ରିପୋର୍ଟ : ପ୍ରଣତି ସାବତ //
କାଶୀନଗର,(୧୭/୦୯) : ଗତ ଦୁଇ ଦିନ ତଳେ କାଶୀନଗର ବ୍ଲକ୍ ର କିଡିଗାଁ ଠାରେ ଗଣେଶ ପୂଜା ବିସର୍ଜନ ଭୋଜି ଖାଇ ୨୦୦ଜଣ ଝାଡ଼ା ବାନ୍ତିରେ ଆକ୍ରାନ୍ତ ହୋଇ ବିଭିନ୍ନ ହସ୍ପିଟାଲ୍ ରେ ଚିକିତ୍ସା ହେଉଥିବା ଜଣାଯାଇଛି ।
କାଶୀନଗର ଗୋଷ୍ଠୀ ସ୍ବାସ୍ଥ୍ୟ କେନ୍ଦ୍ର ତରଫରୁ ଗତ କାଲି ଗୋଟେ ଟିମ୍ ଉକ୍ତ କିଡିଗାଁ ଠାରେ ପହଞ୍ଚି ଚିକିତ୍ସା କରିଥିବା ବେଳେ ପରିସ୍ଥିତି ଅସମ୍ଭାଳ ହୋଇଥିବା ଜଣାପଡିଛି ।
ଗତକାଲି ବିଳମ୍ବିତ ରାତିରେ ଡେପୁଟି କଲେକ୍ଟର ଶ୍ରୀ ଯୁବୁଲି ବେହେରା ଥାନା ଅଧିକାରୀ ସୁଶାନ୍ତ କୁମାର ସାହୁ,ତହସିଲଦାର ଶ୍ରୀ ଲକ୍ଷ୍ମୀ ପ୍ରସାଦ ସାହୁ ଟାଉନ୍ ବିଜେଡ଼ି ସଭାପତି ରଘୁରାମ ସାହୁ ଓ ସମସ୍ତ ଡାକ୍ତର ଉପସ୍ଥିତ ରହି ପରିସ୍ଥିତିର ସମୀକ୍ଷା କରିଥିଲେ ।
କିଡିଗାଁ ର ଏହି ପରିସ୍ଥିତି ପାଇଁ ଆଜି କାଶୀନଗର ର ସମସ୍ତ ଗ୍ରୋଷୋରୀ ଦୋକାନ ବନ୍ଦ ରହିଥିଲା । ନିୟମିତ ଭାବେ ଖାଦ୍ୟ ଓ ଯୋଗାଣ ବିଭାଗ,ସ୍ବାସ୍ଥ୍ୟ ବିଭାଗ ନିୟମିତ ଭାବେ ଚେକିଂ ନ କରିବା ଦ୍ଵାରା ତେଲ,ବେସନ, ଅଟା ଓ ଅନ୍ୟାନ୍ୟ ଭେଜାଲ ଜିନିଷ ବିକ୍ରୀ ହେଉଥିବାରୁ ଏଭଳି ପରିସ୍ଥିତି ହୋଇଥିବା ଚର୍ଚ୍ଚା ହେଉଛି ।