ରିପୋର୍ଟ : ସନ୍ତୋଷ କୁମାର ନାୟକ
ବଲାଙ୍ଗୀର, (୧୭/୦୮) : ଦେଶ ପାଳନ କରୁଛି ସ୍ୱାଧୀନତା ର ଆଜାଦୀ କି ଅମୃତ ମହୋତ୍ସବ । ସେହି ଅବସରରେ ପୁଇଁତଲା ବ୍ଲକ ଅନ୍ତର୍ଗତ ବନ୍ଧପଡ଼ା ପଞ୍ଚାୟତ ଉଚ୍ଚ ବିଦ୍ୟାଳୟରେ ମହାସମାରୋହରେ ସ୍ୱାଧୀନତା ଦିବସ ପାଳନ ହୋଇଯାଇଛି ।
ପ୍ରଥମ ପର୍ଯ୍ୟାୟରେ ବନ୍ଧପଡ଼ା ପଞ୍ଚାୟତ ଉଚ୍ଚ ବିଦ୍ୟାଳୟ ପରିଚାଳନା ପରିଷଦ ର ସଭାପତି ଶ୍ୟାମସୁନ୍ଦର ବଗର୍ତ୍ତୀଙ୍କ ଦ୍ୱାରା ପତାକା ଉତ୍ତୋଳନ କରାଯଇଥିଲା ଓ ଦ୍ଵିତୀୟ ପର୍ଯାୟରେ ଏକ ସଭା ଅନୁଷ୍ଠିତ ହେଇଥିଲା । ଶ୍ୟାମସୁନ୍ଦର ବଗର୍ତ୍ତୀଙ୍କ ସଭାପତିତ୍ୱରେ ଭାରପ୍ରାପ୍ତ ପ୍ରଧାନ ଶିକ୍ଷକ ଆନନ୍ଦ ବଡ଼ପଣ୍ଡାଙ୍କ ଅତିଥି ପରିଚୟ ଓ ସ୍ୱାଗତ ଭାଷଣ ଦେଇ ସ୍ୱାଧୀନତା ଦିବସ ର ମହତ୍ୱ ବିଷୟରେ ଆଲୋକପାତ କରିଥିଲେ ।
ଏହି ଅବସରରେ ବିଦ୍ୟାଳୟ ର ପୂର୍ବତନ ଛାତ୍ର ବୈଦ୍ୟଶିରୋମଣୀ ଶ୍ରୀ ଝସକେତନ ଗୁରୁ ମୁଖ୍ୟ ଅତିଥି ଭାବେ ଯୋଗଦେଇ ତାଙ୍କ ଗୁରୁମାନଙ୍କୁ ଯଥା ବିଦ୍ୟାଳୟ ର ଅବସରପ୍ରାପ୍ତ ପ୍ରଧାନ ଶିକ୍ଷକ ଦୀନବନ୍ଧୁ ସାହୁ, ପୂର୍ବତନ ଗଣିତ ଶିକ୍ଷକ ବିପ୍ରଚାରଣ ସାହୁ, ପୂବର୍ତନ ବରିଷ୍ଠ ଶିକ୍ଷକ ଅନ୍ତର୍ଯ୍ୟାମୀ ମିଶ୍ର ତଥା ବର୍ତ୍ତମାନ ର ଭାରପ୍ରାପ୍ତ ପ୍ରଧାନ ଶିକ୍ଷକ ଆନନ୍ଦ ବଡ଼ପଣ୍ଡା, ସଂସ୍କୃତ ଶିକ୍ଷକ ସଙ୍କୀର୍ତ୍ତନ ତ୍ରିପାଠୀ, ଖେଳ ଶିକ୍ଷକ ପ୍ରବୀଣ ନାରାୟଣ ପଣ୍ଡାଙ୍କୁ ଫୁଲମାଳ ତଥା ଉପଢୌକନ ଦେଇ ପୂଜା କରିଥିଲେ ଓ ଗୁରୁ ଶିଷ୍ୟ ପରମ୍ପରା ବିଷୟରେ ଛାତ୍ରଛାତ୍ରୀମାନଙ୍କୁ ଉଦାହରଣ ମାଧ୍ୟମରେ ବୁଝାଇଥିଲେ ।
ବିଦ୍ୟାଳୟ ର ଛାତ୍ରଛାତ୍ରୀମାନଙ୍କ ମଧ୍ୟରେ ଦେଶାତ୍ମବୋଧକ ପ୍ରବନ୍ଧ, ସାଧାରଣ ଜ୍ଞାନ ଓ ଗୀତ ପ୍ରତିଯୋଗିତା ହୋଇଥିଲା, କୃତୀ ପ୍ରତିଯୋଗୀମାନଙ୍କୁ ଅତିଥି ମାନଙ୍କ ଦ୍ୱାରା ପୁରସ୍କାର ସହ ମାନପତ୍ର ପ୍ରଦାନ କରାଯାଇଥିଲା । ପ୍ରବନ୍ଧ ପ୍ରତିଯୋଗିତାରେ ଚୁମକି ବସ୍ତିଆ, ପ୍ରିୟଙ୍କା ମେର୍ଲି, ନିପାଞ୍ଜଳି ମେର୍ଲି, ସାଧାରଣ ଜ୍ଞାନରେ ସତ୍ୟବ୍ରତ ପଧାନ, ଚୁମକି ବସ୍ତିଆ, ପ୍ରେମରାଜ ବସ୍ତିଆ ଓ ଗୀତରେ ରୋଷନାରାଣୀ ଗୁରୁ, ବେବି ଦୀପ, ସୁପ୍ରଭା ବଣ୍ଡକିଙ୍କୁ ଯଥାକ୍ରମେ ପ୍ରଥମ, ଦ୍ଵିତୀୟ ଓ ତୃତୀୟ ଭାବେ ପୁରସ୍କୃତ କରାଯାଇଥିଲା ଓ ସାଇରଜ ମହାପାତ୍ରଙ୍କୁ ଏକ ସ୍ୱତନ୍ତ୍ର ପୁରସ୍କାର ଦିଆଯାଇଥିଲା ।
ସମସ୍ତ କାର୍ଯ୍ୟକ୍ରମକୁ ବରିଷ୍ଠ ଶିକ୍ଷକ ସଙ୍କୀର୍ତ୍ତନ ତ୍ରିପାଠୀ ପରିଚାଳନା କରିଥିଲେ ଓ ଏହି ସମାବେଶରେ ପରିଚାଳନା ସମିତି ର ବୃନ୍ଦାବନ ନାଏକ, ମୋହନ ପଧାନ ଉପସ୍ଥିତ ଥିଲେ । ସମସ୍ତ କାର୍ଯ୍ୟକ୍ରମରେ ବିଦ୍ୟାଳୟ ର ଅଜିତ କୁମାର ଗୁରୁ, ଗାଜିନ୍ଦ୍ର ନାଏକ, ପବିତ୍ର ମୋହନ ପଧାନ, ହରିବୋଲ ପଧାନ ସହଯୋଗ କରିଥିଲେ । ସଭା ଶେଷରେ ଖେଳ ଶିକ୍ଷକ ପ୍ରବୀଣ ନାରାୟଣ ପଣ୍ଡା ଧନ୍ୟବାଦ ଅର୍ପଣ କରିଥିଲେ ।