ରିପୋର୍ଟ : ସୁଶାନ୍ତ ବେହେରା //
ବୌଦ୍ଧ, (୦୯/୦୩) : ବୌଦ୍ଧ ଜିଲ୍ଲା କଣ୍ଟାମାଳ ବ୍ଲକ ମନମୁଣ୍ଡା ପଞ୍ଚାୟତ ର ନବନିର୍ବାଚିତ ସରପଞ୍ଚ ଚଂଚକତା କରି ମିଥ୍ୟା ଅନୁସୂଚିତ ଜାତିଗତ ପ୍ରମାଣ ପତ୍ର ଦାଖଲ କରି ବିଜୟୀ ହୋଇଥିବା ଅଭିଯୋଗ ହୋଇଛି । ଏହାରି ବିରୋଧରେ ପରାଜିତ ସରପଞ୍ଚ ପାର୍ଥିନୀ ଝୁନୁ ନାଗଙ୍କ ସ୍ୱାମୀ ଦେଵସ୍ଵାମୀ ନାଗ ଅଭିଯୋଗ କରିଛନ୍ତି । ନବନିର୍ବାଚିତ ସରପଞ୍ଚ ହେଲେ ନୁର୍ପା ଗ୍ରାମ ର ରଂଜୁ ବେହେରା ।
ସେ ଜାତିରେ ସିମିଳି କେଉଟ । ଉକ୍ତ ଜାତି ଓବିସି ରେ ଅନ୍ତର୍ଭୁକ୍ତ ଥିବାବେଳେ ତଥା ସେହି ଜାତି ଅନୁସୂଚିତ ଜାତିରେ ଥିବାର କୌଣସି ସରକାରୀ ତାଲିକାରେ ଉଲ୍ଲେଖ ନାହିଁ ବୋଲି ଅଭିଯୋଗ କରିଛନ୍ତି ପରାଜିତ ସରପଞ୍ଚ । ଚଳିତ ବର୍ଷ ତ୍ରିସ୍ତରୀୟ ପଞ୍ଚାୟତ ନିର୍ବାଚନ ରେ ମନମୁଣ୍ଡା ସରପଞ୍ଚ ପଦବୀ ଅନୁସୂଚିତ ଜାତିଙ୍କ ପାଇଁ ସଂରକ୍ଷିତ ରହିଥିଲା । ରଂଜୁ ବେହେରା ମନମୁଣ୍ଡା ଆର ଆଇ ଙ୍କ ଠାରୁ ରିପୋର୍ଟ ପ୍ରସ୍ତୁତ କରି ତହସିଲ ଅଫିସରୁ ମିଥ୍ୟା ଅନୁସୂଚିତ ଜାତିଗତ ପ୍ରମାଣ ପତ୍ର ଆଣି ନିର୍ବାଚନ ଲଢ଼ିଥିଲେ ଓ ବିଜୟୀ ହୋଇଥିଲେ । ଏହା ଜାଣିବା ପରେ ପରାଜିତ ପାର୍ଥି ଝୁନୁ ନାଗଙ୍କ ସ୍ୱାମୀ ଦେଵସ୍ଵାମୀ ନାଗ କଣ୍ଟାମାଳ ତହସିଲଦାର ଠାରେ ଅଭିଯୋଗ କରିଥିଲେ ।
ଆଜି ଝୁନୁ ନାଗଙ୍କ ସହିତ ଶତାଧିକ ଅନୁସୂଚିତ ମହିଳା ଓ ପୁରୁଷ ୫୭ ନଂ ଜାତୀୟ ରାଜପଥ ମନମୁଣ୍ଡା ଗାନ୍ଧୀ ଛକ ଠାରୁ ବିକ୍ଷୋଭରେ ବାହାରି ଆରଆଇ ଅଫିସ ପର୍ଯ୍ୟନ୍ତ ଏକ ବିଶାଳ ରାଲି ବାହାରି ମନମୁଣ୍ଡା ଆରଆଇ ଅଫିସ ଘେରାଉ କରିଥିଲେ । କିନ୍ତୁ ପରିତାପ ର ବିଷୟ ସମ୍ପୂର୍ଣ୍ଣ ରୂପେ ଆର୍ ଆଇ ଅଫିସ ବନ୍ଦ କରି ବାବୁ ମାନେ ସମସ୍ତେ ନିଜ କାର୍ଯ୍ୟରେ ବ୍ୟସ୍ତ ଥିଲେ । ତହସିଲଦାର ପହଞ୍ଚିଲା ପରେ ଅଫିସ ଖୋଲା ଯାଇଥିଲା । ଏ ସଂକ୍ରାନ୍ତରେ ଆମେ କଣ୍ଟାମାଳ ତହସିଲଦାର ଶ୍ରୀମତୀ ରିନା ପ୍ରଧାନ ଙ୍କ ପ୍ରତିକ୍ରିୟା ନେବାରୁ ସେ କ୍ୟାମେରା ଆଗରେ କୌଣସି ପ୍ରତିକ୍ରିୟା ଦେବାକୁ ମନା କରିଦେଇଥିଲେ ।
ଏଠାରେ ନିଜ ଇଚ୍ଛାରେ ଚାଲେ ଆର୍ ଆଇ ଅଫିସ ଓ ଆର୍ ଆଇ ମହୋଦୟଙ୍କୁ ଆମେ ଯୋଗା ଯୋଗ କରିବାରୁ ସେ ଆମ୍ଭର ଫୋନ୍ ଉଠାଇ ନ ଥିଲେ । ସବୁ ବେଳେ ଚର୍ଚ୍ଚାରେ ବୌଦ୍ଧ ଜିଲ୍ଲା ପ୍ରଶାସନ । ତଳ ମହଲରୁ ଉପର ମହଲ ପର୍ଯ୍ୟନ୍ତ ବାବୁ ମାନେ ମନମୁଣ୍ଡା କୁ ଯିଏ ବି ଆସନ୍ତି ସରକାରୀ ବାବୁ ଆଉ ଯିବାକୁ ମନ ବଳାନ୍ତି ନାହିଁ । ସତେ ଯେମିତି ଭାତ ହାଣ୍ଡି ପାଲଟି ଯାଏ ମନମୁଣ୍ଡା ର ସମସ୍ତ ସରକାରୀ ଅଫିସ ।