ରିପୋର୍ଟ : ରଞ୍ଜିତ ବେହେରା
ଢେଙ୍କାନାଳ,(୧୯/୦୯) : ଆଜି ଢେଙ୍କାନାଳ ସହର ସ୍ଥିତ ଭାଗିରଥି ସାଗରର ପୂର୍ବ ପାର୍ଶ୍ଵରେ ମା ସିଦ୍ଧି ବାସେଳି ପୂଜା ପାଇ ଆସୁଥିବା ପୀଠରେ ମା’ ଙ୍କ ନୂତନ ମନ୍ଦିର ପ୍ରତିଷ୍ଠା ପାଇଁ ଏକ ବୈଠକ ଅନୁଷ୍ଠିତ ହୋଇଯାଇଛି ।
ଆଜିର ଏହି ପ୍ରସ୍ତୁତି ବୈଠକ ଢେଙ୍କାନାଳର ସାଂସଦ ଶ୍ରୀଯୁକ୍ତ ମହେଶ ସାହୁ ଯୋଗ ଦେଇଥିଲେ । ଉକ୍ତ ସଭାରେ ମା ସିଦ୍ଧି ବାସେଳି ମନ୍ଦିର ସମିତିର ଉପ ସଭାପତି ଶ୍ରୀଯୁକ୍ତ ନାରାୟଣ ବେହେରା ସଭା ପରିଚାଳନା କରିଥିଲେ । ଏହି ସଭାରେ ଢେଙ୍କାନାଳର ୮ ଟି ବ୍ଲକ, ୪ ଟି NAC ରୁ ୨ ଜଣ ଲେଖାଏଁ ସଂଯୋଜକ ସ୍ଥିର କରିବାପାଇଁ ନିଷ୍ପତି ନିଆଯାଇଥିଲା । ଜିଲ୍ଲାର ବିଭିନ୍ନ ପ୍ରାନ୍ତରୁ କୈବର୍ତ୍ତ ଜାତିର ପ୍ରମୁଖ ନେତୃବୃନ୍ଦ ଉପସ୍ଥିତ ଥିଲେ । ସଭା କାର୍ଯ୍ୟରେ ଜିଲ୍ଲାର ସଭାପତି ରୁଦ୍ରନ୍ତ ଦଳେଇ ମଞ୍ଚ ପରିଚାଳନା କରିଥିଲେ ।
ଉକ୍ତ ସଭାରେ ଶ୍ରୀଯୁକ୍ତ କୈଳାଶ ଚନ୍ଦ୍ର ସେଠ ,ଶ୍ରୀ ନାରାୟଣ ବେହେରା ,ଜିଲ୍ଲାର ପୂର୍ବତନ ଚେୟାରମ୍ୟାନ ରେବତୀ ବେହେରା, ଶ୍ରୀ ମଦନ ମୋହନ ବେହେରାଙ୍କ ସମେତ ୩୦ ରୁ ଉର୍ଦ୍ଧ୍ୱ କର୍ମକର୍ତ୍ତା ଉପସ୍ଥିତ ଥିଲେ । ପରିଶେଷରେ ଶ୍ରୀ ମଦନ ମୋହନ ବେହେରା ଧନ୍ୟବାଦ ଅର୍ପଣ କରିବା ସହ ସଭାପତିଙ୍କ ଅନୁମତିରେ ସଭାକୁ ଭଙ୍ଗ କରିଥିଲେ ।