ରିପୋର୍ଟ : ଗୋପୀନାଥ ଗୌଡ଼ //
ରାୟଗଡ, ତା.(୧୬/୦୫) : ରାୟଗଡ ସହର ର ବ୍ରାହ୍ମଣ ସାହି ଅନ୍ତର୍ଗତ ହରିଶ୍ଚନ୍ଦ୍ର ଘାଟି ପାର୍ଶ୍ଵରେ ଏକ ସ୍ଥାନକୁ ମିନି ପାର୍କ ରେ ପରିଣତ କରିବା ନିମନ୍ତେ ରାୟଗଡ ପୌର ପରିଷଦ ହାତକୁ ନେଇଛି l
ମିନି ପାର୍କ କୁ କାର୍ଯ୍ୟକାରୀ କରିବା ନିମନ୍ତେ ସ୍ଥାନୀୟ କୃପାମୟୀ ସ୍ୱୟଂ ସହାୟକ ଗୋଷ୍ଠୀକୁ କାର୍ଯ୍ୟଦେଶ ଦିଆଯାଇଛି l ଉପଯୁକ୍ତ ଶୁଭବେଳା ଦେଖି ଆଜି ଭୂମି ପୂଜନ କାର୍ଯ୍ୟକ୍ରମ ଅନୁଷ୍ଠିତ ହୋଇଥିଲା l ଏହି କାର୍ଯ୍ୟକ୍ରମରେ ନଗରପାଳ ଶ୍ରୀ ମହେଶ ପଟନାୟକ ଉପନଗରପାଳ ଶ୍ରୀମତି ଶୁଭ୍ରା ପଣ୍ଡା ଓ କୃପାମୟୀ ସ୍ଵୟଂ ସହାୟକ ଗୋଷ୍ଠୀ ର ସଦସ୍ୟମାନେ ଯୋଗ ଦେଇଥିଲେ l 
ଏହି ପାର୍କ କାର୍ଯ୍ୟକାରୀ ହେଲେ ଶିଶୁ ଏବଂ ମାଆଙ୍କର ଚିତ୍ତ ଵିନୋଦନ ପାଇଁ ବିଶେଷ ଫଳପ୍ରଦ ହେବ ବୋଲି ନରଗପାଳ କହିଛନ୍ତି l ଏହାର ନିର୍ମାଣ ନିମନ୍ତେ ପୌର ପରିଷଦ ତରଫରୁ କୃପାମୟୀ ସ୍ୱୟଂ ସହାୟକ ଗୋଷ୍ଠୀକୁ ୬ ଲକ୍ଷ୨୬ ହଜାର ଟଙ୍କା ପ୍ରଦାନ କରାଯାଇଛି l