ରିପୋର୍ଟ : ଅକ୍ଷୟ କୁମାର ପିଡ଼ିସିକା //
କଲ୍ୟାଣସିଂହପୁର, ରାୟଗଡା, (୨୨/୩) : ରାୟଗଡା ଜିଲ୍ଲା କଲ୍ୟାଣସିଂହପୁର ବ୍ଲକ ନାରାୟଣପୁର ପଞ୍ଚାୟତ ର ସଦର ଗାଁ ରେ ଝାଟି ମାଟି କୁଡ଼ିଆରେ ବିଧବା କାନ୍ଦିରି ପିଡ଼ିସିକା ଓ ପୁଅ କାମେଶ୍ବର ପିଡ଼ିସିକା ଜୀବନ ବିତଉଥିବା ଦେଖିବାକୁ ମିଳିଛି ।
ରାୟଗଡା ଜିଲ୍ଲା କଲ୍ୟାଣସିଂହପୁର ବ୍ଲକ ନାରାୟଣପୁର ପଞ୍ଚାୟତ ର ସଦର ଗାଁ ରେ ଆଜକୁ ପ୍ରାୟ ୬ ବର୍ଷ ହେବ ୨୦୧୭ ମସିହାରେ ବନ୍ୟା ରେ ଘର ଭୁଶୁଡ଼ି ଯାଇଥିଲା । ବିଧବା କାନ୍ଦିରି ନିଜ ପୁଅ କୁ ଧରି ଏକ ଛୋଟ କୁଡିଆରେ ରହି ଆସୁଛନ୍ତି । କରଡା କାଠ ଆଣି ଚାରି ଆଡ଼େ ପୋତି ତା ଉପରେ ଏକ ଜରି ପକାଇ ଚଳି ଆସୁଛନ୍ତି ।
ବର୍ତ୍ତମାନ ଶୀତ କାକର, ଖରା ଓ ବର୍ଷା ହେଉଥିଲେ ମଧ୍ୟ ଘର ଉପରେ ଜରି ପକାଇ ରହୁଛନ୍ତି । ଅତ୍ୟଧିକ ବର୍ଷା ହେଲେ ଶୋଇବା ପାଇଁ ବହୁତ ଅସୁବିଧା ହେଉଥିବା କହିଛନ୍ତି । ଏହି ପରିବାର ଅତ୍ୟନ୍ତ ଗରିବ ଶ୍ରେଣୀ ଅଟନ୍ତି । ଏମାନଙ୍କୁ ମାସିକ ବିଧବା ଭତ୍ତା ୫୦୦ ଟଙ୍କା ହିଁ ମିଳୁଥିବା ବେଳେ ୧୦ କିଲୋ ଚାଉଳ ପାଉଥିବା କାନ୍ଦିରି କହିଛନ୍ତି ।
ଏତିକି ଟଙ୍କା ରେ ୨ ପ୍ରାଣୀ ଅଚଳିବା ଅସୁବିଧା ହେଉଥିବା ଯୋଗୁଁ ସବୁବେଳେ ଲେବର କାମ କରନ୍ତି । ସେଥିରୁ ପାଉଥିବା ଟଙ୍କାରେ ଚଲୁଥିବା କହିଛନ୍ତି । ଏହି ଗରିବ ପରିବାରକୁ ଆଜି ପର୍ଯ୍ୟନ୍ତ ସରକାରଙ୍କ ଆବାସ ଯୋଜନାରେ ସାମିଲ କରାଯାଇ ନାହିଁ ବୋଲି ବିଧବା କାନ୍ଦିରି କହିଛନ୍ତି । ଗତ ୨୦୧୭ ବନ୍ୟାରେ ଏହି ଘର ଭାଙ୍ଗି ଯାଇଥିଲା । ଏହାକୁ ନେଇ ପଞ୍ଚାୟତ ଠାରୁ ବ୍ଲକ ପର୍ଯ୍ୟନ୍ତ ସମସ୍ତଙ୍କୁ ଗୁହାରି କରିଥିଲେ ମଧ୍ୟ ପ୍ରଶାସନିକ ଅଧିକାରୀ ମାନେ ପରିଦର୍ଶନରେ ଯାଇ ନିରବ ରହୁଥିବା କହିଛନ୍ତି । ଏହି ଗରିବ ଶ୍ରେଣୀ ର ପରିବାର କୁ ଆବାସ ଯୋଜନାରେ ସାମିଲ କରି ତୁରନ୍ତ ଘର ଯୋଗାଇ ଦେବାକୁ ଗ୍ରାମବାସୀ ଦାବି କରିଛନ୍ତି ।
ସରକାରଙ୍କ ମାଳ ମାଲ ଯୋଜନା ଥାଇ ମଧ୍ୟ ଗରିବ ପରିବାର ଙ୍କୁ ମିଳୁଥିବା ଦେଖିବା କୁ ମିଳୁଛି । ଏ ସମ୍ପର୍କରେ ବିଡ଼ିଓ ସୁଧାକର ରଇତ ଙ୍କୁ ପଚାରିବାରୁ ସେ କହିଲେ ଯେ ଯେତେବେଳେ ତାଙ୍କ ଘର ଭାଙ୍ଗିଲା ସେତେବେଳେ ସହାୟତା ମିଳିବା ର ଥିଲା । ବର୍ତ୍ତମାନ ସରକାର ଏମିତି ଆଇନ କରିଛନ୍ତି ଯେ ଆମେ ଚାହିଁଲେ ମଧ୍ୟ ସାହାର୍ଯ୍ୟ କରି ହେବନାହିଁ ।
କାରଣ ମୁଁ ଏହି ସମ୍ପର୍କରେ ଜାଣି ନାହିଁ ୨୦୧୭ ବନ୍ୟା ପିରିୟଡ଼ ରେ ଯେଉଁ ବିଡ଼ିଓ ଥିଲେ ସେ ସମାଧାନ କରିବା ର ଥିଲା । ଯଦି ତାଙ୍କର ନାମ ତାଲିକା ରେ ଥିବ ତେବେ ସରକାର ଆମକୁ କାର୍ଯ୍ୟଦେଶ ଦେବାକୁ କହିଲେ ତାଲିକା ହିସାବରେ ଆମେ ଆବାସ ଯୋଜନା ର କାର୍ଯ୍ୟଦେଶ ପ୍ରତ୍ର ପ୍ରଧାନ କରିବୁ ବୋଲି କହିଛନ୍ତି ।