ରିପୋର୍ଟ : ନରତ୍ତମ ପାଢୀ
ରାୟଗଡା, (୨୭/୫) : ଖୁସି ଆନନ୍ଦ ମନରେ ଯାତ୍ରା ଦେଖିବାକୁ ଆସିଥିଲେ ତିନି ଭଉଣୀ କିନ୍ତୁ ଵିଧାତା ଏମାନଙ୍କ ଆନନ୍ଦକୁ ଛଡାଇ ନେଇ ଦୁଃଖ ସାଗରରେ ଭସାଇ ଦେଲା । ଏପରି ଏକ ଦୁଃଖଦ ଅଭାବନୀୟ ପରିସ୍ଥିତି ଘଟି ଯାଇଛି ରାୟଗଡା ଜିଲ୍ଲା ଉପାନ୍ତ ଚନ୍ଦ୍ରପୁର ବ୍ଲକ ଚିଚିପଙ୍ଗା ଗ୍ରାମ ନିକଟ ମୁଖ୍ୟ ରାସ୍ତାରେ ଜଣେ ନାବାଳିକା ଆଦିବାସୀ ମହିଳାଙ୍କ ମର ଶରୀର ପଡିଥିବା ଦେଖିବାକୁ ମିଳିଥିଲା ।
ଚନ୍ଦ୍ରପୁରୁ ଵ୍ଲକ ସାର୍କିମା ପଞ୍ଚାୟତ ର ଲିଟିଗୁଡା ଗ୍ରାମ ର ମିଟିକା କ୍ରାଇସିକା ଙ୍କ ତିନି ଝିଅ ଗତକାଲି ଚନ୍ଦ୍ରପୁର ସଦର ମହକୁମାରେ ଅନୁଷ୍ଠିତ ହେଉଥିବା ଯାତ୍ରା ଦେଖିବାକୁ ଯାଇଥିଲେ । ରାତିରେ ଯାତ୍ରା ଦେଖୁଥିଵା ଵେଳେ ତିନି ଭଉଣୀଙ୍କ ମଧ୍ୟରୁ ପାର୍ଦି କ୍ରାଇସ୍କା ନାମକ ଶୋଳ ବର୍ଷ ର ଭଉଣୀ ହଠାତ୍ ଦିଶିଲା ନାହିଁ, ଅନ୍ୟ ଭଉଣୀ ଦୁଇଜଣ ଖୋଜି ଥିଲେ ମଧ୍ୟ ରାତିରେ ଭଉଣୀ ପାର୍ଦି ର ପତ୍ତା ମିଳି ନଥିଲା ।
ଶେଷରେ ଗାଁ କୁ ଯିବା ସମୟରେ ତାଙ୍କର ପୂର୍ତିଗୁଡା ର ସମ୍ପର୍କୀୟଙ୍କ ଜ୍ୱାଇଁ ତୁମ୍ବା ଗୁମିଡାଙ୍ଗା କୁ ପଚାରିବାରୁ ସେ କହିଥିଲେ ପାର୍ଦି ଅନ୍ୟ ସାଙ୍ଗମାନଙ୍କ ସହ ଆସିବ । ଏହା ଶୁଣି ଦୁଇ ଭଉଣୀ ଵିଶ୍ଵାସ କରି ଚାଲିଗଲେ । ସକାଳୁ ଲୋକମାନେ ଯିବାବେଳେ ଦେଖିଥିଲେ ପାର୍ଦି ର ମୃତ ଶରୀର ଚିଚିପଙ୍ଗା ନିକଟ ଚନ୍ଦ୍ରପୁରୁ ଯିବା ପିଚୁରାସ୍ତା କଡରେ ପଡିଛି । ଏହା ଦେଖି ଚନ୍ଦ୍ରପୁରୁ ଥାନାରେ ଜଣା ଯାଇଥିଲେ ମଧ୍ୟ ଵହୁ ବିଳମ୍ଵରେ ପୋଲିସ ନ ଆସିବାରୁ ଉତ୍ୟକ୍ତ ଲୋକ କିଛି ସମୟ ପାଇଁ ଥାନାରେ ହୋହାଲ୍ଲା କରିଥିଲେ ।
ପୋଲିସ୍ ଘଟଣା ସ୍ଥଳରେ ପହଞ୍ଚି ଶଵ ଜଵତ କରିବା ସହ ସାଇଣ୍ଟିଫିକ୍ ଟିମ୍ ର ସନ୍ଧାନୀ କୁକୁର ଦ୍ୱାରା ତଦନ୍ତ କରାଯାଉଛି । ଶବକୁ ବ୍ୟବଚ୍ଛେଦ ପାଇଁ ମୁନିଗୁଡା ଗୋଷ୍ଠୀ ସ୍ଵାସ୍ଥ୍ୟ କେନ୍ଦ୍ର କୁ ନିଆଯାଇଛି । ଅପରପକ୍ଷରେ ଖବର ପାଇ ମୁନିଗୁଡା ଏସଡିପିଓ ଶ୍ରୀ ଆକାଶ ଚନ୍ଦ୍ର ସାହୁ ଚନ୍ଦ୍ରପୁରୁରେ ପହଞ୍ଚି ତଦନ୍ତ ତନାଘନ କରୁଥିବା ବେଳେ ସମ୍ପର୍କୀୟ ଜ୍ୱାଇଁ ତୁମ୍ବାକୁ ଅଟକ ରଖିଛନ୍ତି ।