ରିପୋର୍ଟ : ସୁଶାନ୍ତ ବେହେରା //
ହରଭଙ୍ଗା, (୨୩/୦୪) : ସତ୍ୟସାଇ ସେଵା ସଙ୍ଗଠନ ଦ୍ୱାରା ଥଣ୍ଡା ପାନୀୟ ଜଳ ପ୍ରକଳ୍ପ ଲୋକାର୍ପିତ । ଚାରିଛକ ଭଳି ଏକ ଗୁରୁତ୍ୱପୂର୍ଣ ସ୍ଥାନ ରେ ସର୍ବ ସଧାରଣ ତଥା ପଥଚାରୀ ଙ୍କ ପାଈଁ ପିଇବା ପାଣି ର ବ୍ୟବସ୍ଥା ନଥିଵା ରୁ ଏହି ପ୍ରଚଣ୍ଡ ଖରା ରେ ଲୋକ ହନ୍ତସନ୍ତ ହେଉଥିଲେ ।
ଏହି ଅସୁବିଧା କୁ ଦୃଷ୍ଟି ରେ ରଖି ସ୍ଥାନୀୟ ବଜାର କମିଟି ର ସହଯୋଗ କ୍ରମେ ବୋୖଦ୍ଧ ସ୍ଥିତ ସତ୍ୟସାଇ ସେଵା ସଙ୍ଗଠନ ଦ୍ୱାରା “ଶ୍ରୀ ସତ୍ୟସାଇ ନିର୍ମଳ ଝର” ନାମକ ଏକ ଥଣ୍ଡା ପାନୀୟ ଜଳ ପ୍ରକଳ୍ପ ଶୁଭାରମ୍ଭ ହୋଇ ଯାଇଛି । ପବିତ୍ର ବେଦ ଧ୍ୱନୀ ଉଚ୍ଚାରଣ ପୂର୍ବକ ଏକ ଦିବ୍ୟ ଵାତାବରଣ ମଧ୍ୟରେ ସ୍ଥାନୀୟ ସରପଞ୍ଚ ଶ୍ରୀମନ୍ତ ମେହେର ଫିତା କାଟି ଉଦ୍ଘାଟନ କରିଥିଲେ ଓ ସଙ୍ଗଠନ ର ଜିଲ୍ଲା ସଭାପତି ଡା ପ୍ରିୟଵ୍ରତ ବେହେରା ଏହି ପ୍ରକଳ୍ପ ର ଦାୟିତ୍ଵ ସ୍ଥାନୀୟ ବଜାର କମିଟି କୁ ହସ୍ତାନ୍ତର ପୂର୍ବକ ସର୍ବ ସଧାରଣ ବ୍ୟବହାର ନିମିତ୍ତ ଲୋକାର୍ପିତ କରିଥିଲେ ।
ଆୟୋଜିତ କାର୍ଯ୍ୟକ୍ରମ ରେ ବଜାର କମିଟି ସଭାପତି ଦିଲ୍ଲୀପ କୁମାର ସାହୁ,ସମ୍ପାଦକ ଅଜିତ କୁମାର ନାୟକ, କେଦାରେଶ୍ବର ମଂଦିର କମିଟି ସଭାପତି ଶ୍ରୀ ରମେଶ ଚନ୍ଦ୍ର ଜେନା ଙ୍କ ସମେତ ସତ୍ୟସାଇ ସଙ୍ଗଠନ ର ବହୁ କର୍ମକର୍ତ୍ତା ଓ ସ୍ଥାନୀୟ ଲୋକ ଉପସ୍ଥିତ ରହି ସହଯୋଗ କରିଥିଲେ । ପ୍ରଚଣ୍ଡ ଗ୍ରୀଷ୍ମ କାଳ ରେ ଥଣ୍ଡା ପାନୀୟ ଜଳ ର ବ୍ୟବସ୍ଥା କରିଥିବାରୁ ସତ୍ୟସାଇ ସଙ୍ଗଠନ ର ଏହି ମହତ ପ୍ରୟାସ କୁ ସ୍ଥାନୀୟ ଲୋକେ ସ୍ୱାଗତ କରିଛନ୍ତି ।