାବେ ଯୋଗ ଦେଇଥିବା ୮ ଜଣ ସଭ୍ୟ ଙ୍କୁ ସନ୍ମାନିତ କରାଯାଇଥିଲା । ସର୍ଵ ଶେଷରେ ସଂଘ ର ସଭ୍ଯ ଶ୍ରୀ ରଶ୍ମି ରଞ୍ଜନ ଦୋରା ଧନ୍ୟବାଦ ଅର୍ପଣ କରିବା ସହିତ ସଭା ଭଙ୍ଗ କରି ଥିଲେ ।