ରିପୋର୍ଟ : ବିରଞ୍ଚି ପ୍ରସାଦ ଶତପଥୀ
ଗୁଣପୁର, (୦୧/୦୯) : ଗଞ୍ଜେଇ ବେପାରୀଙ୍କ ଭୂସ୍ବର୍ଗ ପାଲଟିଛି ଗୁଣପୁର ଅଞ୍ଚଳ । ଅଭିଯୁକ୍ତ ମାନେ ଦିବାଲୋକରେ ଗଞ୍ଜେଇ ଚାଲାଣ କରୁଥିବା ଦେଖାଯାଉଛି ।
ଆଜି ଖର୍ଲିଙ୍ଗ ଗ୍ରାମ ନିକଟସ୍ଥ ଆର ଏମ୍ ସି ଚେକ୍ ପୋଷ୍ଟ ନିକଟରେ ଗୁଣପୁର ଆଦର୍ଶ ଥାନା ପୋଲିସ୍ ଦୁଇ ଗଞ୍ଜେଇ ଚାଲାଣକାରିଙ୍କୁ ଗିରଫ କରିଥିଲା । ବିଶ୍ଵସ୍ତ ସୁତ୍ରରୁ ଖବର ପାଈ ଏସ୍ ଆଇ ଲଛମି ପରଜା ପୋଲିସ କର୍ମଚାରୀଙ୍କ ସହ ଖର୍ଲିଙ୍ଗ ଗ୍ରାମ ନିକଟରେ ପେଟ୍ରୋଲିଙ୍ଗ୍ କରୁଥିବା ସମୟରେ, ଏକ ଧଳା ରଙ୍ଗର ମହିନ୍ଦ୍ରା ପିକ୍ ଅପ ଭେନ (OD 29 B 4734) ଗାଡିକୁ ଅଟକାଇ ଯାଞ୍ଚ କରିବା ସମୟରେ ୨୩ ଟି ଗଞ୍ଜେଇ ବସ୍ତା ଥିବାର ଦେଖିଥିଲେ । ଅଭିଯୁକ୍ତ ମାନେ ହେଲେ ଗଜପତି ଜିଲ୍ଲା ଅଡବା ଥାନା ଅନ୍ତର୍ଗତ ଅଣ୍ଟର୍ଵା ଗ୍ରାମର ଯୁସୟ ରଇତ (୧୯) , ମୁକେଶ ମଣ୍ଡଳ (୨୪) ।
ସେମାନଙ୍କ ଠାରୁ ୬୮୮ କେଜି ୮୪୦ ଗ୍ରାମ ଗଞ୍ଜେଇ, ନଗଦ ୭୫୦ ଟଙ୍କା, ଦୁଇଟି ମୋବାଇଲ ଫୋନ୍ ଓ ଏକ ମହିନ୍ଦ୍ରା ପିକ୍ ଅପ୍ ଭେନ୍ ଜବତ କରାଯାଇଥିବା ଗୁଣପୁର ଆଦର୍ଶ ଥାନା ଅଧିକାରୀ ଉତ୍ତମ କୁମାର ସାହୁ ସୂଚନା ଦେଇଛନ୍ତି । ଅଭିଯୁକ୍ତ ଙ୍କୁ ଜେରା କରିବା ପରେ କୋର୍ଟ ଚାଲାଣ କରାଯିବ ବୋଲି ପୋଲିସ ସୂଚନା ଦେଇଛି ।
