ରିପୋର୍ଟ : ସୁଶାନ୍ତ ବେହେରା //
ବୌଦ୍ଧ, (୦୪/୦୨) : ବୌଦ୍ଧ ଜିଲ୍ଲା ର ଜିଲ୍ଲାପାଳ କାର୍ଯ୍ୟାଳୟ ପରିସରରେ ଆକ୍ସନଏଡ଼ ଏବଂ ଜ଼ିଲ୍ଲା ପ୍ରଶାସନ ର ମିଳିତ ଆନୁକୂଲ୍ୟରେ ୧୦ ଦିନିଆଁ ବୌଦ୍ଧ ଜ଼ିଲ୍ଲା ବ୍ୟାପି କୋଭିଡ ସଚେତନତା ରଥ ର ଶୁଭାରମ୍ଭ କାର୍ଯ୍ୟକ୍ରମ ଅନୁଷ୍ଠିତ ହୋଇଯାଇଛି ।
ଏହି ଅବସରରେ ଜିଲ୍ଲାପାଳ ଶ୍ରୀଯୁକ୍ତ ଲାଲଟେନ୍ଦୁ ମିଶ୍ର ଉକ୍ତ କୋଭିଡ ସଚେତନତା ରଥକୁ ସବୁଜ ପତାକା ଦେଖାଇ ଶୁଭାରମ୍ଭ କରିଥିଲେ । ଏହି ୧୦ ଦିନିଆଁ ସଚେତନତା ରଥ ଜିଲ୍ଲା ର କୋଣ ଅନୁକୋଣରେ କୋଭିଡ ସଚେତନତା ନେଇ ବୁଲିବା ସହିତ ଲୋକଙ୍କୁ ସଚେତନତା ଗୀତ ମାଧ୍ୟମରେ କରିବ । ଏହି ସଚେତନତା ରଥ ଶୁଭାରମ୍ଭ ପରେ ପ୍ରଥମ ଦିନରେ ଜିଲ୍ଲା ର କଣ୍ଟାମାଲ ବ୍ଲକ ର ମନମୁଣ୍ଡା ଏବଂ ପଲସାଗରା ଗ୍ରାମ ପଂଚାୟତ ଅଞ୍ଚଳରେ ଲୋକମାନଙ୍କୁ ସଚେତନତା ସୃଷ୍ଟି କରିବ । ଏହିପରି ଭାବରେ ଜିଲ୍ଲା ବ୍ୟାପି ୧୦ ଦିନ ର ସଚେତନତା କାର୍ଯ୍ୟକ୍ରମ ରହିଛି ।
ଏହି ସଚେତନତା କାର୍ଯ୍ୟକ୍ରମ ମୂଖ୍ୟତଃ କୋଭିଡ ସମ୍ବନ୍ଧୀୟ ଭେକ୍ସିନେସନ, ବୁଷ୍ଟର ଡୋଜ, ୧୫ ରୁ ୧୮ ବର୍ଷ ବୟସର କିଶୋର ଓ କିଶୋରୀ ମାନଙ୍କ ପାଇଁ ଟୀକା କରଣ ଏବଂ ଶିଶୁ ସୁରକ୍ଷା ଉପରେ ସଚେତନତା ସୃଷ୍ଟି କରିବ । ଯେଉଁ ସ୍ଥାନରେ କୋଭିଡ ଟୀକା କରଣ ହାର କମ ରହିଛି ଉକ୍ତ ରଥ ସେହି ସ୍ଥାନରେ ଅଧିକ ସଚେତନତା ସୃଷ୍ଟି କରିବ ।
ଉକ୍ତ କାର୍ଯ୍ୟକ୍ରମରେ ଉପଜିଲ୍ଲାପାଳ ସନତ କୁମାର ନାଏକ, ଜିଲ୍ଲା ସମାଜ ମଙ୍ଗଳ ଅଧିକାରୀ ଲକ୍ଷପତି ଭୋଇ, ଜିଲ୍ଲା ଶିଶୁ ସୁରକ୍ଷା ଅଧିକାରୀ ରାହୁଲ କୁମାର ପ୍ରଧାନ, ଜିଲ୍ଲା ସୂଚନା ଓ ଲୋକ ସମ୍ପର୍କ ଅଧିକାରୀ ରିତାକାନ୍ତି ବଳିଆରସିଂ, dpho ପ୍ରୋଦଶ ମହାପାତ୍ର, ଏଡିଏମଓ ମେଡ଼ିକାଲ କିଶୋର ଚନ୍ଦ୍ର ପଟନାୟକ ଜାତୀୟ ସ୍ୱାସ୍ଥ୍ୟ ମିଶନ ର ଜିଲ୍ଲା ପ୍ରୋଗ୍ରାମ ମେନେଜର ରୂପକ ମହାପାତ୍ର ଆକ୍ସନଏଡ଼ ର ଜିଲ୍ଲା ପରାମର୍ଶ ଦାତ୍ରୀ ପ୍ରବିଜ୍ଞା ଦାସ, ପ୍ରୋଗ୍ରାମ ଅଫିସର ଶର୍ମିଷ୍ଠା ହୋତା, ଜିଲ୍ଲା ପ୍ରକଳ୍ପ ସଂଯୋଜକ ମିଶନଶକ୍ତି ଦେବବ୍ରତ ମିଶ୍ର, ଜିଲ୍ଲା ପ୍ରକଳ୍ପ ସଂଯୋଜକ ମମତା ଆଶିଷ ମହାନ୍ତି, ମୁଖ୍ୟ ସହାୟକ ରାଜେନ୍ଦ୍ର କୁମାର ମହାପାତ୍ର ପ୍ରମୁଖ ଜିଲ୍ଲା କାର୍ଯ୍ୟଳୟ ର କର୍ମଚାରୀ ମାନେ ଉପସ୍ଥିତ ଥିଲେ ।