ରିପୋର୍ଟ : ଧ୍ରୁବରାଜ ମିଶ୍ର
ବିନିକା, (୧୯/୧୨) : ବିନିକା ବ୍ଳକ ସିଂଘିଯୁବା ପଞ୍ଚାୟତ ଅନ୍ତର୍ଗତ ଘାଟି ଜାମପାଲି ଯାତ୍ରା ପଡିଆରେ ଡିସେମ୍ବର ୨୦ ତାରିଖ ଠାରୁ ସ୍ଥାନୀୟ ଜୟ ଜଗନ୍ନାଥ ଯାତ୍ରା କମିଟି ପକ୍ଷରୁ ବିରାଟ ଜାମପାଲି ଜଳନ୍ଧର ରାଜ ଯାତ୍ରା ମହୋତ୍ସବ ଆୟୋଜନ ହେବ ।
ଗତକାଲି ଯାତ୍ରା କମିଟି ପକ୍ଷରୁ ପୂର୍ବରୁ ବିଶ୍ୱ ପ୍ରସିଦ୍ଧ ବରଗଡ଼ ଧନୁଯାତ୍ରା ରେ କଂସ ଭୂମିକାରେ ଅଭିନୟ କରିଥିବା ବିଶିଷ୍ଟ କଳାକାର ଭୁବନ ପଧାନଙ୍କୁ ତାଙ୍କ ବାସଭବନରେ ଜାମପାଲି ଜଳନ୍ଧର ଯାତ୍ରା ପାଇଁ ମହାରାଜା ଜଳନ୍ଧର ଭୂମିକା ପାଇଁ ବରଣ କରିଛନ୍ତି । ଯାତ୍ରା କମିଟି ସଭାପତି ଶୁକଦେବ ଦେହେରୀ ଙ୍କ ନେତୃତ୍ୱରେ ଦୁତୀଆ ଗଡୁଆ, ଦିନବନ୍ଧୁ ପଧାନ, ଟିଟୁ ପଲିତା, ଶ୍ରୀବତ୍ସ ପଧାନ, ସତ୍ୟନାରାୟଣ ପଧାନ, ନିତ୍ୟାନନ୍ଦ ପୋଢ, ରାଜିନ୍ଦ୍ର ଗଡୁଆ, ଲାଲୁ ମେଲ୍ଲୀ, ଗୋପାଳ ବାଗ, ସତ୍ୟବାନ ପଧାନ ଓ ବିରଞ୍ଚି ପଧାନ ପ୍ରମୁଖ ବରଗଡ଼ ଜିଲ୍ଲା ସର୍ଲା ଜାମପାଲି ସ୍ଥିତ ତାଙ୍କ ବାସଭବନରେ ତାଙ୍କୁ ବରଣ କରିଥିଲେ । ଏହି ଯାତ୍ରା ଡିସେମ୍ବର ୨୦ ତାରିଖରୁ ୨୬ ତାରିଖ ପର୍ଯ୍ୟନ୍ତ ସାତଦିନ ଧରି ଆୟୋଜିତ ହେବା ସହ ମିନାବଜାର ଓ ଆଲବମ୍ କଳାକାର ମାନେ ଯୋଗ ଦେବାର କାର୍ଯ୍ୟକ୍ରମ ରହିଥିବା କମିଟି ପକ୍ଷରୁ ସୂଚନା ମିଳିଛି ।