ରିପୋର୍ଟ : ସୁଶାନ୍ତ ବେହେରା
କଣ୍ଟାମାଳ, (୦୫/୦୨) : ଆଜି କଣ୍ଟାମାଳ ବ୍ଳକ ରେଙ୍ଗାଲି ଗ୍ରାମ ପଞ୍ଚାୟତ ଅନ୍ତର୍ଗତ ବଡ଼କୁଶଙ୍ଗ ଗ୍ରାମରେ ବାଲ୍ୟ ବିବାହ ବନ୍ଦ କଲା ଜିଲ୍ଲା ପ୍ରଶାସନ ।
ଦୀର୍ଘ ଦୁଇ ମାସ ଆଗରୁ ବାଲ୍ୟ ବିବାହ ନିଷେଧ ଅଧିକାରୀ ଏବଂ ଜିଲ୍ଲା ଶିଶୁ ସୁରକ୍ଷା ୟୁନିଟ ର କର୍ମକର୍ତ୍ତା ବୁଝାସୁଝା କରିଥିଲେ ମଧ୍ୟ ଉକ୍ତ ଶିଶୁ ର ପରିବାର ଲୋକ ଏହାକୁ ଅଣଦେଖା କରିଥିଲେ । ଆଜି ଉକ୍ତ ଶିଶୁ ର ବିବାହ ସମ୍ପର୍କରେ ସୂଚନା ପାଇ ବାଲ୍ୟବିବାହ ନିଷେଧ ଅଧିକାରୀ ଶ୍ରୀମତୀ ଜ୍ୟୋସ୍ନାରାଣୀ ପାଢ଼ୀ, କ୍ଷେତ୍ର ପରିଦଶିକା ଉର୍ମିଳା ପରିଡ଼ା, ଜିଲ୍ଲା ଶିଶୁ ସୁରକ୍ଷା ୟୁନିଟ ର କର୍ମଚାରୀ ସୁଶାନ୍ତ ଭୋଇ, ଚାଇଲ୍ଡ ଲାଇନ ସଦସ୍ୟା ବେବିନା ନାଏକ, ସୂଧାମୟୀ ମିଶ୍ର ଏବଂ କଣ୍ଟାମାଳ ପୋଲିସ ର ସହଯୋଗ ରେ ବାଲ୍ୟ ବିବାହ ବନ୍ଦ କରି ଶିଶୁ ଙ୍କୁ ଉଦ୍ଧାର କରି ଜିଲ୍ଲା ଶିଶୁ କଲ୍ୟାଣ କମିଟି ସମ୍ମୁଖରେ ଉପସ୍ଥାପିତ କରାଯାଇଛି ।