“ସ୍ୱାମୀତ୍ୱ ପ୍ରକଳ୍ପ ର ଡ୍ରୋନ୍ ମାଧ୍ୟମରେ ସର୍ଭେ କାର୍ଯ୍ୟ ନିରୀକ୍ଷଣ କଲେ”
ରିପୋର୍ଟ : ଗୋପୀନାଥ ଗୌଡ଼ //
ରାୟଗଡ଼ା, ତା. (୨୩/୦୬) : ଅତିରିକ୍ତ ମୁଖ୍ୟ ଶାସନ ସଚିବ ଶ୍ରୀ ସତ୍ୟବ୍ରତ ସାହୁ ରାୟଗଡ ଜିଲ୍ଲାକୁ ଗସ୍ତ କରି ଗତ ତା ୨୨/୦୬/୨୨ ରିଖ ଦିନ ”ସ୍ୱାମୀତ୍ୱ” ପ୍ରୋଜେକ୍ଟ ର ସମୀକ୍ଷା କରିଥିଲେ ।
ଅତିରିକ୍ତ ମୁଖ୍ୟ ଶାସନ ସଚିବ ସତ୍ୟବ୍ରତ ସାହୁ ସର୍ବ ପ୍ରଥମେ ରାୟଗଡ ତହସିଲ ଅନ୍ତର୍ଗତ ହାଲୁଆ ଗ୍ରାମପଞ୍ଚାୟତରେ କୋଡାପାଡି ଗ୍ରାମକୁ ଯାଇ ଡ୍ରୋନ୍ ର ଉଡାଣ ଓ ତାହା ମାଧ୍ୟମରେ ସର୍ଭେ କାର୍ଯ୍ୟ ନିରୀକ୍ଷଣ କରିଥିଲେ । ରାୟଗଡ଼ା ଜିଲ୍ଲାପାଳ ସ୍ୱଧା ଦେଵ ସିଂହ ଓ ଅତିରିକ୍ତ ଜିଲ୍ଲାପାଳ ସୋମନାଥ ପ୍ରଧାନ ଉପସ୍ଥିତ ଥିଲେ । ସ୍ୱାମୀତ୍ୱ (SVAMITVA) ର ଅର୍ଥ ହେଉଛି Survey of Villages and Mapping with Improvised Technology in Village Area । ଏହି Survey ଅତ୍ୟାଧୂନିକ ଶୈଳୀରେ ଡ୍ରୋନ୍ ମାଧ୍ୟମରେ କରାଯାଉଅଛି । ରାଜ୍ୟରେ ରାୟଗଡ ଜିଲ୍ଲାରେ ଏହାକୁ ପାଇଲଟ ପ୍ରଜେକ୍ଟ ହିସାବରେ ନିଆଯାଇଅଛି ।
ଏଥି ପାଇଁ ସମସ୍ତ ତହସିଲ Odisha Special Survey and Settlement Act- 2012 ଅନୁସାରେ ବିଜ୍ଞପ୍ତି ପ୍ରକାଶ ପାଇଛି । ରାୟଗଡ ଭଳି ଏକ ଜଙ୍ଗଲ ଓ ପାର୍ବତ୍ୟାଞ୍ଚଳ ପାଇଁ ଏହି ସର୍ଭେ ବହୁତ ଉପଯୋଗୀ ଓ ନିର୍ଭୁଲ । ଜିଲ୍ଲା ପ୍ରଶାସନକୁ ତୁରନ୍ତ ସର୍ଭେ କରି ଯୋଗ୍ୟ ହିତାଧିକାରୀ ମାନଙ୍କୁ ଗ୍ରାମକଣ୍ଟ ପରମ୍ୱୋକ, ସରକାରୀ ଜମି ଓ ଜଙ୍ଗଲ ଜମି ପଟ୍ଟା ପ୍ରଦାନ କରିବାକୁ ନିର୍ଦ୍ଦେଶ କରିଛନ୍ତି । ଗ୍ରାମାଞ୍ଚଳ ର ସମସ୍ତ ଆବାଦୀ (Residential) ଅଞ୍ଚଳକୁ ଏଥିପାଇଁ ନିଆଯାଇଅଛି ।
ଏ ପର୍ଯ୍ୟନ୍ତ ୫ଟି ତହସିଲ ଯଥା- ଗୁଡାରି, ପଦ୍ମପୁର, ଗୁଣୁପୁର, ମୁନିଗୁଡା ଓ ରାୟଗଡରେ ୭୭୮ ଗ୍ରାମରେ ଡ୍ରୋନ୍ ଉଡାଣ କାର୍ଯ୍ୟ ସରି ରେକର୍ଡ ପ୍ରସ୍ତୁତ କାମ ଚାଲିଅଛି । ପ୍ରାଥମିକ ପର୍ଯ୍ୟାୟରେ ଗୁଡାରି ତହସିଲରେ ୧୩ଟି ଗ୍ରାମ ର ୩୧୬ ଜଣ ହିତାଧିକାରୀଙ୍କୁ ପଟ୍ଟା ବଣ୍ଟନ ସରିଅଛି । ଏହି ଗସ୍ତ ସମୟରେ ଅନ୍ୟମାନଙ୍କ ମଧ୍ୟରେ ଉପଜିଲ୍ଲାପାଳ ରାୟଗଡ ଭୀମସେନ ଶବର, ତହସିଲଦାର ରାୟଗଡ ତାପସ କୁମାର ସ୍ୱାଇଁ, ଗୁଡାରି ତହସିଲଦାର ଭାରତୀ ଦେବୀ ଓ ଅନ୍ୟାନ୍ୟ କର୍ମଚାରୀ ଉପସ୍ଥିତ ଥିଲେ l