Tuesday, September 21, 2021
Google search engine
Homeଜିଲ୍ଲା ଖବରଜାତିଭିତ୍ତିକ ଜନଗଣନାକୁ ନେଇ ରାୟଗଡା ଜିଲ୍ଳା ଯାଦବ ମହାସଭା ପକ୍ଷରୁ ସ୍ମାରକପତ୍ର

ଜାତିଭିତ୍ତିକ ଜନଗଣନାକୁ ନେଇ ରାୟଗଡା ଜିଲ୍ଳା ଯାଦବ ମହାସଭା ପକ୍ଷରୁ ସ୍ମାରକପତ୍ର

ରିପୋର୍ଟ : ଜିଲ୍ଲାପ୍ରତିନିଧି ଗୋପୀନାଥ ଗୌଡ଼
ରାୟଗଡା,(୧୩/୯) : ଭାରତ ସରକାରଙ୍କ ଦ୍ୱାରା ଅନୁଷ୍ଠିତ ହେବାକୁ ଥିବା ‘ଜନଗଣନା-୨୦୨୧’ରେ ଅନ୍ୟାନ୍ୟ ପଛୁଆ ବର୍ଗ (ଓବିସି) ସହ ଜାତିଭିତ୍ତିକ ଜନଗଣନାକୁ ଅନ୍ତର୍ଗତ କରାଯିବା ନିମନ୍ତେ ରାଜ୍ୟ ଉତ୍କଳ ଯାଦବ ମହାସଭାର ଆହ୍ୱାନ କ୍ରମେ ରାୟଗଡ ଜିଲ୍ଲା ଯାଦବ ମହାସଭା ତରଫରୁ ଆଜି ମାନ୍ୟବର ପ୍ରଧାନମନ୍ତ୍ରୀଙ୍କ ଉଦ୍ଦେଶ୍ୟରେ ରାୟଗଡ ଜିଲ୍ଲାପାଳଙ୍କ ଜରିଆରେ ଅତିରିକ୍ତ ଜିଲ୍ଳାପାଳ ସୋମନାଥ ପ୍ରଧାନଙ୍କୁ ଏକ ସ୍ମାରକପତ୍ର ପ୍ରଦାନ କରାଯାଇଛି ।

ଜିଲ୍ଲା ଯାଦବ ମହାସଭା ସଭାପତି ତଥା ବରିଷ୍ଠ ଆଇନଜୀବୀ ବ୍ରଜସୁନ୍ଦର ନାୟକଙ୍କ ନେତୃତ୍ୱରେ ଜିଲ୍ଳା ଯାଦବ ସମାଜର ଶତାଧିକ ଲୋକେ ଏକତ୍ରିତ ହୋଇ ଜାତିଭିତ୍ତିକ ଜନଗଣନାକୁ ନେଇ ସ୍ଥାନୀୟ ଆଇସିଡିଏସ୍ କାର୍ଯ୍ୟାଳୟ ଛକ ଠାରୁ ଏକ ବିଶାଳ ଶୋଭାଯାତ୍ରାରେ ବାହାରି ବିଭିନ୍ନ ସ୍ଳୋଗାନ ଦେଇ ଜିଲ୍ଲାପାଳଙ୍କ କାର୍ଯ୍ୟାଳୟ ସମ୍ମୁଖରେ ପଂହଚି ବିକ୍ଷୋଭ ପ୍ରଦର୍ଶନ କରିବା ସହ ଦାବି ଉପସ୍ଥାପନା କରିଥିଲେ ।

ଯାଦବ ଜାତି ସମଗ୍ର ଭାରତରେ ବୃହତମ ଜାତି ଏବଂ ବହୁସଂଖ୍ୟାରେ ଏହି ସଂପ୍ରଦାୟର ଲୋକେ ରହିଛନ୍ତି । ଆଭ୍ୟନ୍ତରୀୟ ଗଣନା ଅନୁଯାୟୀ ଯେଉଁ ମାନଙ୍କ ସଂଖ୍ୟା ପ୍ରାୟ ୨୨କୋଟି ଏବଂ ମଣ୍ଡଳ ଆୟୋଗ ଅନୁଯାୟୀ ଓବିସି ସଂଖ୍ୟା ୫୨ପ୍ରତିଶତ ହେବ ବୋଲି ଆକଳନ କରାଯାଇଛି । କିନ୍ତୁ ଏହା ଉପରେ କୈାଣସି ପ୍ରମାଣ ଭିତିକ ତଥ୍ୟାବଳି ସରକାରୀ ଦପ୍ତରରେ ଆନୁଷ୍ଠାନିକ ଭାବେ ଉପଲବ୍ଧ ନ ଥିବାରୁ ଗତ ୨୦୧୮ ମସିହାରେ କେନ୍ଦ୍ର ଗୃହମନ୍ତ୍ରୀ ରାଜନାଥ ସିଂ ଜାତିଭିତିକ ଜନଗଣନା କରିବାକୁ ସଂସଦରେ ଘୋଷଣା କରିଥିଲେ ।

ସେହିପରି ଏପ୍ରିଲ ୨୦୨୧ରେ ପଛୁଆ ବର୍ଗ ପାଇଁ ଜାତୀୟ ଆୟୋଗ ମଧ୍ୟ କେନ୍ଦ୍ର ସରକାରଙ୍କୁ ଜନଗଣନାରେ ଓବିସି ସଂପ୍ରଦାୟ ଏବଂ ଜାତିଭିତିକ ଜନଗଣନାକୁ ଅର୍ନ୍ତଭୁକ୍ତ କରିବା ପାଇଁ ପରାମର୍ଶ ଦେଇଥିଲେ । କିନ୍ତୁ ଗତ ଜୁଲାଇ ୨୦୨୧ରେ ରାଜ୍ୟ ଗୃହ ବ୍ୟାପାର ମନ୍ତ୍ରଣାଳୟ ପକ୍ଷରୁ ଓବିସିର ଜାତିଭିତିକ ଜନଗଣନା ନ କରିବାକୁ ଘୋଷଣା ହେଲା । ଯଦ୍ୱାରା କେବଳ ଯାଦବ ଜାତି ନୁହଁ ସମଗ୍ର ଓବିସି ସମାଜ ବିଶେଷ ଭାବେ ଆଘାତପ୍ରାପ୍ତ ଏବଂ କ୍ରୋଧିତ ମଧ୍ୟ ହୋଇଛନ୍ତି ତେଣୁ ୨୦୨୧ ଜନଗଣନାରେ ଜାତିଭିତିକ ଜନଗଣନା ସହ ଓବିସ ସଂପ୍ରଦାୟର ଜନ ଗଣନା କରିବାକୁ ସ୍ମାରକପତ୍ରରେ ଦାବି ଉଲ୍ଳେଖ କରାଯାଇଛି ।

ରାଜ୍ୟ ଓ ଦେଶରେ ଅନ୍ୟାନ୍ୟ ପଛୁଆ ବର୍ଗ ଯାଦବ ମାନଙ୍କ ସଂଖ୍ୟା ଗରିଷ୍ଠତା ଅଧିକ ରହୁଥିବାରୁ କେନ୍ଦ୍ର ସରକାର ଜାଣିଶୁଣି ଜାତିଭିତିକ ଜନଗଣନାରେ ଏମାନଙ୍କୁ ଅର୍ନ୍ତଭୁକ୍ତ ନ କରିବାର ଅବ୍ୟବସ୍ଥା ସୃଷ୍ଟି କରୁଛନ୍ତି ଏବଂ ସମଗ୍ର ଓବିସି ଯାଦବମାନଙ୍କୁ ଆଗକୁ ନ ବଢିବା ପାଇଁ ଏବଂ ତାଙ୍କର ପ୍ରଭୁତ୍ୱ ବିକଶିତ ନ କରିବା ପାଇଁ ଯୋଜନା କରୁଛନ୍ତି ।

ତେଣୁ ରାଜ୍ୟ ତଥା ଦେଶର ସମସ୍ତ ଯାଦବ ସମାଜ ପକ୍ଷରୁ ଜାତିଭିତ୍ତିକ ଜନଗଣନାରେ ଓବିସିମାନଙ୍କୁ ଅର୍ନ୍ତଭୁକ୍ତ କରିବା ପାଇଁ ଦାବି କରୁଛୁ ଏବଂ ଚଳିତ ବିଧାନସଭାରେ ରାଜ୍ୟ ସରକାର ଓବିସିଙ୍କୁ ଜାତିଭିତ୍ତିକ ଜନଗଣନାରେ ସାମିଲ କରିବା ପାଇଁ ସଂକଳ୍ପ ପାରିତ କରିଥିବାରୁ ରାଜ୍ୟ ସରକାରଙ୍କୁ ଧନ୍ୟବାଦ ପ୍ରଦାନ କରୁଛୁ ବୋଲି ଜିଲ୍ଳା ଯାଦବ ମହାସଭା ସଭାପତି ଶ୍ରୀ ନାୟକ ପ୍ରକାଶ କରିଥିଲେ ।

ସେହିପରି ଦେଶରେ ବିଭିନ୍ନ ପଶୁପକ୍ଷୀମାନଙ୍କର ଗଣନା ହେଉଥିବା ବେଳେ ୫୨ ପ୍ରତିଶତ ଥିବା ଓବିସି ସଂପ୍ରଦାୟର ଜନ ଗଣନା କରାଯାଇ ପାରୁନାହିଁ । ଜନ ଗଣନା ହେବା ଦ୍ୱାରା ଓବିସି ସଂପ୍ରଦାୟର ଲୋକଙ୍କ ସାମାଜିକ ଓ ଅର୍ଥନୈତିକ ସ୍ଥିତିକୁ ସରକାର ସୁବିଧାରେ ଜାଣି ପାରିବେ ଏବଂ ବିଭିନ୍ନ ଯୋଜନାରେ ସାମିଲ କରି ଉପକୃତ କରାଇବାରେ ସହାୟକ ହେବ ବୋଲି ଉତ୍କଳ ଯାଦବ ମହାସଭାର ସାଧାରଣ ସଂପାଦକ କୀର୍ତନ କୁମାର ନାୟକ ପ୍ରକାଶ କରିଥିଲେ ।

ଆଜି ଏହି ଦାବିପତ୍ର ପ୍ରଦାନ ସମୟରେ ଅନ୍ୟମାନଙ୍କ ମଧ୍ୟରେ ରାଜ୍ୟ ସାଧାରଣ ସଂପାଦକ ଅମୀତ କୁମାର ନାୟକ,ଜିଲ୍ଳା ଯାଦବ ମହାସଭା ଉପସଭାପତି ଭୋଳାନାଥ ମହାଙ୍କୁଡ,ତ୍ରିନାଥ ଗୈାଡ,ସାଧାରଣ ସଂପାଦକ ଶରତ ଗୈାଡ,ପ୍ରତାପ ଗୈାଡ,କାଶିପୁର ବ୍ଳକ ସଭାପତି ସୁରତ କୁମାର ଗୋପାଳ,ସଂପାଦକ ଗୋପ ଗୈାଡ,ଶିବ ନାରାୟଣ ଗୈାଡ,ଗୋପୀନାଥଗୌଡ଼,ଶ୍ୟାମସୁନ୍ଦର ମହାଙ୍କୁଡ,ଉଦୟ ମହାଙ୍କୁଡଙ୍କ ସମେତ ଅନ୍ୟ ପଦାଧିକାରୀ ଏବଂ କାର୍ଯ୍ୟକର୍ତାମାନେ ଉପସ୍ଥିତ ରହିଥିଲେ ।

RELATED ARTICLES

LEAVE A REPLY

Please enter your comment!
Please enter your name here

- Advertisment -
Google search engine

Most Popular

Recent Comments