ରିପୋର୍ଟ : ସନ୍ତୋଷ ନାୟକ //
ବଲାଙ୍ଗୀର,ତା(୧୫/୦୯) : ପୁଇଁତଲା ବ୍ଲକର ଭାଲେର ଗ୍ରାମ ପଞ୍ଚାୟତ ଅଧିନସ୍ଥ ଫଟକରା ଗ୍ରାମର ସୁଧାଂଶୁ ନାଏକ ନାମକ ଜଣେ ୧୮ ବର୍ଷୀୟ ଯୁବକ ତାଙ୍କ ଜମିରେ ଲାଗିଥିବା ପାଣିପମ୍ପ ଦେଖିବା ପାଇଁ ଗତ ମଙ୍ଗଳବାର ଦିନ ଯାଇ ବନ୍ୟା ଜଳରେ ଭାସି ଯାଇଥିଲେ । ଅନେକ ଖୋଜାଖୋଜି ସତ୍ୱେ ତାଙ୍କର କିଛି ସୂଚନା ମିଳୁ ନ ଥିଲା ।
ତାଙ୍କୁ ଗ୍ରାମବାସୀ, ଓଡ୍ରାଫ୍ଟ ଟିମ୍, ଅଗ୍ନିଶମ ବିଭାଗ, ତହସିଲଦାର ତଥା ପୁଇଁନ୍ତଲା ଥାନା କର୍ମଚାରୀଙ୍କ ମିଳିତ ଉଦ୍ୟମରେ ଆଜି ସକାଳ ୯ଟା ୨୦ ମିନିଟରେ ତାଙ୍କ ଶବକୁ ଠାବ କରାଯାଇଛି । ପ୍ରବଳ ବର୍ଷା ଯୋଗୁଁ ବନ୍ୟା ପରିସ୍ଥିତି ସୃଷ୍ଟି ହୋଇଥିବା ବେଳେ ଜିଲ୍ଲାର ତଳି ଅଞ୍ଚଳରେ ଥିବା ଜମିର ଚାଷ ନଷ୍ଟ ହୋଇଯାଇଥିବା ପ୍ରକାଶ ପାଇଛି । ସେହିପରି ଉକ୍ତ ମୃତ ସୁଧାଂଶୁ ତାଙ୍କ ଜମିରେ ଲାଗିଥିବା ପାଣିପମ୍ପକୁ ଉଦ୍ଧାର କରିବା ପାଇଁ ଯାଇ ୧୮ବର୍ଷୀୟ ଛାତ୍ର ସୁଧାଂଶୁ ନାଏକ ବନ୍ୟା ଜଳରେ ଭାସି ଯାଇଥିଲେ ।
ତାଙ୍କ ଜମିରେ ଲାଗିଥିବା ପାଣିପମ୍ପକୁ ଭାସି ନ ଯାଉ ବୋଲି ଉକ୍ତ ପମ୍ପ ଆଣିବାକୁ ଯାଇଥିଲେ । ହେଲେ ଉଦ୍ଧାର କରିବା ପାଇଁ ନାଳକୁ ଯାଇ ନିଜେ ବନ୍ୟାରେ ଭାସି ଅକାଳ ମୃତ୍ୟୁର ଶିକାର ହୋଇଥିଲେ । ତାଙ୍କ ଶବ ଉଦ୍ଧାର ପରେ ଗ୍ରାମରେ ଶୋକର ଛାୟା ଖେଳିଯାଇଛି ।