ରିପୋର୍ଟ : ସୁଶାନ୍ତ ବେହେରା
ବୌଦ୍ଧ,(୨୨/୦୭) : ସରକାର ତୃଣମୁଳ ଠାରୁ ଆରମ୍ଭ କରି ବିଭିନ୍ନ ଯୋଜନା ବାହାର କରୁଥିବା ବେଳେ ତାହା ଦୁର୍ନୀତି ହୋଇ ବାଟ ମାରଣା ହୋଇଯାଉଛି, ଯାହାକି ଜନସାଧାରଣଙ୍କ କର ପଇସାରେ ନେତା, ମନ୍ତ୍ରୀ ଓ ଯନ୍ତ୍ରୀ l
ଏହିଭଳି ଘଟଣା ଦେଖିବାକୁ ମିଳିଛି ବୋୖଦ୍ଧଜିଲ୍ଲା ବୌଦ୍ଧବ୍ଲକ ମୁଣ୍ଡିପଦର ଗ୍ରାମପଞ୍ଚାୟତ ର ବିଭିନ୍ନ ଗ୍ରାମରେ ହୋଇଥିବା କାର୍ଯ୍ୟ ଗୁଡିକ ଉପରେ ଦୁର୍ନୀତି ଓ ବିନା ସୂଚନା ଫଳକରେ ଚାଲୁଅଛି | ଯାହାକି କ୍ଷମତା ବିହୀନ ସରପଞ୍ଚ ଙ୍କ ମନମୁଖୀ କାର୍ଯ୍ୟକଳାପ ଯୋଗୁଁ ଗ୍ରାମପଂଚାୟତ ର ଜନସାଧାରଣ ନାହିଁନଥିବା ଅସୁବିଧାରେ ସମ୍ମୁଖୀନ ହେଉଛନ୍ତି ।
ଏହିଭଳି ପଲସପାଟ ଗ୍ରାମଠାରୁ କୁଳତାଖଲି ରାସ୍ତା ପାଇଁ ୧,୮୩,୦୩୦,ଟଙ୍କାର ନିର୍ମିତ ରାସ୍ତାରେ ମୋରୁମ ବଦଳରେ ପଳସପାଟ ବନ୍ଧରୁ ଜେସିବି ଓ ଟ୍ରାକ୍ଟର ସାହାଯ୍ୟରେ ମାଟି ଆଣି ରାସ୍ତାରେ ପକାଯାଇଛି l ଯାହାକି ସାମାନ୍ୟ ବର୍ଷା ରେ ରାସ୍ତା କାଦୁଅ ହେଉଛି l ପଞ୍ଚାୟତ ର ଲୋକମାନେ ନାହିଁନଥିବା ଅସୁବିଧା ରେ ସମ୍ମୁଖୀନ ହେଉଛନ୍ତି ।
ଯେଉଁ ବନ୍ଧରୁ ମାଟି ଆଣି ରାସ୍ତାରେ କାମ ହେଉଥିଲା ତାହା ମନରେଗା ଯୋଜନାରେ କାମ ହେଉଥିଲା । ଏହିଭଳି ଗୋପୀନାଥ ଝାରବନ୍ଧରେ ପଞ୍ଚଦଶ ଅର୍ଥ କମିଶନ ପାଣ୍ଠିରୁ ଅଟକଳ ମୂଲ୍ୟ ୩ଲକ୍ଷ କାମ ଆସିଥଲା । ଏହି କାମକୁ ବିନା ସୂଚନା ଫଳକରେ କାର୍ଯ୍ୟ ଦର୍ଶାଯାଇଅଛି । ଉକ୍ତ ଝାରବନ୍ଧ ମାଟିକୁ ପାଖରେ ଚାଲିଥିବା ରେଲରାସ୍ତା ର କାର୍ଯ୍ୟ ପାଇଁ ରେଳ ରାସ୍ତା ର ଠିକା ସଂସ୍ଥା ନେଇଥିବା ବେଳେ ଏହା ମିଥ୍ୟା ବିଲ କରାଯାଇଛି l ଯାହାକି ଦୁର୍ନୀତିର ଗନ୍ଧ ପୁରା ବାରି ହୋଇଯାଉଛି l
ଜାନକୀପୁର ଠାରୁ କଳାପଥର ରାସ୍ତା ର କାମ ଜେସିବି ମେସିନ ଓ ଟ୍ରାକ୍ଟର ସାହାଯ୍ୟ ରେ ରାତି ଅଧିଆ କାମ ହୋଇଥିଲା । ଯାହାକି ଠିକ ଭାବରେ ହୋଇନାହିଁ । ଏ ରାସ୍ତା ଦେଇ ଜନସାଧାରଣ ଯିବାଆସିବା ବେଳେ ହନ୍ତସନ୍ତ ହେଉଛନ୍ତି ।
ଏହି କାମ ଗୁଡିକ ଯନ୍ତ୍ରୀ ଓ ସରପଞ୍ଚ ଙ୍କ ଶଲା ସୁତୁରାରେ ନିମ୍ନମାନର କାମ ହୋଇଥିବା କାମ ଗୁଡିକ ଉପରେ ଜିଲ୍ଲା ପ୍ରଶାସନ ଦୃଢ କାର୍ଯ୍ୟାନୁଷ୍ଠାନ ନେବାପାଇଁ ପଂଚାୟତ ର ପୂର୍ବ ସରପଞ୍ଚ ଓ ସମିତିସଭ୍ୟ ତଦନ୍ତ ନିମନ୍ତେ ବିଡ଼ିଓ, ଜିଲ୍ଲାପାଳ ଙ୍କ ତଦନ୍ତ ପାଇଁ ଦାବିକରିଛନ୍ତି |