ରିପୋର୍ଟ : ବଳରାମ ଶବର //
ଗୁଣୁପୁର,(୨୧/୦୯) : ବେଆଇନ୍ ବନ୍ଧୁକ ତିଆରି କାରଖାନା ଉପରେ ଚଢ଼ାଉ କରି ଗୁଣୁପୁର ପୋଲିସ୍ ବିଶେଷ ସୂତ୍ରରୁ ଖବର ପାଇ ଉକୁମ୍ବା ଗ୍ରାମରେ ନିୟୋଜିତ ଜଣେ ଜେସିବି ଡ୍ରାଇଭର ପାଖରେ ବେଆଇନ୍ ବନ୍ଧୁକ ଥିବା ଜାଣି ଚଢ଼ାଉ କରିଥିଲେ ।
ବେଆଇନ୍ ବନ୍ଧୁକ ତିଆରି କାରଖାନା ଉପରେ ଚଢାଉ ରେ ଅଭିଯୁକ୍ତ ଜେସିବି ଡ୍ରାଇଭର ଦେବଦୁର୍ଲଭ୍ ମହାପାତ୍ରଙ୍କ ପାଖରୁ ଗୋଟିଏ ସିଙ୍ଗଲ୍ ସଟ୍ ପିସ୍ତଲ, ତିନୋଟି ଗୁଳି ସହ ଛୁରୀ ଜବତ କରିଥିଲା ପୋଲିସ । ତା’ ଘର ନୟାଗଡ ଜିଲ୍ଲା ଦଶପଲ୍ଲା ରେ ବୋଲି ଜଣା ପଡିଛି ।
ଏହି ବନ୍ଧୁକ କନ୍ଧମାଳ ଜିଲ୍ଲାର ଚୋକାପାଦ ନିକଟ ପାଣ୍ଡିସୀମା ଗ୍ରାମ ଏକ ବନ୍ଧୁକ କାରଖାନାରୁ କିଣା ହୋଇଥିବା କହିଥିଲେ । ପରେ କନ୍ଧମାଳ ଜିଳ୍ଳ୍ଲାର ଚକାପାଦ ପୋଲିସ ଙ୍କ ସହୟତାରେ ଉକ୍ତ ବନ୍ଧୁକ କାରଖାନା ଉପରେ ଚଢ଼ାଉ କରାଯାଇଥିଲା । ବନ୍ଧୁକ ସରଞ୍ଜାମ ଅଧା ତିଆରି ଦୁଇଟି ଦେଶୀ ବନ୍ଧୁକ, ଦୁଇଟି ପିସ୍ତଲ , ତିନୋଟି ଦେଶୀ ଗୁଳି, କଟର୍ , ଚାରୋଟି ଆଇରନ୍ ବ୍ୟାରେଲ୍ କୁ ପୋଲିସ୍ ଜବତ କରିଥିଲା ।
ବନ୍ଧୁକ ତିଆରି କାରଖାନାରୁ ତ୍ରୀନାଥ ବିନ୍ଧାଣୀ ଓ ଭାବଗ୍ରାହୀ ବିନ୍ଧଣିଙ୍କୁ ଗିରଫ କରି ଗୁଣପୁର ଥାନାକୁ ଅଣା ଯାଇ ଥିଲା । ଅଭିଯୁକ୍ତ ମାନେ ୧୯୯୦ ମସିହାଠାରୁ ବନ୍ଧୁକ କାରଖାନା କରି ବନ୍ଧୁକ ବିକ୍ରି କରୁଥିଲେ ବୋଲି ଗୁଣୁପୁର ପୋଲିସ ସାମ୍ବଦିକ ସମ୍ମିଳନୀରେ ସୂଚନା ଦେଇଛନ୍ତି । ୩ ଅଭିଯୁକ୍ତଙ୍କୁ ଗିରଫ କରାଯିବା ସହ ପିସ୍ତଲ୍, ଦେଶୀ ବନ୍ଧୁକ, ଓ ବନ୍ଧୁକ ତିଆରି ସରଞ୍ଜାମକୁ ଜବତ କରିଛି ପୋଲିସ୍ । ଏଥିରେ ଆଉ କିଏ ସବୁ ସମ୍ପୃକ୍ତ ଅଛନ୍ତି ତାର ମଧ୍ୟ ଖୋଳତାଡ଼ କରାଯାଉଥିବା ଗୁଣୁପୁର ଆଦର୍ଶ ଥାନା ଭାରପ୍ରାପ୍ତ ଯଶବନ୍ତ ହିୟାଲ ସୁଚନା ଦେଇଛନ୍ତି |