ରିପୋର୍ଟ : ରଞ୍ଜିତ ବେହେରା
କାମାକ୍ଷାନଗର,(୨୭/୦୯) : ଗତ ୨୪ /୦୯ ବିଳମ୍ବିତ ରାତିରେ କାମାକ୍ଷାନଗର ବ୍ଳକ ତୁମୁସିଙ୍ଗା ଥାନା ପଣ୍ଡୁଆ ଫାଣ୍ଡି ଅନ୍ତର୍ଗତ ଜାମୁଝରା ଛକ ଠାରେ ବାରୁଆଁ ସମିତି ସଭ୍ୟ ଦୀପକ କୁମାର ମହୁନ୍ତଙ୍କ ଗୁଳିକାଣ୍ଡରେ ମୃତ୍ୟୁ ହୋଇଥିବା ତୁମୁସିଙ୍ଗା ଥାନା ସୃଷ୍ଟି କରିଛି ।
ସୂଚନା ମୁତାବକ ସମିତି ସଭ୍ୟ ଶ୍ରୀ ମହୁନ୍ତ ସ୍ଥାନୀୟ ଅଞ୍ଚଳରେ ପଥର ଖଣି ଓ ବାଲି ପରି ଲଘୁ ଖଣିଜ ପଦାର୍ଥ ବ୍ୟବସାୟ ସହିତ ସଂଶ୍ଳିଷ୍ଟ ଥିଲେ । ଅଭିଯୁକ୍ତଙ୍କ ସହ ବ୍ୟବସାୟ ଜନିତ ବିବାଦ ଥିବା ବେଳେ ୩୫,୦୦,୦୦୦ ଟଙ୍କା ନେଣଦେଣ ପାଇଁ ତିକ୍ତତା ରହିଥିଲା । ଘଟଣା ଦିନ ଅଭିଯୁକ୍ତମାନେ ଶ୍ରୀ ମହୁନ୍ତଙ୍କୁ ଫୋନ କରି ଟଙ୍କା ଦେବାକୁ ଡାକିଥିବା ସହ କେ – ଫର୍ମ ନେବାକୁ କହିଥିଲେ । ଘଟଣାସ୍ଥଳ ଜାମୁଝରା ଛକରେ ଯେତେବେଳେ ଶ୍ରୀ ମହୁନ୍ତ ପହଁଞ୍ଚିଥିଲେ ଅଭିଯୁକ୍ତ ୪ ମଧ୍ୟରୁ ଦୁଇ ଜଣ ଦେଶୀ ବନ୍ଧୁକରେ ତାଙ୍କୁ ଗୁଳି କରିଥିଲେ ।
ଅଭିଯୁକ୍ତ ମାନଙ୍କୁ ଗତକାଲି ଗିରଫ କରାଯାଇଥିବା ବେଳେ କୋର୍ଟ ଫରୱାର୍ଡ କରାଯାଇଛି । ହତ୍ୟାକାଣ୍ଡରେ ବ୍ୟବହୃତ ଦୁଇ ଦେଶୀ ବନ୍ଧୁକ ଓ OD – 02 – BD – 0493 କାର ପୋଲିସ ଜବତ କରିଛି । ଏ ସମ୍ପର୍କରେ ତୁର୍ମୁସିଙ୍ଗା ଥାନାରେ ମାମଲା ( କେସ ନମ୍ବର ତା 25/9/ 2021-131 u/s 302/34 , IPC25/27 , Arms act u/s 302/120B IPC 25/27 ) ରୁଜୁ ହୋଇଥିଲା ବେଳେ ତଦନ୍ତ ପ୍ରକ୍ରିୟା ଜାରି ରହିଥିବାର ପୋଲିସ ପକ୍ଷରୁ ସୂଚନା ମିଳିଛି ।