ରିପୋର୍ଟ : ସନ୍ତୋଷ କୁମାର ନାୟକ
ବଲାଙ୍ଗୀର, ତା(୦୨/୦୮) : ରବିବାର ଦିନ ଦେଓଗାଁ ବ୍ଲକ ଉପରଝର ସ୍ଥିତ କଲେଜ ଛକରେ ଏକ କାର ଓ ବାଇକ ଦୁର୍ଘଟଣା ହୋଇଛି । ଫଳରେ ବାଇକ ଚାଳକ ଗୁରୁତର ଆହତ ହୋଇଥିବା ବେଳେ କାରରେ ଥିବା ଯାତ୍ରୀ ଅଳ୍ପକେ ବର୍ତ୍ତି ଯାଇଥିଲେ ।
ପ୍ରକାଶ ଯେ, ଗତକାଲି ପ୍ରାୟ ୩ଟା ସମୟରେ ଦେଓଗାଁ ବ୍ଲକ ଉପରଝର ପଟରୁ ତୁଷୁରା ପଟକୁ ଏକ ବାଇକ (ଓଡ଼ି୦୩କେ୯୫୩୧)ରେ ନିଜ ଗାଁ ସର୍ଗିପାଲିକୁ ରୋହିତ ମହାକୁର ଯାଉଥିବା ବେଳେ ଏକ କାର ଏସ୍ କ୍ରସ (ଓଡ଼ି୦୨ଏଡବ୍ଲ୍ୟୁ ୯୬୩୬)ରେ ୨ ଜଣ ବ୍ୟକ୍ତି ତୁଷୁରା ପଟରୁ ବଲାଙ୍ଗିର ଆଡ଼କୁ ଯାଉଥିଲେ ।
ଏହି ସମୟରେ ଉପରଝର ସ୍ଥିତ କଲେଜ ଛକରେ ଦୁର୍ଘଟଣା ଘଟିଥିଲା । ଫଳରେ ବାଇକ ଆରୋହୀ ଆହତ ହୋଇଥିବା ଜାଣି ସ୍ଥାନୀୟ ଲୋକେ ବଲାଙ୍ଗିର ସ୍ଥିତ ଭୀମ ଭୋଇ ମେଡିକାଲ କଲେଜ ହସପିଟାଲ ରେ ଭର୍ତ୍ତି କରିଛନ୍ତି ।
ଅନ୍ୟପକ୍ଷରେ କାରରେ ଥିବା ଯାତ୍ରୀ ଅଳ୍ପକେ ବର୍ତ୍ତି ଯାଇଥିବା ସୂଚନା ମିଳିଛି । ଏ ନେଇ ପୋଲିସ ଅଧିକ ତଦନ୍ତ ଆରମ୍ଭ କରିଥିବା ସୂଚନା ଦେଇଛନ୍ତି ।