ରିପୋର୍ଟ : ଗୋପୀନାଥ ଗୌଡ଼ //
ରାୟଗଡା, (୧୭/୦୫) : ଆଜି ତା-୧୭/୦୫/୨୦୨୨ ରିଖ ମଙ୍ଗଳବାର ଜୁପିଟର ଆନ୍ତର୍ଜାତୀୟ ବିଦ୍ୟାଳୟ ପରିସରରେ କିସ ବିଶ୍ୱବିଦ୍ୟାଳୟ ଆନୁକୂଲ୍ୟରେ ଆର୍ଟ ଅଫ ଗିଭିଂ ର ନବମ ଆନ୍ତର୍ଜାତୀୟ ଦିବସ ମହା ସମାରୋହରେ ପାଳିତ ହୋଇଯାଇଛି ।
ବିଦ୍ୟାଳୟ ପରିସରରେ ଆୟୋଜିତ ଏହି କାର୍ଯ୍ୟକ୍ରମକୁ ରାୟଗଡା ଜିଲ୍ଲା ର ବରିଷ୍ଠ ସାମ୍ବାଦିକ ଶ୍ରୀଯୁକ୍ତ ଅମୁଲ୍ୟ ରତ୍ନ ସାହୁ ପରିଚାଳନା କରୁଥିବା ବେଳେ କିସ ଅନୁଷ୍ଠାନ ର ଜିଲ୍ଲା ସଂଯୋଜକ ଧନ୍ୟବାଦ ଅର୍ପଣ କରିଥିଲେ । ଏହି ଉତ୍ସବରେ ରାୟଗଡା ବିଧାୟକ ଶ୍ରୀଯୁକ୍ତ ମକରନ୍ଦ ମୁଦୁଲି ମୁଖ୍ୟ ଅତିଥି ଭାବେ ଯୋଗଦେଇ ନିଜର ମନ୍ତବ୍ୟରେ ଛାତ୍ରଛାତ୍ରୀ ମାନଙ୍କ ପାଖରେ କିପରି ଦାନ କରିବାର ମହାନ ଗୁଣ ବିକଶିତ ହେବ ତାହା ଉପରେ ଗୁରୁତ୍ତ୍ୱ ଆରୋପ କରିଥିଲେ । ଏହି ଅବସରରେ ବିଦ୍ୟାଳୟ ର ପରିଚାଳନା ନିର୍ଦ୍ଦେଶକ ଶ୍ରୀଯୁକ୍ତ ଗୋବିନ୍ଦ ପ୍ରସାଦ ରଥ ଛାତ୍ରଛାତ୍ରୀ ମାନଙ୍କୁ ଦାନ ଦେବା ପରି ମହତ ଗୁଣ କୁ ନିଜ ଜୀବନରେ ପ୍ରତିଫଳିତ କରାଇବା ପାଇଁ ପ୍ରତିଜ୍ଞା କରାଇଥିଲେ । ବିଦ୍ୟାଳୟ ର ଉପଦେଷ୍ଟା ଶ୍ରୀଯୁକ୍ତ ସୂର୍ଯ୍ୟ ନାରାୟଣ ତ୍ରିପାଠୀ ନିଜର ବକ୍ତବ୍ୟରେ ଦାନ ପରି ମହାନ ଗୁଣ କିପରି ଆମକୁ ମହାନ କରିବାରେ ସହାୟକ ହୋଇଥାଏ ତାହା ଛାତ୍ରଛାତ୍ରୀ ମାନଙ୍କ ଆଗରେ ଉପସ୍ଥାପନା କରିଥିଲେ । ବିଦ୍ୟାଳୟ ର ଅଧ୍ୟକ୍ଷ ଶ୍ରୀଯୁକ୍ତ ପ୍ରଶାନ୍ତ କୁମାର ପଣ୍ଡା, ଆର୍ଟ ଅଫ ଗିଭିଂ ର ପ୍ରତିଷ୍ଠାତା ଶ୍ରୀଯୁକ୍ତ ଅଚ୍ୟୁତ ସାମନ୍ତ ଙ୍କ ପ୍ରୟାସ କୁ ଭୁରିୟସୀ ପ୍ରସଂଶା କରିବା ସହ ପ୍ରତ୍ୟେକ ଓଡିଶା ବାସୀଙ୍କ ହୃଦୟରେ ଏହିପରି ଦାନ କରିବାର ମହାନ ଭାବନା ଉଦ୍ରେକ ହେବା ଉଚିତ ବୋଲି ମନ୍ତବ୍ୟ ଦେଇଥିଲେ ।
ରାୟଗଡ ଜିଲ୍ଲା ଗୋଷ୍ଠୀ ଉନ୍ନୟନ ଉପାଧ୍ୟକ୍ଷ ଶ୍ରୀଯୁକ୍ତ ହର ପ୍ରସାଦ ଆମାଜିଲ୍ଲା ପରି ଉପାନ୍ତ ଜିଲ୍ଲା ପ୍ରତି କିସ ର ଅବଦାନ କୁ ତଥା ଶ୍ରୀଯୁକ୍ତ ସାମନ୍ତଙ୍କ ପ୍ରୟାସକୁ ଭୁରିୟସୀ ପ୍ରସଂଶା କରିଥିଲେ ।