ରିପୋର୍ଟ : ଅକ୍ଷୟ କୁମାର ପିଡ଼ିସିକା
କଲ୍ୟାଣସିଂହପୁର, (୧/୫) : ରାୟଗଡା ଜିଲ୍ଲା କଲ୍ୟାଣସିଂହପୁର ବ୍ଳକ ରେ ଆଜି ଅଦିନିଆ କାଳବୈଶାଖିରେ ଭିନ୍ନ ସ୍ଥାନରେ ବହୁ ଜୋରରେ ପବନ ବର୍ଷା ହେବା ଯୋଗୁଁ ଗଛ ପତ୍ର ଭଙ୍ଗାରୁଜା ହୋଇଥିବା ଜଣାପଡିଛି ।
୨୦୨୨ ବର୍ଷ ଆରମ୍ଭ ରୁ କୌଣସି ବର୍ଷା ହୋଇ ନ ଥିଲା । ୨୦୨୨ ବର୍ଷ ପାଇଁ ଆଜି ନୂଆଁ ବର୍ଷା ଓ ପବନ ହୋଇଥିବା ଦେଖିବାକୁ ମିଳିଛି । ଆଜି କାଳବୈଶାଖିରେ ବହୁତ ଜୋରରେ ବର୍ଷା ପବନ ହେବାରୁ ଆମ୍ବ ଗଛ, ପଣସ ଗଛ, ସଲପ ଗଛ ବିଭିନ୍ନ ସ୍ଥାନରେ ଭାଙ୍ଗି ଯାଇଥିବା ଶୁଣିବାକୁ ମିଳିଛି ।
ଏହି ସମ୍ପର୍କରେ କଲ୍ୟାଣସିଂହପୁର ତହସିଲଦାର ସୁଧାକର ରଇତ ଙ୍କୁ ପଚାରିବାରୁ ସେ କହିଛନ୍ତି ଯେ ୨୦୨୨ ବର୍ଷ ପାଇଁ ଆଜି ପ୍ରଥମ ବର୍ଷା ହୋଇଛି । ମୁଁ ପାରଳାଖେମୁଣ୍ଡି ଚାଲିଯାଇଛି । ରେଭୁନ୍ୟୁ ଇନିସ୍ପେକ୍ଟର ବା ଆର ଆଇ ମାନଙ୍କୁ ପଚାରୁଛି । କାହାର କ୍ଷତି ହେବା ଖବର ମୋ ପାଖକୁ ଆସି ନାହିଁ । ଆର ଆଇ ମାନେ ମୋ ନଜରକୁ ବର୍ତ୍ତମାନ ସୁଦ୍ଧା କୌଣସି ଖବର ଦେଇ ନାହାଁନ୍ତି ବୋଲି ସୂଚନା ଦେଇଛନ୍ତି ।