ରିପୋର୍ଟ : ଶିବ ବିଶୋଇ //
ଲମତାପୁଟ, (୨୬/୧୨) : କଡ଼ା ସୁରକ୍ଷା ବ୍ୟବସ୍ଥା ଚାଲିଛି ଅପରେସନ ଗ୍ରୀନ କ୍ଲିନ୍ । କୋରାପୁଟ ପୋଲିସ ଦ୍ବାରା ମାଓ ପ୍ରଭାବିତ ଅଞ୍ଚଳ ୭୩ ଏକର ରେ ହୋଇଥିବା ୭୫ ହଜାର ୬ ସହ ଗଞ୍ଜେଇ ଗଛ ନଷ୍ଟ କରାଯାଇଛି । କୋରାପୁଟ ପୋଲିସ ଗଞ୍ଜେଇ ଚୋରା ଚାଲାଣ ରୋକିବା ପାଇଁ ବଡ ପଦକ୍ଷେପ ନେଇଛି ।
ମାଓ ପ୍ରଭାବିତ ଅଞ୍ଚଳ ଗୁଡିକରେ ବେଧଡକ ଗଞ୍ଜେଇ ଚାଷ ବିପୁଳ ପରିମାଣ ରେ ହେଉଥିବା ପୋଲିସ ନଜର କୁ ଆସିଛି । ପାଡୁଆ ଥାନା ଅନ୍ତର୍ଗତ ମାଓ ପ୍ରଭାବିତ ଆନ୍ଧ୍ର ସୀମାନ୍ତବର୍ତ୍ତୀ ସାରିଆପାଲି ଏବଂ ସୁଡୁବ ଗ୍ରାମ ନିକଟ ଜଙ୍ଗଲ ରେ ଅପରେସନ ଗ୍ରୀନକ୍ଳିନ ଆରମ୍ଭ କରିଛି । ଏହି ଅଞ୍ଚଳରେ ଯୁଆଡେ ଆଖି ବୁଲାଇଲେ ହେକ୍ଟର ହେକ୍ଟର ଗଞ୍ଜେଇ ଚାଷ ଦେଖାଯିବ । ପୋଲିସ ଟିମ ଗଞ୍ଜେଇ ଗଛ କାଟି କାଟି ଥକି ଗଲେଣି କିନ୍ତୁ ସମ୍ପୂର୍ଣ ନଷ୍ଟ କରି ପାରିନି ।
ଏହି ଅଞ୍ଚଳରେ ଲଗାତାର ଅପରେସନ ଗ୍ରିଁନ କ୍ଲିନ୍ ଜାରି ରହିବ ବୋଲି ପୋଲିସ ସୂଚନା ଦେଇଛି । ପାଡୁଆ,କୋରାପୁଟ ପୋଲିସ,ଡି.ବି.ଏଫ, ଅବକାରୀ ,ବିଭାଗ ବନ ବିଭାଗ ଏବଂ ଏଗ୍ଜୁଟିବ ମାଜିଷ୍ଟେଡ ଙ୍କ ଉପସ୍ଥିତି ରେ ୭୩ ଏକର ଗଞ୍ଜେଇ ଚାଷ ନଷ୍ଟ କରାଯାଇ ସାରିଲାଣି । ଏହି ଗ୍ରାମ ଗୁଡ଼ିକ ଆନ୍ଧ୍ର ସୀମାନ୍ତ ବର୍ତି ଏବଂ ମାଓ ପ୍ରଭାବିତ ଅଞ୍ଚଳ ହୋଇଥିବାରୁ କଡା ସୁରକ୍ଷା ଦୃଷ୍ଟି ରେ ରଖି ବିପୁଳ ଫୋର୍ସ ମୁତୟନ କରି ଗଞ୍ଜେଇ ଚାଷ ନଷ୍ଟ କରାଯାଉଛି ।
ଡ୍ରୋନ ସାହାଯ୍ୟରେ ଗଞ୍ଜେଇ ଚାଷ ହୋଇଥିବା ଜାଗାକୁ ଚିହ୍ନଟ କରିଥିଲୁ । ଆଜି ପର୍ଯ୍ୟନ୍ତ ପୋଲିସ ପ୍ରାୟ ୫୪୦ ଏକର ଗଞ୍ଜେଇ ଚାଷ ନଷ୍ଟ କରିଥିବା ବେଳେ ୬ ଜଣ ଗଞ୍ଜେଇ ଚାଷୀଙ୍କୁ ଗିରଫ କରାଯାଇଛି ଏବଂ ୩୦ ଜଣଙ୍କ ନାମରେ ମାମଲା ରୁଜୁ କରାଯାଇଛି ।