ରିପୋର୍ଟ : ରଂଜିତ ବେହେରା //
ଢେଙ୍କାନାଳ,(୧୫/୦୯) : ଆଜି ଓଡିଶା ରାଜ୍ୟ ମହିଳା କମିଶନ ଙ୍କ ଦ୍ବାରା ଜିଲ୍ଲା ସମାଜ ମଙ୍ଗଳ କାର୍ଯ୍ୟାଳୟ, ଢେଙ୍କାନାଳର ସହଯୋଗରେ ସ୍ଥାନୀୟ ପୁରୁଣା ଜିଲ୍ଲା ପରିଷଦ ସମ୍ମିଳନୀ କକ୍ଷରେ ଏକ ଆଇନ ସଚେତନତା ଶିବିର ଅନୁଷ୍ଠିତ ହୋଇଯାଇଛି । ଆଜି ମଣିଷ ସମାଜରେ ନାରୀମାନେ ବିଭିନ୍ନ ନିର୍ଯ୍ୟାତନାର ଶିକାର ହେଉଛନ୍ତି ।
ଆଜି ମଧ୍ୟ ନାରୀମାନେ ପୁରୁଷମାନଙ୍କ ସମକକ୍ଷ ହେବାକୁ ଅନେକ ସଂଘର୍ଷ କରିବାକୁ ପଡୁଛି । ସେମାନଙ୍କୁ ସୁରକ୍ଷା ପ୍ରଦାନ , ସମ୍ମାନସ୍ପଦ ଜୀବନ , ଆର୍ଥିକ ସ୍ଵାଧୀନତା ଓ ସାମ୍ବିଧାନିକ ମୌଳିକ ଅକାର ପ୍ରଦାନ ନିମନ୍ତେ ମହିଳା କମିଶନ ଗଠିତ ହୋଇ ଜାଗ୍ରତ ପ୍ରହରୀ ଭାବେ କାର୍ଯ୍ୟ କରୁଛି ବୋଲି ଓଡିଶା ରାଜ୍ୟ ମହିଳା କମିଶନ ର ଅଧ୍ୟକ୍ଷା ମିନତୀ ବେହେରା ପ୍ରକାଶ କରିଛନ୍ତି ।
ଆପୋଷ ମିଳାମିଶା ଦ୍ୱାରା ମହିଳା ଓ ପୁରୁଷମାନଙ୍କ ମରେ ଥିବା ସମସ୍ୟାକୁ ସମାଧାନ କରିବା କମିଶନଙ୍କ ମୁଖ୍ୟ ଲକ୍ଷ୍ୟ ବୋଲି କହିଥିଲେ । ନ୍ୟାର୍ଯ୍ୟ ଅକାର ଏବଂ ସୁଯୋଗ ମିଳିଲେ ନାରୀମାନେ ସମାଜକୁ ଉଚିତ ଦିଗଦର୍ଶନ ଦେଇପାରିବେ ବୋଲି ସେ ମତ ବ୍ୟକ୍ତ କରିଥିଲେ ।
ସମାଜରେ ନାରୀ ପୁରୁଷ ଗୋଟିଏ ମୁଦ୍ରାର ଦୁଇଟି ପାର୍ଶ୍ଵ ଭଳି । ନାରୀମାନଙ୍କର ମଧ୍ୟ ସମାଜରେ ଗୁରୁଦାୟୀତ୍ବ ରହିଛି । ଆଜି ନାରୀମାନେ ମସ୍ୟ , କୃଷି , ଗୋପାଳନ , ବିଭିନ୍ନ ସାମଗ୍ରୀ ଉତ୍ପାଦନ ଆଦି କାର୍ଯ୍ୟ କରି ସରକାରଙ୍କ ବିଭିନ୍ନ ଯୋଜନାକୁ ସଫଳ ରୂପାୟନ କରିବାରେ ମୁଖ୍ୟ ଭୂମିକା ଗ୍ରହଣ କରି ପାରିଛନ୍ତି ବୋଲି ଜିଲ୍ଲାପାଳ ଶ୍ରୀ ସରୋଜ କୁମାର ସେଠୀ ପ୍ରକାଶ କରିଥିଲେ । ସହର ସଫେଇ କାର୍ଯ୍ୟରେ ମହିଳାମାନେ ନିଯୋଜିତ ହୋଇ ସମଗ୍ର ଦେଶରେ ଅନନ୍ୟ ଉଦାହରଣ ସୃଷ୍ଟି ପାରିଛନ୍ତି ବୋଲି ସେ କହିଥିଲେ । ୧୮,୬୦୦ ଟି ସ୍ବୟଂ ସହାୟକ ଗୋଷ୍ଠୀର ୨ ଲକ୍ଷ ସଦସ୍ୟ ସରକାରଙ୍କ ବିଭିନ୍ନ କାର୍ଯ୍ୟକ୍ରମରେ ସାମିଲ ହୋଇ ସେମାନଙ୍କ ଆର୍ଥିକ ଅବସ୍ଥାରେ ଉନ୍ନତି ଆଣିପାରିଛନ୍ତି ।
ଆଇନ ସମ୍ପର୍କରେ ସଚେତନ କରାଇ ମହିଳା ମାନଙ୍କୁ ଶାରିରୀକ, ମାନସିକ ନିର୍ଯ୍ୟାତନାରୁ ସୁରକ୍ଷା ପ୍ରଦାନ କରିବା ନିମନ୍ତେ ସମସ୍ତେ ଆଗେଇ ଆସିବାକୁ ଜିଲ୍ଲାପାଳ ଆହ୍ବାନ ଦେଇଛନ୍ତି । ସାମାଜିକ ନିରାପତ୍ତା ଆଇନ , ଗରିବ ଲୋକଙ୍କ ପାଇଁ ମାଗଣା ଆଇନ ସେବା, ଲୋକ ଅଦାଲତ, ମହିଳା କୋର୍ଟ, ମହିଳା ଓ ଶିଶୁ ସୁରକ୍ଷା ସେଲ, ଜାତୀୟ ମହିଳା କମିଶନ, ରାଜ୍ୟ ମହିଳା କମିଶନ, ମହିଳାମାନଙ୍କୁ ସୁରକ୍ଷା ଦେଉଥିବା ବିଭିନ୍ନ ଆଇନ ସମ୍ପର୍କରେ ବୈଠକରେ ଆଲୋଚନା କରାଯାଇଥିଲା । ଏହି ଅବସରରେ କରୋନା ମହାମାରୀ ସମୟରେ ବିଭିନ୍ନ କ୍ଷେତ୍ରରେ ଉଲ୍ଲେଖନୀୟ ସେବା ପ୍ରଦାନ କରିଥିବାରୁ ଜିଲ୍ଲାର ୧୨ ଜଣ ମହିଳା ବିଶେଷଙ୍କୁ ଅତିଥିମାନେ ସମ୍ମାନିତ କରିଥିଲେ ।
ଏହି କାର୍ଯ୍ୟକ୍ରମରେ ରାଜ୍ୟ ମହିଳା କମିଶନ ସଦସ୍ୟା ଜଲୀନା ପ୍ରିୟଦର୍ଶିନୀ ଓ ସ୍ନେହାଞ୍ଜଳି ମହାନ୍ତି , ଅତିରିକ୍ତ ଆରକ୍ଷୀ ଅଧୀକ୍ଷକ ଶ୍ରୀ ଗଣେଶ ଚନ୍ଦ୍ର ପ୍ରଧାନ ଓ ଶ୍ରୀମତୀ ବିଜୟା ମର୍ମା , ଜିଲ୍ଲା ସାମାଜିକ ସୁରକ୍ଷା ଅକାରୀ ପ୍ରତିମା ଦାଶ ପ୍ରମୁଖ ଉପସ୍ଥିତ ଥିଲେ । ବିଭାଗୀୟ ଅଧକାରୀ ଓ ଜିଲ୍ଲାର ବିଭିନ୍ନ ପ୍ରାନ୍ତରୁ ସ୍ୱୟଂ ସହାୟକ ଗୋଷ୍ଠୀର ସଦସ୍ୟମାନେ ଯୋଗ ଦେଇଥିଲେ । ଶେଷରେ ଜିଲ୍ଲା ସମାଜ ମଙ୍ଗଳ ଅଧୁକାରୀ ଶ୍ରୀମତୀ ଜ୍ୟୋସ୍ନା ରାୟ ସମସ୍ତଙ୍କୁ ଧନ୍ୟବାଦ ଅର୍ପଣ କରିଥିଲେ ।