ରିପୋର୍ଟ : ସନ୍ତୋଷ ନାୟକ //
ବଲାଙ୍ଗୀର, ତା(୧୪/୧୨) : ଗତ ୧୦ ତାରିଖ ଦିନ ଭୁବନେଶ୍ବର ଠାରେ ଭଉଣୀ ମମିତା ମେହେରଙ୍କୁ ନ୍ୟାୟ ଏବଂ ଗୃହରାଷ୍ଟ୍ର ମନ୍ତ୍ରୀଙ୍କ ଇସ୍ତଫା ଓ ଏହାର ଏସ.ଆଇ.ଟି. ତଦନ୍ତ ଦାବିରେ ଓଡିଶା ପ୍ରଦେଶ ଛାତ୍ର କଂଗ୍ରେସ ତରଫରୁ ବିଧାନସଭା ଘେରାଉ ଡାକରା ଦିଆଯାଇଥିଲା ।
ଏହି ସମୟରେ ଓଡିଶା ପୋଲିସ ସେଠାରେ ଆନ୍ଦୋଳନ ରତ ଛାତ୍ର କଂଗ୍ରେସ ର କର୍ମୀମାନ ଙ୍କୁ ମରଣାତ୍ମକ ଆକ୍ରମଣ କରି ତାଙ୍କୁ ଲହୁ ଲୁହାଣ କରିଦେଲା ଏବଂ ପରେ କଂଗ୍ରେସ ଭବନ କୁ ପଶି ସେଠାରେ ବରିଷ୍ଠ ଓ ମହିଳା କର୍ମି ମାନଙ୍କୁ ମଧ୍ୟ ମାଡ଼ ମାରିଥିଲା । ଏହି ଘଟଣାକୁ ପ୍ରଦେଶ କଂଗ୍ରେସ କମିଟି ସଭାପତି ଶ୍ରୀଯୁକ୍ତ ନିରଞ୍ଜନ ପଟ୍ଟନାୟକ ଓ କଂଗ୍ରେସ ବିଧାୟକ ଦଳ ନେତା ତଥା ମାନ୍ୟବର ବଲାଙ୍ଗୀର ବିଧାୟକ ଶ୍ରୀଯୁକ୍ତ ନରସିଂହ ମିଶ୍ର ନିନ୍ଦା କରିବା ସହ ଆଜି ଓଡ଼ିଶା ର ସମସ୍ତ ଜିଲ୍ଲାରେ ଏସ ପି ଅଫିସ ସମ୍ମୁଖ ରେ ଜିଲ୍ଲା କଂଗ୍ରେସ କମିଟି ର ନେତୃତ୍ୱରେ ବିକ୍ଷୋଭ ପ୍ରଦର୍ଶନ କରାଯାଇଛି ।
ଏହି ପରିପେକ୍ଷିରେ ଆଜି ମଧ୍ୟ ବଲାଙ୍ଗୀର ଆରକ୍ଷୀ ଅଧିକାରୀ ଙ୍କ ଅଫିସ ସମ୍ମୁଖ ରେ ବଲାଙ୍ଗୀର ଜିଲ୍ଲା କଂଗ୍ରେସ କମିଟି ନେତୃତ୍ୱ ରେ ବିକ୍ଷୋଭ ପ୍ରଦର୍ଶନ କରାଯାଇଛି ଏହି ଭିଖୋପ ରେ ବଲାଂଗୀର ବିଧାୟକ ନରସିଂହ ମିଶ୍ର ମଧ୍ଯ ସାମିଲ ଥିବା ଦେଖିବାକୁ ମିଳିଛି ।