ରିପୋର୍ଟ : ଜିଲ୍ଲାପ୍ରତିନିଧି ଗୋପୀନାଥ ଗୌଡ଼ //
ରାୟଗଡା,(୭/୯) : ଜିଲ୍ଲା ପାଳ ରାୟଗଡ ଶ୍ରୀ ସରୋଜ କୁମାର ମିଶ୍ର ରାୟଗଡ ବ୍ଲକର ଗସ୍ତ କରି ବିଭିନ୍ନ ଉନ୍ନୟନ ମୂଳକ କାର୍ଯ୍ୟକ୍ରମ ଅନୁଧ୍ୟାନ କରିଥିଲେ l ଗୁମ୍ମା ଗ୍ରାମ ପଂଚାୟତର ପ୍ରଥମେ ଗସ୍ତ କରି ଅଙ୍ଗନବାଡି କେନ୍ଦ୍ରରେ ପହଂଚିଥିଲେ ସେଠାରେ ଶିଶୁ ମାନଙ୍କ ନିମନ୍ତେ ଥିବା ଦ୍ରବ୍ୟ ଉପକରଣ ବିଷୟରେ ଉପାଦେୟତା ଉପରେ ଆଲୋଚନା କରିଥିଲେ l
ଅଙ୍ଗନବାଡି କେନ୍ଦ୍ରରେ ଉପସ୍ଥିତ ଥିବା ସ୍ୱୟଂ ସହାୟକ ଗୋଷ୍ଠୀର ସଦସ୍ୟା ମାନଙ୍କ ସହିତ ବିଭିନ୍ନ ବିଷୟରେ ଆଲୋଚନା କରିଥିଲେ l ଵ୍ୟାଙ୍କ ଲୋନ ନେଇ ବେପାର ବାଣିଜ୍ୟ କରିବାକୁ ପରାମର୍ଶ ଦେଇଥିଲେ ବାହାର ଲୋକ ଆସି ସଦସ୍ୟା ମାନଙ୍କୁ ହଇରାଣ କରୁଥିବା ଜାଣି କେବଳ ସରକାରୀ କର୍ମଚାରୀ ମାନଙ୍କୁ ବିଶ୍ୱାସ କରିବାକୁ କହିଥିଲେ l ଅଙ୍ଗନବାଡି କେନ୍ଦ୍ରରେ ଛତୁଆ, ଅଣ୍ଡା ଠିକ ଭାବେ ବଣ୍ଟା ଯାଉଛି କି ନାହିଁ ପଚାରି ବୁଝିଥିଲେ l ଗୁମା ଆଟିଆଇକୁ ସ୍ୱୟଂସହାୟକ ଗୋଷ୍ଠୀକୁ ହସ୍ତାନ୍ତର କରିବାକୁ ଜିଲ୍ଲା ପାଳ ରାୟଗଡ ନିର୍ଦେଶ ଦେଇଥିଲେ l
କୋଭିଡ ଟୀକା ନେଇ ନ ଥିବା ବ୍ୟକ୍ତି ମାନଙ୍କୁ ସଚେତନ କରି ଟୀକାକରଣ କରିବାକୁ ସରପଞ୍ଚ ଓ ଅଙ୍ଗନବାଡି କର୍ମୀଙ୍କୁ ପରାମର୍ଶ ଦେଇଥିଲେ l ଏହାପରେ ଗୁମ୍ମା ଉଚ୍ଚ ବିଦ୍ୟାଳୟ ପରିଦର୍ଶନ କରି ବିଦ୍ୟାଳୟରେ ଥିବା ନବମ ଓ ଦଶମ ଶ୍ରେଣୀ ଛାତ୍ର ଛାତ୍ରୀ ମାନଙ୍କ ସହିତ ସର୍ବନିମ୍ମ ଶିକ୍ଷଣୀୟ ସ୍ଥର ବିଭିନ୍ନ ପ୍ରଶ୍ନ ପଚାରିଥିଲେ l ଶିକ୍ଷକ ଶିକ୍ଷୟତ୍ରୀ ମାନଙ୍କୁ ପାଠପଢା ଉପରେ ଧ୍ୟାନ ଦେବାକୁ ନିର୍ଦେଶ ଦେଇଥିଲେ l ଉଚ୍ଚ ବିଦ୍ୟାଳୟର ପରିସ୍ରାଗାର ଅନୁଧ୍ୟାନ କରିଥିଲେ l ଏହାପରେ ଖମ୍ବେସୁ ଗସ୍ତ କରି ସେଠାରେ ସୌରଚାଳିତ ପମ୍ପ ଯୋଗେ ପିଇବା ପାଣି ଯୋଗାଣ ପ୍ରକଳ୍ପ ନୁଧ୍ୟାନ କରିଥିଲେ l ଖମ୍ବେସୀ ଅଙ୍ଗନବାଡି କେନ୍ଦ୍ର ପରିଦର୍ଶନ କରି ସେଠାରେ ଥିବା ଶିଶୁ ମାନଙ୍କୁ ଚକଲେଟ ବାଣ୍ଟିଥିଲେ l
ଗାଁରେ ଶିକ୍ଷିତ ଯୁବକ ଯୁବତୀ ମାନଙ୍କୁ ଦିନଦୟାଲ ଗ୍ରାମୀଣ କୌଶଳ ବିକାଶ ଯୋଜନାରେ ଦକ୍ଷତା ବିକାଶ ତାଲିମ ଦେବା ପାଇଁ ଓଲେମ ଡିପିଏମଙ୍କୁ ନିର୍ଦେଶ ଦେଇଥିଲେ l ଗ୍ରାମର ଲୋକମାନେ ଅଭିଯୋଗ କରିଥିଲେ ଯେ ବିଦ୍ୟୁତ ସମସ୍ୟା ଯୋଗୁଁ ପିଲା ମାନେ ଠିକ ଭାବରେ ପାଠ ପଢ଼ୁନାହାନ୍ତି ବୋଲି ଗାଧୁଆ ଘର ଓ ଶୌଚାଳୟ ବ୍ୟବହାର କରିବାକୁ ପରାମର୍ଶ ଦେଇଥିଲେ l
ଜିଲ୍ଲାପାଳଙ୍କ ପରିଦର୍ଶନ ସମୟରେ ପିଡି ଡ଼ିଆରଡ଼ିଏ, ଶ୍ରୀ ମହେଶ୍ୱର ଚନ୍ଦ୍ର ନାଏକ,ଗୋଷ୍ଠୀ ଉନ୍ନୟନ ଅଧିକାରୀ ଶ୍ରୀ ଲକ୍ଷ୍ମୀ ନାରଣ ସାବତ, ଅତିରକ୍ତ ବିଡ଼ିଓ ଶ୍ରୀ କାଳୁଚରଣ ନାଏକ , ସିଡିପିଓ, ଏବଂ ଅନ୍ୟନ୍ୟ ଅଧିକାରୀ ମାନେ ଉପସ୍ଥିତ ଥିଲେ l