ରିପୋର୍ଟ : ଧ୍ରୁବରାଜ ମିଶ୍ର //
ବିନିକା,(୨୩/୯) : ବିନିକା ଥାନା ଅନ୍ତର୍ଗତ ସଉଳପୁର ଗ୍ରାମରେ ମଦ ବିକ୍ରୀ ବନ୍ଦ କରିବା ପାଇଁ ଆଜି ଗ୍ରାମର ମହିଳା ଗୋଷ୍ଠୀ ବିନିକା ଥାନାରେ ଦ୍ୱାରସ୍ତ ହୋଇଛନ୍ତି । ଗ୍ରାମର ୨ ଜଣ ବ୍ୟକ୍ତି ଅବାଧରେ ମଦବିକ୍ରୀ କରୁଥିବାରୁ ଲୋକେ ମଦ ପିଇ ବିଭିନ୍ନ ସମୟରେ ଗାଁ ରେ ଗଣ୍ଡଗୋଲ ଲାଗୁରହୁଛି ।
ପରିବାର ମଧ୍ୟରେ ଆସନ୍ତି ସୃଷ୍ଟି ହେବା ସହ ପୁରୁଷ ମାନେ ଯାହାବି ଦୁଇ ପଇସା ରୋଜଗାର କରୁଛନ୍ତି ତାହା ମଦ ପିଇ ସାରିଦେଉଥିବା ମହିଳା ମାନେ ଅଭିଯୋଗ କରିଛନ୍ତି । ସେହିପରି ଛୋଟ ଛୋଟ ଶିଶୁ ମାନେ ମଧ୍ୟ ମଦ ପିଇ ପଥଭ୍ରଷ୍ଟ ହେଉଛନ୍ତି । ତେଣୁ ସଉଳପୁର ଗ୍ରାମରେ ମଦ ବିକ୍ରୀ ବନ୍ଦ କରିବା ସହିତ ବିକ୍ରୀ କରୁଥିବା ଲୋକଙ୍କ ବିରୋଧରେ ଆବଶ୍ୟକ କାର୍ଯ୍ୟାନୁଷ୍ଠାନ ଗ୍ରହଣ କରିବାକୁ ଗ୍ରାମର ପ୍ରାୟ ୫୦ ଜଣ ମହିଳା ଥାନା କୁ ଆସି ଦାବି କରିଛନ୍ତି ।