ରିପୋର୍ଟ : ଲୋକନାଥ ସାହୁ
ରାୟଗଡ଼ା,ଗୁଡ଼ାରୀ,(୩୦/୦୭) : ରାୟଗଡ଼ା ଜିଲ୍ଲା ଗୁଡ଼ାରୀ ବ୍ଳକ ଅନ୍ତର୍ଗତ କୁଟ୍ରାଧର ନିକଟରେ ଗଞ୍ଜେଇ ଚୋରା ଚାଲାଣ ହେଉଥିବା ଖବର ପାଇ ଗୁଡ଼ାରୀ ଓ ପଦ୍ମପୁର ପୁଲିସ୍ ଙ୍କ ମିଳିତ ଉଦ୍ୟମରେ ଚଢାଉକରି ଚୋରା ଚାଲାଣ ହେଉଥିବା ଗଞ୍ଜେଇ ଗାଡି WB ୪୧F ୭୧୨୫ ଧରିବାରେ ସଫଳ ହୋଇଥିବା ଜଣାପଡିଛି l
ସୁଚନା ଅନୁଯାୟୀ ବିହାର ଗ୍ରାମର ଡ୍ରାଇଭର ଅମରେଶ କୁମାର ସିଂ ଗତକାଲି ସକାଳ ୮ ସମୟରେ ଗଞ୍ଜେଇ ଗାଡିକୁ ନେଇ ରାଇପୁର ଅଭିମୁଖେ ଯାଉଥିବା ବେଳେ ରାୟଗଡ଼ା ଜିଲ୍ଲା ପୁଲିସ ହାବୁଡରେ ପଡିଥିଲା l ଉକ୍ତ ଗାଡିକୁ ଗୁଡାରୀ ଆଣିଥିଲେ l
ଆଡିସନାଲ ତହସିଲଦାର ଶ୍ରୀ ପ୍ରାଣକୃଷ୍ଣ ପାଣିଗ୍ରାହୀ, ଆଇ.ଆଇ.ସି. ଶ୍ରୀ ସୁଶାନ୍ତ କୁମାର ତାଉଡିଆ,ଶ୍ରୀ ପରୁଷତମ ଜାନୀ ଙ୍କ ଉପସ୍ଥିତିରେ ୨୪୫ କେ. ଜି ଗଞ୍ଜେଇ ଓଜନ କରାଯଇଥିଲା l ଉକ୍ତ ଡ୍ରାଇଭର କୁ କୋର୍ଟ ଚାଲାଣ କରାଯିବ ବୋଲି ଗୁଡାରୀ ଆଇ.ଆଇ.ସି. ପ୍ରକାଶ କରିଥିଲେ l