ରିପୋର୍ଟ : ଧୃବରାଜ ମିଶ୍ର
ସୁବର୍ଣ୍ଣପୁର, (୦୩/୦୯) : ସୁବର୍ଣ୍ଣପୁର ଜିଲ୍ଲା ପୁଲିସ୍ କୁ ରକ୍ତ ଦାନ କ୍ଷେତ୍ର ରେ ଅତୁଳନୀୟ ସେବା ହେତୁ ମିଳିଛି ସମ୍ମାନ ପତ୍ର ।
ଆଜି ସୁବର୍ଣ୍ଣପୁର ଜିଲ୍ଲା ପୁଲିସ କୁ ବୀର ସୁରେନ୍ଦ୍ର ସାଏ ରକ୍ତ କେନ୍ଦ୍ର ର ନିର୍ଦ୍ଦେଶିକା ଡା. ଅନୂପା ଟପୋ ଜିଲ୍ଲା ପୁଲିସ ର ରକ୍ତ ସଂଯୋଜକ ମନୋଜ ପଣ୍ଡା ଙ୍କୁ ମାନପତ୍ର ଓ ମୋମେଣ୍ଟୋ ଦେଇ ସମ୍ବର୍ଦ୍ଦିତ କରିଛନ୍ତି । ଜିଲ୍ଲା ପୁଲିସ ୨୦୨୨-୨୦୨୩ ରେ ସର୍ବାଧିକ ରକ୍ତ ସଂଗ୍ରହ କରି ସମଗ୍ର ପୁଲିସ ଜିଲ୍ଲା ରେ ଏକ ନମ୍ବର ହୋଇ ଥିଲା । ରୋଗୀଙ୍କ ପରିଜନ ଙ୍କୁ ରକ୍ତ ଯୋଗାଇବା ତଥା ରୋଗୀଙ୍କୁ ରକ୍ତ ଦେବାର ଏ ମାନବୀୟ ସେବା ଗୁଣ ଲୋକଙ୍କ ପାଖ ରେ ପୁଲିସ୍ କୁ ଆସ୍ତା ଭାଜନ କରିପାରିଛି । ବୌଦ୍ଧ, ଫୁଲବାଣୀ ଅନୁଗୁଳ ତଥା ଅନ୍ୟ ରୋଗୀ ଙ୍କ ପରିଜନ ଙ୍କୁ ଜିଲ୍ଲା ଆରକ୍ଷୀ ବାହିନୀର ଯବାନ ମାନେ ରକ୍ତ ଦାନ କରି ଏକ ଉଦାହରଣ ସୃଷ୍ଟି କରିଛନ୍ତି । ପୁଲିସ୍ ର ମାନବୀୟ ସେବା ରକ୍ତ ଦାନ ଆଗାମୀ ଦିନରେ ରକ୍ତ ଦାନ ପ୍ରତି ଏକ ଆନ୍ଦୋଳନ ସୃଷ୍ଟି କରିବ ବୋଲି ଜିଲ୍ଲା ରକ୍ତଦାତା ସଂଘ ର ସଂଯୋଜକ ମନୋଜ ପଣ୍ଡା କହିଛନ୍ତି ।
